نعم .. للكامري

[align=center]السلام عليكم

بالخير يابدو:goooood:

.....................

أبو الأصايل .. أشوف مويضيعاتك كله بالقصايد

ياخوك ترا هنا الفله !!

والشعر الشعبي .. حدر !!:c:

** أدري يافلان .. لكن الشعر الشعبي مالي المخش:eek:

تقول بورصة ( طوكيو ) زحمه 24 ساعه:359r:

ولو تبي تكتب لك تسم بيت .. مايمضي خمس ساعات

ألا وهي بالصفحه الرابعه ( عيني عليهم بارده ):biggrin:

وبعدين .. مجموعة نبراااس وهكا الربع .. مالنا معهم أكل عيش

والمثل يقول : رحم الله امرءاً عرف قدر قصيدتوه :315r:

لكن هنا بالفله .. الشباب والشبابات :rolleyes:يجاملون ويشجعون ويغضون الطرف

وكلكم عزيزين أنتم وأهل الشعر الشعبي

......................

السالفه ..

جاني حدا الغالين ،، وقال لي ، يالأصيل عندي لك هديه

قلت مقبوله

قال : شريط ( VXR ) كلوه قصايد لأخونا الشاعر براك الفريسي

رتسبت سيارتي .. وأنا لك أحطوه بالمسجل ،،

ليوالله قصايدن ما أزين منه ،،، انبسطت بالطريدز

قظى الوجه ... وأنا لك أقلبوه

وببداية الوجه الثاني .. دريت أن الفريسي برفحا

قالو لوه أهل رفحا : نبي قصيده بالكامري

قال : والله إني ما أداني الكامري !!!:408r:

عاد أنا سيارتي كامري

(( ولاتحسبونن شباب .. ترو نص شعر راسي أبيض )):290r:

المهم ..

مافطنت ألا سيارتي خذت يمين .. وهي لك تودزف

العلم ؟؟

قالت : ماتسمع شيقول الفريسي ؟؟

قلت : بكيفوه ،، للناس فيما يعشقون مذاهب

قالت : ما أمشي ألا تقصد بي قصيده !!

قلت يابنت الحلال مهو وقتوه ، ونا مستعجل وعندي شغل

قالت : لله ،، ما أتحرك

قلت أنا ما أعرف أتغزل بالسيارات ولا بالبنات

وبعدين .. الفريسي ،، ماقصّر ،، مدح ولد عمتس ال( VXR):p:

وكلكم من عايلة اليابان طيور شلوا !!!!

قالت : ترن علمتك .. مايدور الكفر ألا بقصيده ..

قلت : مهو الحين ... بعدين بعدين ...[/align]











[poem=font="Simplified Arabic,5,white,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قالت أفا ( ياصيل ) يالقرم وشجاك؟!=ماتسمع اللي يقْصد ،، ويحْمسن حمس

والله يلولا خوّت الدرب وياك=أحلف يمين إنك فلا تلمسن لمس

ياشَين ...خلك شاعرن مثل براك=يمدح من الفكسار للجيب للجمس

قلت العفو .. وش جابتس إنتي لذولاك=للكامري توقيعي .. وبصمة الخمس

يانجمة(ن) تاظي على كل الأفلاك=كل الكواكب مشيها يتبع الشمس

فازت على صنعة كلنتون وشيراك=باقي المواتر بالوطى تنرمس رمس

سته سلندر .. جير أرضي .. وايرباك=وبلوفها ... صوت العشيقين بالهمس

كشنه أوتوماتيك ( قدام) ( والباك )=كل المواتر غيرها تنطمس طمس

دقّه عجيبه بالزراير والاسلاك=ومسجله ( سي دي ) مع ( التتش ) باللمس

يجحد فعولتس كل حاسد وشكاك=لاشاف زول الكامري ينعمس عمس

ماهمها دربن تغطيه الأشواك=ولا روّعه فز الجرابيع والنمس

ياموتري لك ملبس العز يزهاك=دور الجموس أقفى زمانه من الأمس

حجمه صغيرن مثل حر(ن) ليا جاك=والنسر مع حجمتس من الرُبع للخُمس

قالت : كفى ياصيل ... نفداك نفداك=قلت الأصيل بحبكم منغمس غمس[/poem]





[align=center]أخوكم ... أبو ثوب[/align]

[poem=font="Simplified Arabic,5,white,normal,normal" bkcolor="black" bkimage="" border="none,4,gray" type=0 line=0 align=center use=ex num="0,black"]
قالت أفا ( ياصيـل ) يالقـرم وشجـاك؟!
ماتسمع اللي يقْصـد ،، ويحْمسـن حمـس

والله يلـولا خــوّت الــدرب ويــاك
أحلـف يميـن إنـك فـلا تلمسـن لمـس

ياشَيـن ...خلـك شاعـرن مثـل بـراك
يمـدح مـن الفكسـار للجيـب للجـمـس [/poem]


[align=center]

اقتباس:

---

المهم ..

مافطنت ألا سيارتي خذت يمين .. وهي لك تودزف

العلم ؟؟

قالت : ماتسمع شيقول الفريسي ؟؟

قلت : بكيفوه ،، للناس فيما يعشقون مذاهب

قالت : ما أمشي ألا تقصد بي قصيده !!

قلت يابنت الحلال مهو وقتوه ، ونا مستعجل وعندي شغل

قالت : لله ،، ما أتحرك

---

:p:

معها حق الكامري الفريسي متلولسن بالدقة القديمة أمهات جفاشر
أما هالحين بوقتنا هذا المطلوب كل صغير والصغير ياهو ........... :p:

7
7
7
حيالله الحضري :smooch:

من طول الغيبات جاب الغنايم ياخال :thumb:

تقول فيدويين الشعر >>> مالك محل بينهم بس الغازي عن عشر أطنان :p:

الي بالك عارفينوه لاعدمناك وإنت الشاعر المسكت وربي سوى بهذاك المضيف أو بالمحاورة أو بالفلة بهذا
وأنا أجزم بل متيقن إن قصدك هو إرضاء زملاك بفلة حجاج لاعدمناك :smooch:

الحقيقة ماقصرت طيبت خاطر الكامري :p:ولاكن ويش الي يفكك من بوش ولا كلنتن ولا :eek:

:p:

صح لسااااانك ألف ياخال :thumb:[/align]

[align=center]iiiiiiiiiiiiiiii

ههههههههههههه
ه
ههههههههههههه
قعده براك هو ومواتره

صح لساااااااانك يابو ثووووووووب

الله يعين باسر نبي نتسلف وندور كامري عقب
هالقصيده[/align]

[align=center]

اقتباس:

---

ولاتحسبونن شباب .. ترو نص شعر راسي أبيض ))

---

هههههههههههههههههههههههههههههه


الله يعين كان كل كامرري تبي زي قصيدة براك بها الجيوب ياولد والله مشكله


صـــــــــــــــــــــــــــح لسانك يالغالي
قصـــــــــــــــــــــــــيدة رائعه جدا
سلمت اناملك

لاتحرمنا [/align]

[align=center]عقب هالقصيده

كل الزقرت يبون يطقمون كوامري

الاصيل
والله مادري وش اقولك

لكن قسم بالله انسجمت مع هالقصيده

صح لساااااااااااااااااااااانك[/align]

[align=center]ابو ثوب

انت جاين تسوي دعايه لحقين الشعر عندنا بهذا

لاله عاده







وصح لسانك على هالقصيده المنتازه







وتقلد تحيتي[/align]

الاصيل الغالي صح لسانك مليار

****ياصيل والله وافي(ن) لاعدمناك((()))ياعل قلبك ياخوي ماهو للطمس
****كل الهروج اللي ذكرته بمعناك((()))نوقع على التقرير ياخوك بالخمس
****مدحت من فعله تبين لشرواك((()))ياحلو حكيك مع خويتك بالرمس
^^^^^^^^^^^^^^^^^^^^^^^^^^^^^^^^^^^^^^^^^
انا مثلك لابدن هنيا بل انت شعرك اجود مني بكثير تخبر حنا عليميه
ماناكل شين مع الجهيلي ونبراس والغازي ولايهونون الباقين من شعراء
وشاعرات لكن احيانا نخت لمهم ومايقصرون بيض الله وجهك وامد في عمرك
يمدحون الفكسر المطور

[align=center]أول الغيث أبوغازي:goooood:

هلا بك أكثر

وشهاتك تاج ووسام

والصراحه إني فعلاً ماني كل هذا مع أهل الشعر الشعبي

وين الرجلي ( شرواي ) ووين الخيال



وأما إرضاء أهل الفله .. فهو هدف أسعى إليه .

وصح بدنك ياحبيب الشعب:thumb:











صح بدنك ياذيب شراف

الخوف كلوه من براك ...

لايجيب لوه شي(ن) يطيب خاطري من الكامري:c:

وأبيع الكامري من باتسر بريالين :d:



ون تسان تبي سلف ... ترو شنقل مايقصر

حصل خير عقب ماصار مشرف الدكه:315r:











أخي العزيز / نايف التومي

صح بدنك يالغالي

ويسعدني جداً وجودك في هذه الصفحه









( عسى سيارتك مهي كامري ؟؟!!! )

هالنوع من السيارات زعووووله وتغااار ..:359r:




وألف شكر لك على التعليق











مشعــــــــــــل

صح بدنك يالغالي

ويسعدني إن القصيده المتواضعه حازت على إعجابك

أما الزقرت ...

خلهم يطقمون كوامري

ونغير المضايف

وتصير .. مضايف الكامري:biggrin:












الشبث

هالموضوع عن السيارات .... إنت وش جابك ؟؟:188r:

رابعاً : الموضوع قصيده ... ليه تسافت هنا ؟!!:c:

حادي عشر ( تم إلغاء البند ):d:

ثاني عشر : حول اعتراضك على طرح القصيده هنا ..

يرجى الرجوع إلى الفقره رقم ( 1 ) في المقدمه

والمنبثقه من البند ( 26 ) لقانون العقوبات والجزاءات المنصوص

عليها في ميثاق جامعة الدول والمتعلق ببرنامج(النفط مقابل الغذاء):eek:

وصح بدنك ياأستاذنا ...









تعليقك عليه طعم بهار













أبو رائد

صح لسانك

ثم صح لسانك

ثم صح بدنك مليارين ..:thumb:

لك مكانه كبيره يابو رائد

وإنت ثابت القدم ... هنا أو مع أهل الشعر الشعبي






ألا .. وشرايك نسوي لنا منتخب شعراء الفله ؟؟!!!!!! ):eek:[/align]

اخوي الاصيل فكرة جيده لكن لايدري شبثان البناخي
تروه يعلم من يفكنا من نبراس والجهيلي والشعراء الاخرين والشاعرات
والا فكرتك جد طيبه اسمع لي وحيفه اخافوه جاء البناخي ماقلنا شين
تسلم اخوي الاصيل ويطول عمرك

[align=center]لاتخاف ياملا الغنيمه


الشبث نيم ،، متسبر الوساده







وبعدين نبي نرثع باللي مالهم بالقصيد

أمثال : السيناتور : الشبث:biggrin:

والبروفيسور : المطنوخ:d:

والموسيقار : شنقل أبو هيلاهوب:315r:[/align]

اجل استلم
^^^^^^^
***راكبن وضحا تهدى تقل مزيونه
وسمه الباعج وتعجب من يناظرها
***عند شنقل والشبث لاتعدونه
الدلال مبهره زين منظرها
***والبرفسر لازمنكم تمرونه
ديرته جعل السحايب تمطرها
والعذر منك اخوي الغالي اصيل

[align=center]** أدري يافلان .. لكن الشعر الشعبي مالي المخش

تقول بورصة ( طوكيو ) زحمه 24 ساعه

ولو تبي تكتب لك تسم بيت .. مايمضي خمس ساعات

ألا وهي بالصفحه الرابعه ( عيني عليهم بارده )

ابي تفسير سمعت الدعوه فيها حش ههههههههههههههههه
ترا اول مشكل على راي ابوهنوده مع اخونا الاصيل بعد استلام الوظيفة وراح يطردوني
مع البوابه الغربيه هههههههههههههههههههههه
وش فيه الشعر ومن قال بالصفحة العشر طاشر هههههههههههههه هااااااااا تألف حضرتك
انت وطبيخك مااد ري عصيدتك هذي ههههههههههههههههه
راجعه لكم ان شاء الله

تشااااااااااااااو[/align]

ون تسان تبي سلف ... ترو شنقل مايقصر

حصل خير عقب ماصار مشرف الدكه

يافلااااااااان
ابو ثووووووووب يالعشير
ليه قالوا لك شنقل ولد الراجحي
ههههههههههههه
هههههههههههه

عقب هالقصيده تصدق اني اغليت الكامري
الا ماتراوسن راس براس
بلومينا 2004 استخدااااام حشمه
اللون ككاوي مايل للفضي
الا على طاااري الككاوي طرت على سالفه
دايمن اسمع بكلمة



حبــــــــــــــك طعجني

وسعلت عن المقصود به وتاكدت بأم عيني

هذا واحدن سلمك الله من اهل رفحاء
معاه ددسن موديل 82
قدر الله عليه وصار له حادث
وسلم الرجال من الحادث
بس السويريره راحت بخرايطها
سمركها وضبطها وكل شي تمااااااااااام

بس بقت عنده مشكله الشاص منطعج
وعيا يتعدل
طلع السياره من الورشه والشاص مطعوووووووووج
السياره لاشفته تقل تمشي على جنبه

وكتب القزازه من ورى

حبـــــــــــــــــــــــــــك طعجني

ههههههههههههه
هههههههههههه

ابوثووووووب الا لايطعجك الا بالعافيه

[align=center]أصول .. بيعها على الشبث

وهو خبير بـ الخرد :)


وصح لسااانك

لو اني شاعره كان خليتك

تربط بالشعبي [/align]

[align=center]الاصيل فليباركك الرب:)[/align]

اقتباس:

---

المشاركة الأصلية كتبت بواسطة بو رائد

اجل استلم
^^^^^^^
***راكبن وضحا تهدى تقل مزيونه
وسمه الباعج وتعجب من يناظرها
***عند شنقل والشبث لاتعدونه
الدلال مبهره زين منظرها
***والبرفسر لازمنكم تمرونه
ديرته جعل السحايب تمطرها
والعذر منك اخوي الغالي اصيل

---

[align=center]صح لساااااااااانك ...

هذي على الهوا مباشره

ياسلالالالام الثلاثه بثلاث بيوت[/align]

اقتباس:

---

المشاركة الأصلية كتبت بواسطة المهـ ـره

[align=center][font=Comic Sans MS
ابي تفسير سمعت الدعوه فيها حش ههههههههههههههههه
ترا اول مشكل على راي ابوهنوده مع اخونا الاصيل بعد استلام الوظيفة وراح يطردوني
مع البوابه الغربيه هههههههههههههههههههههه
وش فيه الشعر ومن قال بالصفحة العشر طاشر هههههههههههههه هااااااااا تألف حضرتك
انت وطبيخك مااد ري عصيدتك هذي ههههههههههههههههه
راجعه لكم ان شاء الله

تشااااااااااااااو[/font][/align]

---

..................................
[align=center]وعليكم التشاااااااااو ورحمة الله :biggrin:

ياخاله .. الدعوه ما فيها حش

ولكن ..

هذا يعتبر نوع من التراكمات المزمنه ... والناتجه عن التقوقع في أيقونة

التحركات اللاإراديه .. وهذا يسبب انعزال وانكماش فيسيلوجي

يحتاج إلى عملية جراحية من أخو سعدى:goooood:

وبعدين ... ماني خابر إنتس مشرفه بهكا الديار !!!!:315r:

متى حصلتي الإشراف ؟؟؟

ووين العزايم والذبايح ؟؟!!:eek:





تسان بغيتي ترجعين ... لاتنسيننا .. لو بكوب عصير خوخ:d:[/align]

اقتباس:

---

المشاركة الأصلية كتبت بواسطة شنقل

حبــــــــــــــك طعجني

وسعلت عن المقصود به وتاكدت بأم عيني

هذا واحدن سلمك الله من اهل رفحاء
معاه ددسن موديل 82
قدر الله عليه وصار له حادث
وسلم الرجال من الحادث
بس السويريره راحت بخرايطها
سمركها وضبطها وكل شي تمااااااااااام

بس بقت عنده مشكله الشاص منطعج
وعيا يتعدل
طلع السياره من الورشه والشاص مطعوووووووووج
السياره لاشفته تقل تمشي على جنبه

وكتب القزازه من ورى

حبـــــــــــــــــــــــــــك طعجني

ههههههههههههه
هههههههههههه

ابوثووووووب الا لايطعجك الا بالعافيه

---

[align=center]حبك طعجني طعجة الددس بالشاص *** صابه عقب ذيتس الحلاوه ميوله :315r:

عزاااااااااااااااااااااااااه


ياخوك .. كمل المعلقه :d:[/align]

اقتباس:

---

المشاركة الأصلية كتبت بواسطة نبض روح

[align=center]
لو اني شاعره كان خليتك

تربط بالشعبي [/align]

---

[align=center]يافضيحتنا بين العربان:goooood:

أنا طول هالمده أكتب :

مشكور أخي نبض روح:d:


وطلعت بنت ........:eek:


السمووووووووحه:biggrin:[/align]

اقتباس:

---

المشاركة الأصلية كتبت بواسطة ((المطنوخ))

[align=center]الاصيل فليباركك الرب:)[/align]

---

[align=center]يالها من عبارات رنانه:surprised

ياله من رد :thumb:

















ياطووووووووووول ردك:goooood:

أبو زبون .. عسى ماتكلفت بالرد:eek:

تسان مخلي الرد على حلقتين ...........:315r:

ذكرتن بمسلل : فتح القسطنطينيه:d:[/align]

اقتباس:

---

قالت أفا ( ياصيـل ) يالقـرم وشجـاك؟!
ماتسمع اللي يقْصد ،، ويحْمسـن حمـس

والله يـلـولا خــوّت الــدرب ويــاك
أحلـف يميـن إنـك فـلا تلمسـن لمـس

ياشَيـن ...خلـك شاعـرن مثـل بــراك
يمـدح مـن الفكسـار للجيـب للجمـس

قلت العفو .. وش جابتس إنتـي لـذولاك
للكامـري توقيعـي .. وبصمـة الخمـس

يانجمـة(ن) تاظـي علـى كـل الأفــلاك
كـل الكواكـب مشيهـا يتبـع الشـمـس

فـازت علـى صنعـة كلنتـون وشيـراك
باقي المواتـر بالوطـى تنرمـس رمـس

سته سلندر .. جيـر أرضـي .. وايربـاك
وبلوفها ... صـوت العشيقيـن بالهمـس

كشنـه أوتوماتيـك ( قـدام) ( والبـاك )
كـل المواتـر غيرهـا تنطمـس طمـس

دقّـه عجيـبـه بالـزرايـر والاســلاك
ومسجله ( سي دي ) مع ( التتش ) باللمس

يجحـد فعولتـس كـل حاسـد وشـكـاك
لاشـاف زول الكامـري ينعمـس عمـس

ماهمـهـا دربــن تغطـيـه الأشــواك
ولا روّعـه فــز الجرابـيـع والنـمـس

ياموتـري لـك ملبـس الـعـز يـزهـاك
دور الجموس أقفـى زمانـه مـن الأمـس

حجمه صغيرن مثـل حـر(ن) ليـا جـاك
والنسر مع حجمتس مـن الرُبـع للخُمـس

قالت : كفـى ياصيـل ... نفـداك نفـداك
قلـت الأصيـل بحبكـم منغمـس غمـس

---

8

[align=center]8
8
الأصيل صح لسانك...
ياشيخ لو يدرون بعض عشاق الكامري ألا يكتبون هالأبيات على كبوت السيارة..واللي ماياخذهن الكبوت تلقاه على الستااااره..
ومكتوب تحتهن يعيش الأصيل
يا..........يعيش:480r:
يااااا...يعيش:480r:
***
تحياتي..ياملك الإبداع في الفلة..وسيد الروعة في المضايف عموما.

***
**
*
دمت وداااااااااااااااام بقائك..:001b:[/align]

[align=center]أبو مقرن


بها الحاله

نبي لنا واحد يلحن القصيده :d:

ونبي تسم واحد من الزقرت يشدون بحناجرهم:477r:

ونطبع لنا خمستالاف نسخه:eek:

ونوزعهن على أهل الجموس:315r:






وتحيه لثنائك العطر

الممزوج بروح الأخوة الصادقة[/align]

كم لي من النسبه ياالبناخي واصير موزع لك بالشرقيه
واعرف لي ملحنن حساوي جيد علمن بسرعه لايلطشون
الفكره منا بعض الربع

[align=center]

اقتباس:

---

ياطووووووووووول ردك

أبو زبون .. عسى ماتكلفت بالرد

تسان مخلي الرد على حلقتين ...........

---

شين وقوي عين

اقول احمد ربك ان العراب نطق بهالكليمتين:)

ابوزبون يقولك ليعمك السلام ولتحل عليك البركات:)[/align]

[align=center]الاصيل


صح لسانك


و تسلم على انصافك للكامري :)[/align]

[align=center]أبوثوب


ألف شكر على القصيدة
وترى سيارتي كامري
ويوم علمته بالقصيده قالت لازم نسير على الأصيل ونشكره
قلتالأصيل بعيد عنا ويبي له مشوار
قالت أفاأنا ماني كفو مشاوير
قلت إلا قدها وقدود ماتقصرين
قالت أجل لزوم نسير على الأصيل[/align]

[align=center]صح السانك اخوي على هذه الا بيات الطيبه


وشجعتني لا ن عندي كامري موديل قديم


كان ناوي ابيعها ولكن بعد هالقصيده هونت[/align]

[[align=center]QUOTE=الأصيل][align=center]يافضيحتنا بين العربان:goooood:

أنا طول هالمده أكتب :

مشكور أخي نبض روح:d:


وطلعت بنت ........:eek:


السمووووووووحه:biggrin:[/align][/QUOTE]



اصيلان


صبااااااح الخير ياعم:)


لي أكثر من سنه

وهالحين تعرف ؟


الحمدالله والشكر بس



اسااااامح بشرط


تكتب قصيدة هجاء فى نطول وابو العناكب (شبث):)


>> انواع اللعانه


والا ترى انواع السخط ينزل عليك [/align]

[align=center]

اقتباس:

---

اسااااامح بشرط


تكتب قصيدة هجاء فى نطول وابو العناكب (شبث)


>> انواع اللعانه

---

الاصيل .........ابو ثوب

فكنا من نبض الروح

ولك اربع حريم من اللي انا جايبهن:)[/align]

[align=center]




ياااالله صباااااح خير:)

قال ايش حدك يالبصله قالت السكين :)


المطنوخ انت هالحين ايش دخلك ؟؟؟


ان اكلم اخوي الأستاذ العقيد الركن اللواء والعميد طياروه :) اصيلان


لو سمحت لا تتدخل وتسمم أفكاره


ولو تبي الفكه مني


جهز العشاء :)[/align]

اقتباس:

---

المشاركة الأصلية كتبت بواسطة بو رائد

كم لي من النسبه ياالبناخي واصير موزع لك بالشرقيه
واعرف لي ملحنن حساوي جيد علمن بسرعه لايلطشون
الفكره منا بعض الربع

---

[align=center]حسب النظام الاقتصادي العالمي :

الموزع لوه : 20%:315r:

الملحن لوه : 20%:biggrin:


مؤلف الكلمات ( الله يسلموه ) لوه : البادزي :thumb:

شرايك بهالعرض ... رد الخبر بسررررعه:d:[/align]

اقتباس:

---

المشاركة الأصلية كتبت بواسطة المطنوخ

[align=center]

شين وقوي عين

اقول احمد ربك ان العراب نطق بهالكليمتين:)

ابوزبون يقولك ليعمك السلام ولتحل عليك البركات:)[/align]

---

[align=center]ياولد إنت متأثر بـ ( يوحنا بولس الثاني ):a:

وشهالروحانيات اللي نزلت عليك

هاللي يسمعك يقول إنت بالفاتيكان:477r:



( تدل الفاتيكان ) ؟؟؟

هاللي ونت رايح لإيطاليا .. يامنك جزيت البردغان وفرنسا:d:

صد على صابرك الأيمن .. وتلقاه:thumb:[/align]

اقتباس:

---

المشاركة الأصلية كتبت بواسطة ((الذيب))

[align=center]الاصيل


صح لسانك


و تسلم على انصافك للكامري :)[/align]

---

[align=center]صح بدنك يالذيب

عسى سيارتك كامري؟؟

لأنوه نبي نشكل حلف ، ونبي نسميه:

الكامري وعشاق العرضه والسامري:thumb:[/align]

اقتباس:

---

المشاركة الأصلية كتبت بواسطة الــمـحـروووم

[align=center]أبوثوب


ألف شكر على القصيدة
وترى سيارتي كامري
ويوم علمته بالقصيده قالت لازم نسير على الأصيل ونشكره
قلتالأصيل بعيد عنا ويبي له مشوار
قالت أفاأنا ماني كفو مشاوير
قلت إلا قدها وقدود ماتقصرين
قالت أجل لزوم نسير على الأصيل[/align]

---

[align=center]أبرك الساعات :goooood:

تسانك ملزم .. بس عطن خبر ورساله على الخاص

ونتشرف بزيارتك وشوفتك ..[/align]

اقتباس:

---

المشاركة الأصلية كتبت بواسطة احمد الهاجرى

[align=center]صح السانك اخوي على هذه الا بيات الطيبه


وشجعتني لا ن عندي كامري موديل قديم


كان ناوي ابيعها ولكن بعد هالقصيده هونت[/align]

---

[align=center]صح بدنك يالهاجري

لاتبيع الكامري ونا خوك ..

والمثل يقول : قديم الكامري ولا جديد الجمس:thumb:[/align]

اقتباس:

---

المشاركة الأصلية كتبت بواسطة نبض روح

[[align=center]QUOTE=الأصيل][align=center]يافضيحتنا بين العربان:goooood:

أنا طول هالمده أكتب :

مشكور أخي نبض روح:d:


وطلعت بنت ........:eek:


السمووووووووحه:biggrin:[/align]

---

اصيلان


صبااااااح الخير ياعم:)


لي أكثر من سنه

وهالحين تعرف ؟


الحمدالله والشكر بس



اسااااامح بشرط


تكتب قصيدة هجاء فى نطول وابو العناكب (شبث):)


>> انواع اللعانه


والا ترى انواع السخط ينزل عليك [/align][/QUOTE]


[align=center]لتس أكثر من سنه !!!!

والله ما أعلم إنتس بنت ..:a:


وأما الهجاء ..

أنا حاضر ومنوووون

أنا أبي لي عذر علشان أصب جام غضبي على هالمخلوقين :c:

( جام غضبي : يعني واحد عاض شليلوه ومتولم للمخانق ):d:

لكن ... أبي مهله 24 ساعه فقط بس لاغير:315r:

وأهم شي لاتنزل علينا أنواع السخط:g:
















حنا ماحنا متحملين سخط الرجاجيل علشان سخط الـ ( نقط نقط نقط ):thumb:[/align]

اقتباس:

---

المشاركة الأصلية كتبت بواسطة المطنوخ

[align=center]

الاصيل .........ابو ثوب

فكنا من نبض الروح

ولك اربع حريم من اللي انا جايبهن:)[/align]

---

[align=center]عز الله .. هذا العرض ولا بلالالالاش:biggrin:


طنخااان

أبي ثلاثه

لأن عندي وحده ( الله لايبلاك )n)

ياشفته تقول شايف حدا صعايدة ( كفر الشيخ ):g:

إذا ..

هل ترى ( يخرب بيت اللغه ):315r:

هل ترى أن ألغي الاتفاقية آنغ=فة الذكر مع الإخت نبض روح ؟؟؟:d:[/align]

اقتباس:

---

المشاركة الأصلية كتبت بواسطة نبض روح

[align=center]




ياااالله صباااااح خير:)

قال ايش حدك يالبصله قالت السكين :)


المطنوخ انت هالحين ايش دخلك ؟؟؟


ان اكلم اخوي الأستاذ العقيد الركن اللواء والعميد طياروه :) اصيلان


لو سمحت لا تتدخل وتسمم أفكاره


ولو تبي الفكه مني


جهز العشاء :)[/align]

---

[align=center]ياجماعه تراكم لخبطو الحسبه :c:

(( أبو الأصايل ))

شوف كلام إختك نبض روح

وهالأوصاف والألقاب والرتب :477r:

أستاذ .. ياسلالالام

عقيد ركن .. ( هذي رتبه تبع النفط ؟؟):eek:

اللواء .... راية الحرب :188r:

العميد ( بتاع الجامعه ،، عميد القبول ):biggrin:

طياروه .. أخوك يالمهندزززز:315r:






خلك مع النبض

واترك طنخان ...:d:[/align]