(( ** مواقف دراسيه ** ))

أخواني الاعزاء

مثل ماانتم عارفين ان اجمل ايام حياتنا أو من اجمل ايامنا كانت (( ايام الدراسه )) سواء كانت ابتدائيه او متوسطه او ثانويه او جامعيه , ولاشك انه حدث لنا الكثير والكثير من المواقف التي لاتنسى ابدا , فمنها الموقف المضحك ومنها الموقف المحرج ومنها الموقف المفرح , باختصار كل شيء حصل ايام الدراسه 0

لذالك هذا الموضوع عباره عن ذكريات الدراسه بودي لو ان الجميع كل يبدأ بذكر اغرب موقف حصل له ايا الدراسه سواء كان مضحكا او مبكيا او مفرحا 0

لان حياتنا الدراسيه ماده خصبه للكلام والحكي عنها : مثلا اول تهريبه :) أو اول ضربه من مدرس 0

اول مره وداك الشايب للمدرسه وانت بزر وشسويت ؟؟

او اول ماشفت الطماط بشهادتك وشكان موقفك ؟

كذاك مواقف الشطاره التفوق والنجاح ........ الخ

ارجو من جميع الاخوه عدم الاحراج والمشاركه بهذا الموضوع ويستطيع العضو ان يشارك اكثر من مره او اثنتان كل حسب مواقفه فالبعض مواقفه قليله والبعض مواقفه لاتعد ولاتحصى 0

تقبلوا تحيات

اخوكم الووووووسي

انا ابتبرع واببدا بذكر اول موقف

صراحه كان اول موقف يحصل لي في المدرسه , كنا باحد القرى واخذني الوالد الله يرحمه ووداني للمدرسه على اساس انهم يسجلوني بصف اول ابتدائي , لما كان الوالد الله يرحمه موجود كان كل شيء عادي وطبيعي , حتى لما قال لي مع السلامه انا بروح تحملت هول الموقف , لكن كلها دقايق والا الدموع اربع اربع وانواع الصياح , وكل محاولات التهدئه ماانفعت معي 0

المهم بعد فتره من الزمن ماني متذكرها الان كم كانت , ناظرتوالا الباب مفتوح باب المدرسه , قلت مالي الا اني انحاش واروح للبيت والبيت مو بعيد حيل عن المدرسه , المهم عضيت ثوبي بسنوني وعطيت سيقاني للريح , واكفخ واحلق تقل طير حر , واحس كني بالجنه وهارب من جهنم , المهم حسيت بصوووت زلزال وراي وهذا اللي خلاني التفت , لااله الا الله يوم التفت , والاهاكا الغول اللي يركض وراي والا هو احد المدرسين , يااااااويلي واشد حيلي واركض وكل ماركضت زود احس انه قربلي اكثر , المهم قربت للبيت , صدقوني شباب ان مابيني وبين البيت الا امتار يمكن عشر امتار او اكثر شوي , ومسكني قبل لاادخل البا , الله يذكره بالخير مسكني بيد وحده ورفعني كني كورة قدم , ورجولي طايرات بالهوا ويتأرجحن ورجع بي لجهنم للمدرسه , عقبها عقلت وعرفت ان الله حق 0

هذا كان اول موقف والا المواقف كثير وباذكر بعضها انشاءالله .

الموقف الثاني

حدث هذا الموقف عندما كنت في الصف الرابع الابتدائي , حينها حضر الينا طالب جديد وكان يمني , وقد لاحظت ان هذا الطالب وبحكم انه مغترب دائما لوحده , كما اني لاحظته انه لايذهب الى المقصف المدرسي بالفسحه ولايشتري سندوتش ولم اره قط ياكل ! وكان اسمه فؤاد , فذهبت اليه وقلت له يافؤاد ليه انت ماتروح للمقصف زينا وتشتري سندوتش , فقال وببساطه لان ماعندي فلوس , فرحمته كثيرا , وقلت له طيب وكيف تاكل بالمدرسه , فقا احضر معي (( عيش )) من البيت واكله هنا ,, فرحمته اكثر وقلت له خلاص يافؤاد من هنا ورايح انا بجيب السندويش لي ولك وعلى حسابي , فشكرني فؤاد اليمني , وقعدنا اسبوعين على هالحال , وفي احد المرات وانا جايب السندوتش والقاه ياكل هاكالسندويشه اللي ماعندك احلا منه مليانه جبن وسلطه وخيرات , قلتله فؤاد من وين لك هالسندويشه , قال هاذ امي تسويها لي هاذ ال (( العيش )) اللي قلتلك عليه !
قلت هذا عيشكم ؟ وانا افكر كلمة (( عيش )) يعني (( رز )) قلت هذا من فقرهم لامن تغدو الظهر امه شالت له شوي من الرز وياخذهن معه للمدرسسه :D

الله لايحطكم بموقف فؤاد هاكاليوم واطلع سندويشاتي منه غصب , ومن بعدها كل ماسمعت كلمة (( عيش )) ضحكت .

تقبلوا تحيات

اخوكم الوسي

الاخ الوسي

رائع بك من رواياتك وتعقيباتك واضافاتك شعلة نشاط في هذا المنتدى


مواقفك مكتوبة وراوائع تتحفنا بها دائما

الوسي اه منك ومن مواضيعك...والله قطعت الاتصال على شان افضي لك
والله المواقف كثيره....لكن اذكر اني في الثالث متوسط كان عندنا درس هندسه
وقبله كان كيمياء....وكنت ذاك اليوم في حاله تذكاريه للشله الي سافروا للدراسه.....عموما فالكيميا كلها معادلات...
والهندسه زوايا......زاوية أ وزاوية باء ........الخ
وفجأة الاستاذ وجه لي سؤال هندسي؟؟ لحسن الحض الاستاذ يعرف اني بادي
اقول الشعر.......قال ايش الجواب يامحارب........اعتذت اني تعبان وصدق
قبل يدق الجرس قال يا محارب لازم تجيني لغرفة المدرسين!!!
طيب يا استاذ....راح الفرفه......وتبعته...وجدته يبتسم ابتسامه عريضه!!!
انا متوقع العكس.....قلت نعم استاذ....قال طلع الوريقه الي كنت اطالعها وانا بالفصل......حاولت الانكار......قال على شان تمر الامور بسلام لازم اتطلعها
طلعتها والا الله لا يوريك......ما يحضرني منها الاتي
من الكيميا ضيعت فكري واليت
......................وطبيت بحر الروم واصبحت سكران
معادلات يا خويي وكبريت
..........................وحوامض ما حضره ل كسلان
وفي يوم انا بالهندسه قد زليت
...........................حطيت قبل الزاويه حرف زيدان
قال المدرس يامحارب وين وليت
......................قلت اتركن يا استاذ ذكرت الاخوان
بعدها قال شف ما راح اسالك الا اذا رفعت ايدك على شرط ما تقول فيني
الا الكلام الطيب اما انك قلت اتركن متى قلت هذا؟؟؟المهم انه بالثانويه صار
صديق وعزيز

هذا الموقف ما اعتقد انه طريف بس كان غريب الطرافه فيه انا نحن الطالبات فرحانين على عمرنا ولا فاهمين شي بخبركم السالفه


كانت اول سنه النا في الكليه ولا كنا نعرف في الانجليزي شي (وكل مدرسين الكليه اجانب ) المهم كان درس اعتقد ادارة الاعمال ويا الاستاذ وشرحه كان فضيع ما ينفهم منه شي ابد. المهم يوم شافنا موب فاهمين شي وخبرناه قلناله عيد الشرح شو قال:
how ur gonna understand anything as long as ur putting such black thing onur head

يعني كيف بتفهمون وانتوا محطين هالشي الاسود على راسكم؟ نحن ابتسمنا وقلنا ييييييس طبعا لانا ما فهمنا كلمه من اللي قالها وضحك وكانت الحصه خلصت عقب الحصه كانت فيه وحده ذكيه فهمت شو قال وخبرتنا طبعاً كسرنا الدنيا واشتكينا وبهذلناه وفي الاخير ما جددوله العقد المهم الاستاذ كان مستغرب ليش اشتكينا ونحن قلنا يييس وكنا راضين؟!!


طبعاً هو ما فهم انا ما فهمنا كلمه من اللي قالها ومشيناها على الله وقلنا ييس

اثرك رحوم يالوسي
بس ذكرتنا بايام الدراسه عند القراوه
الله وكبر

الاخ العزيز حائل

شكرا لتعقيبك ,, مع اني كنت اتمنى ان تذكر لنا احد مواقفك في المدرسه

لان الموضوع عن المواقف الدراسيه

بانتظار موقفك باذن الله
ــــــــــــــــــــــــــــــــــــــــ ــــــــــــــــــــــــــــــــــــــــ ــــــــــــــــــــــــــــــــــــ

الاخ العزيز ابو مرزوق

انت بالذات انا متأكد ان عندك مئات المواقف

طبعا (( المواقف الدراسيه ))

لذالك كلنا بانتظار اتحافك لنا بواقفك ,,, الاكيد انها جميله وجميله جدا

تقبلوا تحيات

اخوكم الوووووووووسي

الاخ الفاضل والمبدع دائما محارب الخيال

انت اجمال كله ,,, حتى مواقفك غير عاديه

مواقف غريبه تكون مليانه (( انسانيا )) من كل شيء

وجمالها في شموليتها ,,, فيها شعر ونكته وغرابه ,, وكل شيء ,,

تحيه لك بجمالك

تقبل تحيات

اخوك الووووووووووسي

اخت الجميع الاخت العزيزه ظبيانيه

والله لقد تزينت مظائفنا بتواجدك

مشاركاتك في هذا المنتدى اعطته بريقا خاصا ,,

أما موقفك فهو من المواقف الجماعيه :D :D فالكل قال يسسسس :D

شكرا لك ولمشاركتك وبانتظار مزيدا من مواقفك الرائعه

وشكرا لجمال توقيعك فوالله ان الدعاء افضل كثير من الشعر

تقبلي تحيات

اخوكي الوووووووووسي

اخوي الوسي:
بقول لك شى ماهو مبطي يعني مانبى الفضايح كله تطلع المهم كناندرس انجليزي ومعي واحد من العيال الله يستر عليه ينتع قال المدرس قل لفلاح nice to meet you
تعرفونه طبعا الاخ بدل ماينطق الc سي نطقهاk يعني قال نايك وعقبه الا اعقب الا تهبا :)

:D :D :D

شكرا لمشاركتك اخوي فلاح الشمري

تقبل تحيات

اخوك الوووووووسي