نبـذه عن الشاعر الكبير / محـمد العـوني

[align=center]السلام عليكم ورحمة الله وبركاته

،،
،[/align]

[align=center]قصائده تدق طبول الحرب .. وشخصيته تقترب من المتنبي ..!!

نبذه مختصره عن ولادته وطفولته ونشأته [/align]

[align=center]في قرية من قرى القصيم الصغيره ( الربيعيه) ، ولد محمد بن عبدالله العوني سنة 1275هـ تقريباً ، ونشأ في كنف آل مهنا أبا الخيل ، أمراء مدينة بريده ، وتربى مع أطفالهم ، وخصوصاً عبدالعزيز العبدالله آل مهنا ، الذي كان بينه وبين العوني صداقه حميمه وموده أكيده ، لم تنقطع أواصرها إلا بوفاة عبدالعزيز في معركة المليداء الشهيره .[/align]


[align=center]الأحوال السياسيه [/align]

[align=center]شهدت بداية القرن الرابع عشر أمتداد حكم الأمير محمد بن رشيد رحمه الله حتى شملت نجد بأكملها ، وكانت منطقة القصيم أهم محاور الصراع الدائر آنذاك وفي سنة 1308هـ ، وبعد معركة المليداء الحاسمه ، دخلت هذه المنطقه تحت حكم الأمير محمد بن رشيد ، وقتل في هذه المعركه عبدالعزيز آل مهنا ، أقرب شخص إلى قلب العوني ، وصديق طفولته ، فبكاه شاعرنا بعدة قصائد : -[/align]

[poem=font="Simplified Arabic,4,black,bold,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
الله عسى منزنٍ نشا من هضابه=يمطر على قبرٍ ورا الطعس من غاد
ياعنك قلبي ماسلا عن ترابه=بالحلم هو والعلم ناصيه رواد [/poem]

[align=center]وكانت القصيم تنعم بالعدل أبان حكم الأمير محمد بن رشيد وكان أمير عادل ومتواضع ، وكان رحمه الله متكفل بكل يتيم تحت المناطق التي حكمها طوال عمره .. رحمه الله .[/align]


[align=center]مع الأمير سعود بن رشيد [/align]

[align=center]في عام 1326هـ كان العوني من مستشارين الامير سعود المقربين ، ظل العوني عند الأمير سعود بن رشيد ، وشارك في جميع معاركه التي خاضها ، ومن أهم هذه المعارك : معركة ( جراب ) و ( معركة الجوف ) وفي هذه المعركه الأخيره كان له دور كبير ، وقال قصائد كثيره ومنها قصيدته التي على لسان الأمير سعود بن رشيد ، وأستنهض بها قبيلة شمر .[/align]


[align=center]معركة الجوف [/align]

[align=center]في عام 1338هـ ذهب أهالي الجوف إلى الامير سعود بن رشيد ، وطلبوا منه أن يخلصهم من أميرهم ، وأعلنوا تبعيتهم له ، فقاد الامير سعود بن رشيد حمله مكونه من ستمائة شخص ، غالبيتهم من فرسان حائل ، وذهب بهذه الحمله إلى الجوف وأستطاع الإستيلاء عليها ، لكن أمير الجوف أرسل إلى النوري بن شعلان وابنه نواف يستنجد بهم ، فقاد نواف بن النوري الشعلان جيشاً كبيراً مكوناً من عدة قبائل مثل : الحويطات ، والعوازم ، والروّله ، والشرارات . وذهب الى الجوف وحاصرها مدة من الزمن حتى نفذت مئونة أبن رشيد ونفذ ماعندهم من الزاد والطعام ، وهنا يأتي دور شاعرنا الكبير العوني والذي قال هذه القصيده عند حصارهم لأبن رشيد : -[/align]

[poem=font="Simplified Arabic,4,white,bold,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]
الاعمـار سفـن والليـالـي ابـحـار=والاقـدار تجـري والغبـاب اغــزار
ولوهـب لـه ولـم سـارت سليـمـه=صيـور مرجـوع اعلـمـار دمــار
الهي ملاذي مسنـدي وانـت فزعتـي=لاعـاد واحــد والخـصـوم اكـثـار
وانا في حماك وحـدر ظلـك وجيرتـك=وتبريـت مـن غيـرك وكـل جــوار
فوضت انا امري لـك بحيلـي وحيلتـي=وحاشـاك جـار فــي ذراك يــذار
ونويت انا ابعد بعد اتكالي عللي الولـي=اعـد مـاشـاف النظـيـر وصــار
واقـول للركـب العقيـلـي ترحـلـوا=علي اكـوار وسعـات الجبـاه حـرار
جـلايـل فــج الـحـور عـلاكــم=علـي اول جلـس مابهـن اعـشـار
حيـل تبـاري بالمسيـر الـي ادلجـن=مـشـن مــن دار وجــن ديــار
لاباس لـو رضتـوا لنـا قـدر ماطـرا=مايوجـبـن الساعـتـيـن احـيــار
الي قضي يـا ركـب شانـي وشانكـم=همـوا همـام مــا تــلاه احــوار
لا حركـوهـن بالمـسـر ولجلـجـن=يشـن شــادوف حــداه اعـصـار
اركبتهن من نقـره الجـوف واشملـن=كمـا جـول ربـد صابـهـن اذيــار
وعقـب خمـس ليـلات يلفـن قبيلـه=لهـم بالثنـا عـلـم ابـعـد وكــار
يلفـن لبـن شعـلان نـواف شيخهـم=يقولـون لـه علـم ايـعـد اجـهـار
يقولـون هـو مالـه شبيـه مقـاتـل=ياكـود مـا يكتـب علـيـه دمــار
ونخبرك في عشـر ليـلات جـرن لنـا=شفنـا بـهـن بالناضـريـن كـبـار
وهميـت بامـر مايهـمـه غـيـرك=وبغيـت تقنـص بالـدجـاج حــرار
وجبـت العـوازم والشـرارات هتمـه=وابوتايـه يـرثـع بغبـيـر هـجـار
وحاشي ولي العـرش يخلـف عوايـده=يركب علـي سـرج الحصـان احمـار
تكابـرت منزلكـم عليـنـا وعقلـكـم=تحسبوننـا حـظـر حـمـا احـظـار
وحنـا نـدور النـاس ماهـي تدورنـا=لاشـك ذي ثــاره بغـيـر اعـيـار
جونا مناجيـب مـن الجـوف قولهـم=ماعـاد بالجوبـه يـسـوج وســار
وجيـنـا ثلاثمـيـه ذلــول نحثـهـا=نبـغـي نـعـدل مـايــل وايـســار
لمـا وردنـا الحـزل جانـا ركـايـب=يقولـون كـل اللـي ايـقـال بــوار
يقولون بـن شعـلان بالجـوف نـازل=ومنهـو لكـم قبـل صـديـق وبــار
وابـن مويشـيـر تبـيـن بقولـكـم=وثـارت علـيـه الديرتـيـن وحــار
ينخـاك يازبـن المخـيـف ودونــه=نـار يشطـر عـن سـنـاه شــرار
وشرنا بربـع الـراس والحـاق قـوه=تــودع بوالـيـد الحـديـد اكـسـار
وشلع طيـر شلـوي ماتسمـع لقولنـا=يقـول مايـقـري الرفـيـق اعــذار
وعيب علـي مثلـي اليـا هـد ينثنـي=الـي شـاف نيـران الحريـب اكبـار
انا صلب عبـدالله وانـا شبلـه الـذي=بـنـي للمعـالـي فـــوق داره دار
وهـي الجـدانـي تـعـدد بقولـهـم=تدخـل ولا ننـشـد عــن المعـبـار
وصفق مثل غواص هـوي فـي غبـه=وشفتـوا بـنـا يالطيبـيـن عــوار
وكثروا هل الخونات مـع كثـر قومكـم=ورمتـوا مــور مـاتـرام اعـسـار
وزود طمعكـم قلـنـا قـبـل فعلـنـا=وحنـا بصـكـات الـلـزوم اكـثـاار
وجيتـوا اجمـوع صايلـيـن تبونـنـا=وهقواتكـم قـبـل الـزحـام اقـمـار
ولمـا سمعتـوا غلامـيـن قومـنـا=تنـادي بصـوت للحـريـب اذعــار
ووردوا شفقيـن علـي المـوت كنهـم=وورد تعـايـل ماعـلـيـه احـيــار
تناخـوا صبيـان الجبـل دون شيخهـم=الـي صـك كـلاب الحـديـد وجــار
ولمـا صدرتـوا تطلـبـون بيوتـكـم=والمـوت باتـلاكـم يـخـم اخـيـار
شفتوا وعفتوا رايكـم عقـب ماجـري=تقولـون نرويـهـم بـطـول مــدار
مساكيـن مايـدرون منهـو قبيلـهـم=الي شـب للحـرب الضـروس اسعـار
مادريـوا انـه شالهـم مـن ترابهـم=وهـم مـادروا وش بالزمـان يــدار
ابـرم عليـهـم حيـلـه ضيغمـيـه=بعـقـل وتدبـيـر وســداد وســار
اضـرم لهـم نـار حاظـي شرارهـا=ايضـا بعـد عقـبـه قـفـاه ابـنـار
ارسـل لحـر نـادر مــن مجـاذبـه=ابنـه الـي قـام الخصـيـم وثــار
وسعـود حمـال الاثقـال ابومشـعـل=علـي ردتـاه سـج اركـاب وســار
لمـا لفـي بــه عــزوه شمـريـه=شمـر الـي قـب العـجـاج وثــار
ومن حين من جاهم صاح بالصوت بينهم=وبكـي عبـره منهـا بكـن اعـبـار
بكـي وقـال الشيـخ ينخـا جمعـكـم=بنـي عمنـا مـن ترقبـون اخـيـار
بكـي عبـره منهـا جـرن ادموعهـم=ومنـا غـداد مـع الجلـوس انـثـار
شمر الي مـن العـرب عـدت العـرب=تـري دونهـم كـل العلـوم اصـغـار
لهـم بالعـلا والمعـضـلات قـدايـم=الـي قـل جـم الموجـبـات وغــار
ومن دار قحطـان ومـن قبـل التبـع=لهـم بالـعـلا وبالطـايـلات مـنـار
نمتهـم الـي العليـا فـروع قبـايـل=ماهـن لفـاق مـن حظيـر حـظـار
والله لولاهـم فــلا يـذكـر الـوفـا=ولا للحـمـيـه بالـعـبـاد مـــدار
شهـد لقولـي يـوم جانـب شيخهـم=وهـم قبـل غضبيـن عليـه اجهـار
مشوا من شنق شـط الفـرات عقايـب=سيـل غشـا وادي رويــل احـمـار
مشي من يميـن قبـلا وانهـل دوقـه=عجـل غشـا روس الجبـال اغـبـار
تلافوا علـي الحـزل القديـم واقبلـوا=علـي اكـوار حيـل كنهـن امـهـار
علي ايسر سكاكا لفاهـم سقـي الوبـا=لمـا ركـب خشـم الطعـوس وسـار
يرعد ويبـرق والغضـب فـي جوانبـه=شــم ابوسلـطـان سـنـاه ونــار
وخـلا هـل العليـا وخـلا حلالـهـم=وخــلا خيـامـه والاذواد يـســار
وخمسميـه مــن لابــه وايلـيـه=خـلاه للضبـااع والسـبـاع مــزار
وجنـب عـن امـه والعيـال ووالـده=وذا عـلـي مثـلـه كبـيـر وعــار
وخـلا المدافـع والمكايـن وانـهـزم=هـو وابوتايـه قفـل عقلـه وطــار
عقـب المكالـخ والخطـوط وقولـهـم=حنـا سبـاع صــار ديــك خــار
ساعه لمـح بالعيـن غلبـا وشافهـم=بــدل بنـيـات الثـبـات فـــرار
لابـد منـيـوم تصـيـده اشبولـهـا=لـو اخطـت مـره تصـيـده امــرار
علي راي ابومشعل معدل صغـا العـدا=شيـخ ايهـدي مـن عـلاه اصـطـار
نشا بشـب الحـرب والضـرب مولـع=صغيـر ولا طالـت علـيـه اشـبـار
كريـم السجايـا كـل ماحـاش طولـه=تـزايـد بحـلـم وعـفـه ووقــار
وربيـط جـاش بالمـلاقـي والـوغـا=ضحي الكون من ضرب الفوارس خـار
وهو ضارب الاخطار من دون ما بغـي=وهو مـودع العظـم الصليـب اكسـار
وهو مقدم الهيجا وهـو قطبـه الـذي=علـيـه دالـوبـت رحــاه ايــدار
وهـو عظيـم الشـان والجـاه والثنـا=وهـو واحـد الدنيـا بغـيـر انـكـار
فياطالبيـن الحكـم لاتجهـلـون بــه=رويـدا تـري قضـب الجـوم اعسـار
تمـت وصلـي الله علـي سيـد المـلا=عـدد مـن قصـد بيتـه وحـج وزار[/poem]

[align=center]ونظّم شارعنا الكبير قصيده آخرى رائعة على لسان الأمير سعود الرشيد ، وهي التي بعث فيها النخوه في روح أبناء قبيلة شمر وأستنجد بهم شيخاً شيخاً حيث يقول : -[/align]

[poem=font="Simplified Arabic,4,white,bold,normal" bkcolor="transparent" bkimage="backgrounds/15.gif" border="none,4,gray" type=0 line=0 align=center use=ex num="0,black"]
راكب فوق حرٍ يذعره ظله=مثل طير كفخ من كف قضّابه
من سكاكا ترحّل واترك الذله=واحذر الخوف هاجوسك تمعنى به
سر لشمّر واخبر لابتي كله=لابةٍ باللقايا حي من لابه
قل لوادي وابو عافت بعد قله=يانهارٍ على الجوبه حضرنا به
دريو إنّا قليلٍ وابتغوا خله=وارتكينا بعون الله وحجابه
مانحق النظر من كثر خلق الله=وين شمر هل العادات والجابه
وين مطني وعباس وربعٍ له=يا لها كربةٍ لولا لها لابه
وانخ طايس وبرجس هو وجندٍ له=وانخ عبده إلى من حل ضبضابه
وانخ ضاري والأسلم قل تجي كله=أخو صلفه إلى منه كلح نابه[/poem]

[align=center]وما إن وصلتهم القصيدة حتى تجمع الكثير من أبناء وشيوخ شمر ، وقاموا جميعهم لنجدة الامير سعود بن رشيد ، وبالفعل أنتهت المعركه بإنتصار كبير لشمر وإبن رشيد ، وأنهزام الشعلان ومن معهم شر هزيمه .
وقد قال العوني هذه القصيده بعد المعركه : -[/align]

[poem=font="Simplified Arabic,4,white,bold,normal" bkcolor="transparent" bkimage="backgrounds/28.gif" border="none,4,gray" type=0 line=0 align=center use=ex num="0,black"]
مزنه حل الغضب من جوانبها=قادها المولي علي راس عدوانه

امطرت بالموت والفوت صايبها=صار بامره صها فوق عدوانه

هلت القصدير وسعود يندبها=وانزعج سوا البلا قبل دخانه

الفخر والمدح للي بجانبها=يوم حل البين والنفس بلشانه

عاش من كفه ضحي الكون خضبها=يوم خطو اللاش به طارت اذهانه

امدحوا من هدوا دمي مخالبها=قدم ربعه ماتنقي بحيطانه

امدحوا صبيان حايل جلايبها=وردوا بايمانهم كل عطشانه

يوم قام سعود بالصوت يندبها=وردوا حوض المنايا علي شانه

خلوا الشعلان تطرخ ذوايبها=عند غرس الجوف تروح منشانه

ذيبي اللي بالغضا لاتجنبها=عن هل العليا تراهم بجدرانه[/poem]


[align=center]وقصيدته الآخرى في نفس المعركه حيث يقول : -[/align]

[poem=font="Simplified Arabic,4,white,bold,normal" bkcolor="transparent" bkimage="backgrounds/28.gif" border="none,4,gray" type=0 line=0 align=center use=ex num="0,black"]
يانديبي سر علي كور قطعيه=حره من ساس ذرواه مفروده

ماحلا روله بدوه خلاويه=كنها الربدا عن الدوح مطروده

راكبه ياصاح ياطيب هالنيه=والضحي هذاك بالحزل منشوده

قل جري يوم عبوس سمك فيه=زلزل الضلعان والقاع برعوده

بيننا كن الموازر ضحي الهيه=ضوح برق الصيف والهند مجروده

والجنايز مثل جدع الجناديه =قبل شرب الما علي جال ماروده

والدما سالت علي القاع سبليه=عشبها للطير والذيب وجنوده

سته اغواش شعالين مع ميه=من الروله كنها الجيد مرجوده

سلبوا صبيان حايل قصاويه=وردوا ورد علي الماي ماكوده

لين بلوا كل نفس شقاويه=اشهد ان الطيب هم راس ماروده

يوم قام سعود ينخا الفداويه=زادت العلمان والعز بسعوده

شيخنا زبن الونيه عن السيه=في نهار يصبح الشيب مالوده[/poem]


[align=center]سجنه ووفاته [/align]

[align=center]قد حصل خلاف كبير بعد سقوط حائل بينه وبين الملك عبد العزيز في مدينة حائل خلاف كبير جدا ( لا داعي لذكره ) ، وقد امر الملك بسجنه ، واوصى عليه ابن جلوي حاكم الاحساء ، وكان أبن جلوي قاسي العذاب معه .. حتى حس بالوهن والضعف وادرك ان لن يتوب فانه لن يخرج من السجن ووجد ان افضل ما يفعله هو ايصال صوت حرفه الى الملك عن طريق قصيده يثبت فيها انه مذنب ويتوب ويستعطف الملك حتى يخرجه من السجن فجلس في السجن
والى حوله الحرس ينشد عليهم قصيده رائعه المعاني جيدة الاسلوب من صميم الالم والحسره ..

فأخذ ينشد ويقول : -[/align][poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=0 line=0 align=center use=ex num="0,black"]
يالله ياوالـي علـى كـل والـي=ياخير من يدعـا لكشـف الجليله

المالك المعبـود محصـي الرمال=الكون والدنيـا ومابـه فهي له

يقضي ويمضـي قـادرا مايبالي=والخلق ماتفعل بلا امره فعيله

اشهـد فـلا غيره الـه ولا لي=رب سواه اخشاه وارجي لنيله

ياواجد فوق السموات عالـي=من سطوته كـل الخلايـق ذليله

يافارج الشده بضيـق الحوالي=افرج لعبدك يامنجي خليله

وانظر بعينك يابا الافراج حالي=فرد غريب والمصافي قليله

وحيد مالي غير ظلك ظلال=ذليل مالي غيـر عزك وسيله

ياراحم ارحـم شيبتي وانخذالي=ياجابر اجبر عثرتي والفشيله

والطف وناظر يالوالي في سؤالي=لاتاخذن فيما مضى مـن فعيله

لا اخوان لا عمان ولامن خوالي=ولا من صديق في الورى نشتكي له

لو كان مايجلي سوا الله جالي=ماشفت عبد هرجته لي جميله

تقطعت وذم العرى والمدالي=من جملة الخلان والمستخيله

قضت من المخلوق مااحد بقي لي=الا انت ياللي ما يخلي عميله

عاودني كل الناس شرق وشمال=ولا بقي غيرك ذرا التجي له

شافوني مذلول وحيد وخالي=ولالي من الفزعات مومي شليله

وانا بعون الله متان حبالي=متجود بحبال منشي المخيله

لو كان كل له صديق موالي=اقراب واخوان والقبيله [/poem]


[align=center]هكذا اخذ الشاعر ينشد وينشد وينشد ... وقد ابحر كثيرا .... حتى وصل الي اعلان التوبه ... ويقول شاعرنا الكبير : -[/align]

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=0 line=0 align=center use=ex num="0,black"]
ياعالـم بالمخطيـه والعدال=تشوف مالي غير عدلك وسيله

فلا تؤاخذني بما مضى فعالي=ياساتر العورات مضفي جميله

لو كان ذنبي راجح بالجبال=عفوك عظيم ليس ذنبي عديله

اطلبك تقبل توبتي عن خمالي=واطلبك عني كل كـرب تزيله

واطلبك تغفر لي وتصلح عمالي=يامزين الخايف الى باد حيله[/poem]

[align=center]اخذ ينشد ويستعطف لحاله ... ثم اخذ ينشد ويصف السجن وحاله ويقول : -[/align]

[poem=font="Simplified Arabic,4,white,bold,normal" bkcolor="transparent" bkimage="backgrounds/22.gif" border="none,4,gray" type=0 line=0 align=center use=ex num="0,black"]
افرج لمن بالحبس دونه رجال=وابواب واقفال وحصون طويله

في وصط دباب غريب لحالي=اظلم ولا ادري وش نهاره وليله

متروك مالي من يريد المقال=لا احد يبي قولي ولا احد يشيله[/poem]

[align=center]ويقال أن أبن جلوي سجنه بغرفة مظلمة ماشاف فيها نور الشمس لسنوات طويلة وعند خروجه من السجن و حينما وقع نور الشمس عليه مات في الحال لان جسمه لم يعد يتحملها من طول ماقضى السنوات في السجن المظلم ..

رحمه الله برحمته الواسعه وأسكنه فسيح جناته ..

هذه نبذه مختصره جداً عن شاعر نجد الشاعر الكبير محمد بن عبدالله العوني ..

تقبلوا خالص المحبه والإحترام أخوكم / بندر الشمري ..[/align]

الاخ بندر الشمري،،،،،،
الله يعطيك عافية على الموضوع الجميل،،،،،،
لكني وجدت ان فيه بعض الاخطا اللي يصعب السكوت عنها،،،،،،
انت تقول

اقتباس:

---

في عام 1338هـ ذهب أهالي الجوف إلى الامير سعود بن رشيد ، وطلبوا منه أن يخلصهم من أميرهم ، وأعلنوا تبعيتهم له

---

انت ما تدري ان الجوف من ايام عبدالله العلي الرشيد الى ان سقطت حايل وهو تابع لحايل‍‍؟‍‍
وبعد تقول

اقتباس:

---

فقاد الامير سعود بن رشيد حمله مكونه من ستمائة شخص ، غالبيتهم من فرسان حائل ، وذهب بهذه الحمله إلى الجوف وأستطاع الإستيلاء عليها ،

---

والقصيدة اللي يقول العوني
وجيـنـا ثلاثمـيـه ذلــول نحثـهـا ++ نبـغـي نـعـدل مـايـل وايـســار
يعني هم ماغير ثلاثمائة ذلول عددهم وليس غالبيتهم من الفرسان!؟
وبعد تقول

اقتباس:

---

استطاع الاستيلاء على الجوف لكن أمير الجوف أرسل إلى النوري بن شعلان وابنه نواف يستنجد بهم ، فقاد نواف بن النوري الشعلان جيشاً كبيراً مكوناً من عدة قبائل

---

والقصيده تقول
لمـا وردنـا الحـزل جانـا ركـايـب ++ يقولـون كـل اللـي ايـقـال بــوار
يقولون بـن شعـلان بالجـوف نـازل ++ ومنهـو لكـم قبـل صـديـق وبــار
معناه ان ابن شعلان نازل بالجوف ومستحله قبل يجي ابوخشم وان كل اللي يقال بوار ، والدليل يوم انهم يشيرون عليه خوياوه باستلحاق قوة قبل دخول الجوف وعيا الامير واستعيب على من مثله يهد وينثني يوم شاف نيران الرولة كبار من كثرهم وهو شبل عبدالله
وعيب علـي مثلـي اليـا هـد ينثنـي ++ الـي شـاف نيـران الحريـب اكبـار
انا صلب عبـدالله وانـا شبلـه الـذي ++ بـنـي للمعـالـي فـــوق داره دار
هذي ملاحظاتي ارجو تقبلها ومناقشتي فيها بكل رحابه صدر
دمت،،،،،،،،،،،
الرعـــــــــــــب

[align=center]ياملا العافية والله على هالمشاركة ،،،

العوني شاعر إرتبطت غالبية اشعارهـ بالحروب التي كانت في ذلك الزمان ،،،

وإسمح لي فأنا اؤيــد ملاحظات الأخ الرعب فيما يخص عدد جيش الامير/ سعود بن عبدالعزيز

آل رشيد وكيفية دخوله الجوف:)

عموما ً ...

ما قصرت يالغالي والإختلاف في الرواية وتسلسل الأحــداث لا يفسد للود قضيــة ..!؟

تحيتي لك ،،،

والسلااااااام ...
..[/align]

[align=center]لاهنت يا الرعب على تصحيح بعض الأخطاء ،،

لاكن هذا ماوصلني عن معركة الجوف ومن لديه أي ملاحظة أو تعديل تخص هذه المعركه فليتفضل بها مشكورا ،،


تحياتي [/align]

[align=center]ياهلا ومسهلا بالاخ العزيز راع الوقيد وأشكرك كل الشكر على التعقيب الجميل.

لا هنت يا السنافي [/align]

[align=center]
قال العوني بالأميــر / محمد الطلال ابن نايف الطلال العبدالله الرشيد:-[/align]

[poem=font="Andalus,6,orange,normal,normal" bkcolor="green" bkimage="" border="inset,8,firebrick" type=1 line=0 align=center use=ex num="0,black"]
يا نديمي فوق موجافـي=تقطـع الديـان بهدالـه

سر وتلقى مزبن اللافـي=وانت يالمندوب مرسالـه

قل لبو تركي بلا خافـي=لو يجيب طويق ورجالـه

دون حايل نبحث الخافي=قبل كسرى موحش جاله

ما نقلنا حـد الاسيافـي=غير دون السلف وجباله

نضرب الكدرات بالصافي=منعت الجدان عيالـه

ان سلم حمّاي الاطرافـي=صلب عبـد الله تحرالـه

حاكـم الحكـام زهّافـي=هيلع ٍ مـا توجـد امثالـه

ان هرج هرج ٍ فهو يافي=وان نطح جمع ٍ هدم جاله

يا عنود ٍ قرنهـا ضافـي=حـظ منعـور ٍ تهيّـالـه

خدّها مثل القمر صافـي =طيبه المثلـوث يبرا لـه

حرّمت حكام الاشرافـي=غير ابو بندر تبي جالـه [/poem]
[align=center]
وسلامتكم بعدحي انتم:)[/align]

[align=center]لاهنت ياراع الوقيد على هذه الإضافه ، ورحم الله العوني والامير محمد بن طلال الرشيد ..

ومن قصص الشاعر محمد العوني بأن توجد له قصيده غريبه جداً وقصتها كالتالي : -

في فترة من الفترات ذهب محمد العوني إلى مكه وزار الشريف عون في مجلسه الذي يكتظ بالشعراء النبطيين ، ويروى أن الشريف عون تكلم في مجلسه وفضّل شعراء الحجاز على نجد ، فوقف العوني ليرد عليه ، وقال : ما أنا إلا شاعر عادي من شعراء نجد ، وهناك الكثير من النجديين أجود منّي شعراً ، لكني مع ذلك أتحدى جميع شعرائك هؤلاء أن يأتوا بقصيده مثل قصيدتي التي سألقيها الآن وهي خاليه من الحروف ، مهمله ، ثم أخذ ينشد شاعرنا الكبير ويقول : -[/align]

[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="none,4,gray" type=0 line=0 align=center use=ex num="0,black"]
هل الهلال وهامل الدمع مدرار=لا هل واهمل ماطره كالهلل هل

صور وصار الملح والدل والكار=له والمها ما له ولا رسم ما كل

لو صاح صالح طالعه ساع ما دار=اسود على صدره على المسك عمل

سامح محمد لا رأى روس الاسطار=وحسامه الصارم لراع الهوى سل

ولا رد كود اهلا وسهلا له كرار=والحلم هو والعلم دله ولا دل

اساله وما درى الود ما صار=ولا ولاله كم دور لهم عل

اول صدور مواصله والهوى صار=لما الدهر رده على حاله اول

ما صح عله والرعد ما وسم دار=والحال حال الحول والحمل ما حل

ولولا حلاها حلها روس الاكوار=ما حل له دل ولو هو حل ما دل

عسا عسى ما كمل الدار للدار=عاد الرحا دوره على روس الاوحال

وصلوا على طه عدد رمل الاوعار=او ما كسا سهل الوطا للسما طل[/poem]

[align=center]وبالفعل لم يستطيع أحد من الشعراء الجالسين أن يرد عليه ..!!

وللعلم القصيده هي عباره عن 40 بيت لاكن وللآسف لم أجد سوا هذه الأبيات ،،

تحياتي لكم[/align]

[align=center]ولا تهون اخوي بندر ،،،

ايضا من القصائد المعجزة للعوني :-
لما كان العوني بالكويت جاوهـ واحدن من القصيم قيل انه (صلبي) ..
قال وين العوني ؟ قالوا هذا العوني .! قال آهـ وش عندك ؟ قال انا والله جاي من القصيم وابي اتجاكر انا واياك بالقصيد .! انت يالعوني اليا قلت لك كلمة شاعت مع الناس وقضبوهـ يا وال ٍ تعفي قال وقال .؟ وحنا نقول ويطير مع الهواء ولا يقضبونه الناس .؟ وهالحين ابي نتجاكر انا واياك .. إما تغلبن والا اغلبك !؟ قال العوني: زين !! انت جاي من القصيم وتبي تجاكرن .؟ وانا ما اقول كلمة الا بهاك وجاك ـ بشرط ـ إن غلبتك لك يومين تحرج على ذلولك واللي عليه من شداد وغيرهـ تسان انت مغلوب والله ما تركبه كله بس من شان تنكس رجلي .. وين ذلولك وش نوحك رجلي ؟ وتعلم من ينشدك من شان انه يبين علمي " يقوله العوني " وتسان ما انت مغلوب الرزق على الله .؟ ومن بيتين << التحدي .؟ قال الصلبي ما يخالف ...
هها يالله قل ؟ قل انت يالصلبي .؟
قال الصلبي: لا قل انت انا اركب لك على كل طاروق .؟
قال العوني: لاجل انك انت العاني والحق لك .؟
قال الصلبي: لا الحق لك .. انت اكبر مني والحق لك انت .؟
قال العوني :-

[poem=font="Simplified Arabic,4,burlywood,normal,normal" bkcolor="blue" bkimage="" border="double,9,black" type=1 line=0 align=center use=ex num="0,black"]


يالله من مزن كمى القنديل براقه = ليا ناض برقه علينا تنثر ارناقه

طاق على طاق كن طويق اطاقه = غراف جراف ضوح البرق يدلي به

وشوفي بعيني خيال المزن لا عقرب = مثل الحيايا تقلب حين ما تضرب

ليا ناض يسرق نظير العين بامر الرب = تسمع رزيز الرعد يزهي باجانيبه[/poem]

قال العوني: هن هذولي يالله عطنا اللي عندك .؟
قال الصلبي: وشن هذولي ؟
قال : هذولي هاللي انت تشوف !؟
الثمرة ان الصلبي بلش بهالقصيدة !؟
وقال: افتح لي باب ما انا طير اطير واوقع فوقه .!
قال العوني : ما عندي لك مفاتيح .. يالله:(
وإنهزم الصلبي عجز لا يركب على هالطاروق:)

ملاحظة : كل بيت كتبته هنا هو عبارة عن شطر بيت
من القصيدة العوني !!؟ بحيث تكون القصيدة عبارة عن
بيتين وليس اربعة ابيات .؟!
واااااضح .؟

وسلامتكم ...
..[/align]

[align=center]الف شكر لك اخوي بندر
وسلمت الانامل على هالمعلومات القيمة
والف شكر للاخوان على الاضافات الرائعه
دمت بخير
اختك 00 المهرة[/align]

الله عسى منزنٍ نشا من هضابـهيمطر على قبرٍ ورا الطعس من غاد
ياعنك قلبي ماسـلا عـن ترابـهبالحلم هـو والعلـم ناصيـه رواد 0000
راع الجمل وده يطيح ** واللي على متنه رماه
ياعيال انا مالي نطيح ** مليت من تالِ الحياه 00 الف شكر لك اخوي بندر
وسلمت الانامل على هالمعلومات القيمة
والف شكر للاخوان00 المهم لاهنت يا اخى بندر ولا هنو اخى الرعب واخى راعى الوقيد على هذى القصص وتاريخ شمر المجد وبرزان العز وتحيه منى لك والى برزان المجد وشمر التاريخ وهذا التاريخ اخى لا يتحرف ولا يتزيف ولا يزعل احد ونحنوا ابناء مجد وتاريخ ماضى وحاضر وسلمت يا اخى بندر اخوك صدى صرخه وبرزان العز وشمر المجد

يعطيك الف عاافيه اخوي بندر

وتسلم على المعلومااات القيمه

ويسلم كل من اضااف معلومه في هذا الموضوع

ولاااا هنت

[align=center]راعي الوقيد : -

الله لا يهينك على هالإضافه ، ولاعدمناك يا القررم .






المهـ ـره : -

يامرحبا بالآخت العزيزه أسعدني مرورك وتعقيبك كثيراً ، لاهنتِ وتحياتي لك .






صدى صرخه : -

ياهلا ومسهلا بإبن العم وأشكرك على المشاعر الطيبة ولاهنت يا السنافي .






عيوووون باااكيه : -

لاهنتِ على مرورك والشكر موصول لك على هالتعقيب الجميل ، خالص الود .[/align]

:44:

<<<<<<<UP>>>>>>>

:44:


.

[align=center]مناكد ../ مشكور للرفع ولاهنت ..


../ بندر جزاك الله خير .. عز الله موضوع جميل جداً .. [/align]

الف شكر لك اخوي بندر
وسلمت الانامل على هالمعلومات القيمة
والف شكر للاخوان على الاضافات الرائعه
دمت بخير

بندر بيض الله

وجهك على هذا الموضوع

[align=center] يسلموا هالانامل

شكرا ويعطيك العافيه الصراحه طيب هالذكر للعوني
ولكن لا اعرف إن كان هناك اخطاء ام لا واترك التصحيح للاخوان
ولكن مشكووووووووووووور

كل الشكر[/align]

اخي بندر

مشكور على القصه الجميله والتي تعرفنا بالشاعر العوني


ولكن لدي ملاحظه ذكرت ان قبيلة العوازم غزت مع بن شعلان ضد بن رشيد لفتح الجوف

وهذا اول مره نسمع به فهل تستطيع ان تمدنا بمصادرك

ولك الشكر

حي الله العازمي

بالنسبة للمصدر :-

وجبـت العـوازم والشـرارات خلطهم ** وابوتايـه يـرثـع بغـيـر هـجـار

عقب المكافخ والخطوط وقوله ** حنا سباع صار ديك وخار

وحاشي ولي العـرش يخلـف عوايـده ** يركب علـي سـرج الحصـان احمـار

هذا مصدر موثق :thumb:

وسلااااااااام ...

اخي راعي الوقيد


اشكرك على توضيحك ولم يخفى عني الشيء هذا ولكن اصبت الهدف الذي اعنيه

اخي لفت انتباهي كلمة (هتمه) مما جعلني استغرب من الشاعر هذا القول هو متوفي ولا يبقى الا عمله وقوله فهو محاسب ولكن انا اعتقد انه خطأ مطبعي دون قصد من صاحب الموضوع وانها (خلطه)

رحم الله اموات المسلمين ( والمسلم من سلم المسلمون من لسانه ويده)

وتقبل الله منا ومنكم صالح الأعمال

[poem=font="Simplified Arabic,5,white,normal,normal" bkcolor="black" bkimage="" border="none,medium,gray" type=2 line=0 align=center use=ex num="0,black"]
الاعمـار سفـن والسنيـن ابحـار=بالاقدار تجـري والغبـاب غـزار
ولو صار له ولم وصـارت سليمـه=صيـور مرجـوع العمـار دمـار
آلهي وليي ومسندي وانت فزعتـي=ليا عاد وحـدي والخصـوم كثـار
انا في ذراك وحدر ظلك وجيرتـك=وتبريت عن غيـرك ابكـل جـوار
وفوضت امري لك وحيلي وحيلتـي=وحشـى الجـار فـي ذراك يـذار
ونويت انا بعد اتكالـي علـى الولـي=اعـد ماشـاف النظيـر وصــار
واقـول لركـبن للعقيلـي ترحلـوا=على كور حيل وبينهن مهار
ولا باس لو عجتوا لنا الهجن قدرما=ارسـم جوابـي والركـاب حيـار
فالي قضى ياركب شانـي فشانكـم=همـوا همـام مـاتـلاه حــوار
جلايـلن فـج النـحـور عـلاكـم=علـى اول جلـس مابهـن بكـار
حيل تماري بالمسيـر الـى ادلجـن=وساجن وداجن خمـصن واضمـار
فان حركوهـن للهجيـج ولجلجـن=تشبـه دوانيـق حـداه اعـصـار
اركبتهن من نقـرة الجوف واشملـن=كمـا جـول ربـدن صابهـن ذيـار
وبعد خمس ليـلات يلفـن قبيلـه=لهـم بالثنـا علـم بعيـد ذكــار
يلفن لنـواف بـن شعـلان بعـد ذا=والنوري ومن لـه هرجـةٍ واجهـار
قولوا له يازبن المخيفه عن الـردى=ترى النصايح تشرى والصحيح قرار
نقـول لـك ان مـا للرشيـد مقابـل=الا لمـن يكتـب علـيـه ادمــار
ونخبرك عن ماضي الليالي بفعلنـا=بهـن شفت انـا بالناظريـن صغـار
وهميـت بامـرن مايهم بـه غـيـرك=تريـد تقنـص بالدجـاج حــرار
جبت الحوازم والشـرارات خلطهـم=وابـو تايـه يرثـع بغيـر هجـار
عقب المكافخ والخطوط وقوله=حنا سباع صار ديك وخار
حاشا ولي العرش يخلـف عوايـده=يركب على سرج الحصـان حمـار
أمـا هـل العليـا فنعـم القبيـلـه=لاشـك ماهـد الجـبـال جــدار
تكابرتوا منازلكـم علينـا وغركـم=تحسبونـا حضـرن حمـا حظـار
حنا ندور النـاس ماهـي تدورنـا=لا شـك ذي ثـارت بغيـر عيـار
وجانا من الجوبه مناديب يقولون بقولهـم=ما عاد بالجوبـه يسـوج وسـار
وركبنـا ثلاثميـة ذلـولن نحثـهـن=نبـي نـعـدل مـايـل ويـسـار
لما وردنـا الحـزل جتنـا الركايـب=يقولـون كـل اللـي يقـال بـوار
يقولون ابن شعلان بالجوف نـازل=ومن كان قبـلن له صديـقن بـار
الا ابـن مويشيـر تبيـن بقولـه=وقامـت عليـه الديرتيـن وحـار
وينخاك ياعز الرفيق ومزبنه =نارك يشطر عن سناه شرار
وشرنا برد الراس والحـاق قوه=تـودع بواليـد الحديـد كـسـار
وشلع طير شلوى ماتصنت لقولنـا=يقـول مـادون الرفيـق عــذار
عيبن على مثلـي يهـد وينثنـي=ليا شـاف نيـران الحريـب كبـار
أنا صلب عبدالله وأنا شبلـه الـذي=بنـى للعلـيا فـوق ساسـه دار
وهـي الجـدا من قديـمن افعالنـا=ندخـل ولا ننشـد عـن المعـبـار
كما وصف غواص ضرب وسط غبه=يشق البحر لو كـان موجـه فـار
وكثرت بكم الخونات مع كثر قومكم=ورمتـوا أمـور ماتـرام عـسـار
وقلتـوا قليليـن وذا قبـل فعلنا=وحنـا بضنكـات الامـور كـثـار
جيتـوا جمـوع صايليـن تبوننـا=هماتكـم قبـل الـزحـام قـمـار
من قبل ما أوحيتوا غلامين قومنـا=تنـادى بحـسن للحريـب ذعــار
اهل هدةٍ شفقا على المـوت كنهـم=وردن تمـايـل ماعلـيـه حـيـار
تناخوا غلاميـن الجبـل وشيخهـم=الى مااحتكم صرف الزمان وجـار
ليا صدروا بالراي مطلـق بتوتهـم=والمـوت يتليهـم يخـم خـيـار
ارسل لشمـر نـادر مـن مجاذبـه=ابنـه ليـاقـام الخصـيـم بـثـار
ومشى بهم حمال الثقل ابو مشعـل=على ديرته سـج الركـاب وسـار
الى مالفـن بـه عـزوة الشمريـة=غلبـا الـى قـب العجـاج وثـار
من حين جاهم صاح صوت يحثهـم=وبكى عبـرة منهـا جـرت عبـار
بكى عبرة منها تجارت دموعهـم=لينه مشت دمـع الجيـوش نثـار
مشوا من ورا شط الفرات عقايـب=ميعادهـم نـار الحريـب نـهـار
تلاوواعلى الحـزل القديـم وقيلـوا=على اكـوار حيـل بينهـن مهـار
مشوا مثل مزنن يطحن فـي ربابـه=سيلـه غشـا وادي رويـل وحـار
مشوا من يمين قبال وانهـل ودفـه=عجل غشـى روس الزبـار غبـار
على ايسر سكاكا باللقايط سقى اللوى=ليا ماركب خشم الطعـوس وجـار
يرعد ويبرق والغضب في جوانبـه=شاف ابـو سلطـان سنـاه ونـار
خـلا هـل العليـا وخـلا حلالهـم=وخـلا خيامـه والديـار يـسـار
وجنب عن ابنه وعيـال عمـه=وهـي علـى مثلـه كثيـر وعـار
وخمسميه من لابته عـزي لهـم =خـلاهم لعجـاف السبـاع مــزار
خـلا المكايـن والمدافـع وانتحـى=هو وأبو تايـه فـر عقلـه وطـار
ساعة نظر بالعيـن غلبا وشافهـم=بدل من عقب هـز الشبـاة فـرار
ولابد مـن يـومن تصيـده شبولهـم=لو اخطتـه مـرة تصيـد مـرار
شمر ليا من العـرب عـدت العـرب=من دونهـم كـل الحبـال قصـار
وحبالهم بالضيق تـروي رفيقهـم=الى ماغـدت كـل الحبـال قصـار
وهم نسل قحطان لحق عقـب تبـع=لهـم بالعلـى والطايـلات منـار
واظن لولاهـم فـلا يذكـر الوفـا=ولا للحمـيـه والعـلـى مــدار
اشهد بعيني يوم جانـبت شيخهـم=وهم قبل غضبانيـن عليـه جهـار
على راي أبومشعل مقعد صغا العدا=الشيخ معدى مـن عـلاه صطـار
نشا بشب الحرب والضـرب باتـع=ياويـل مـن يلحـق عليـه بثـار
كريم السجايا كلمـا حـاش طولـه=تزايـد حلـم وعفـةٍ ووقــار
وسيع جـاش فـي ملاقـاه للعـدا=ضحا الدم من ضرب الفوارس فـار
وهو سور خيله حين لاجت عن القنا=وهو مـن وراهـا فـارسٍ صبَـار
وهو الضاري الجبار ليا بغى العـدا=وهو مودع العظم الصليـب نثـار
وهو مقدم الهيجا وهوفارس القضا=عليـه دالـوب القـتـال يــدار
وهو عظيم الجاه والشـان والثنـا=وهـو واحـد الدنيـا بغيـر نكـار
ياطالبيـن الحكـم مهـلاً ترفقـوا=رويدا ترى قضب النجـوم عسـار
تمت وصلى الله على سيـدالـورى=عدد من قصـد بيتـه وحـج وزار [/poem]

تحياتي:)

الصيرمي


اشكرك على التوضيح

جبت( الحوازم )والشـرارات خلطهـم
وابـو تايـه يرثـع بغيـر هـجـار

حيث لم يسبق ان سمعنا ان قبيلة العوازم غزت مع ابن شعلان ضد بن رشيد

شكرا لك على هذه الالماحة لكن قصيدة الخلوج أشهر قصيدة له ولها مناسبه لا أدري كيف نسيتها..علما أن قصيدة التوبة من أشهر قصائده وله كتاب وسم ب محمد العوني الشاعر الكبير موجود في مكتبة المعرفة في حائل فيه جميع قصائده ..

بســــــــــــــم الله الــــــــرحمـن الرحيم
بندر الشمري
:7ayyoh: على الموضوع
تحياتي للجميع