معركة المليداء من المعارك الكبيره في تاريخ الجزيره العربيه وهي حدثت بين امارة حائل وامارتي القصيم والسبب هو الآختلاف في جبايه الزكاه والسبب الثاني تحريض حسن بن مهنا امير بريده عبدالرحمن بن فيصل ال سعود للرجوع للإمامه والسبب الثالث قيام حسن بن مهنا بمنع الماء عن جيش ابن رشيد وكان جيش ابن رشيد ضربته حمّى عندما كان الجيش بالرياض للتفاوض بأن يطلق سراح من كان بسجن حائل من ال سعود وهم أي عبد الرحمن بن فيصل يطلقون امير الرياض وهو واحد من السبهان .
نرجع لسالفتنا ونكمله رجع جيش ابن رشيد الى حائل ولا شرب من الماء وبعد شهرين فقط توجه جيش الامير محمد الرشيد ومعه شمر واهل حائل وواجهو جيش امارتي القصيم (حسن بن مهنا امير بريده وسالم بن سليم امير عنيزه) ومعهم فزعه الشيابين من عتيبه والبرزان من مطير والشاهد قول الامير حمود الرشيد :
أغدوهم البرزان هم والشيابين.............ومنهم تبّرو حدنا سايريني
ان سهّل الباري فلاني بناسين..............العيب بالنسيان طول السنيني
وتصير المعركه وينهزمون اهل القصيم ومن حالفهم وينذبح زامل واخوته يقول الامير حمود الرشيد :
أول علفها زاملٍ والعيالي............تفيّحت مابين ذابح ونهاب
واما حسن بن مهنا فهو انكسر وزبنوه قصره والحقه ياحمود الرشيد ومن معه وجيبوه وهو يسجن بحائل مده طويله يقول الامير حمود الرشيد:
القصر مافك المخالف من الشين..........جبناه من قصره كسيرٍ حزيني
ويقول الامير حمود:
تزبن القصر المبنّا ..........ولا فكه القصر الحصين
عسى قصوره يهدمنّا..........جبناه منهن له ونين
غدا الجدا وش جاه منّا........لولاه شيطانٍ لعين
وكان بالطريق جيش مع عبد الرحمن بن فيصل لمناصره اهل القصيم ولكن جاه النذير يخبره بهزيمه اهل القصيم فرجع الى الرياض . وبعد المعركه يقول الامير حمود الرشيد :
يالله ياللي فوق الاسلام عالي..............يالواحد اللي من ترجاك ماخاب
يامل نفسٍ ماتريد السوالي.................إلا لربٍ جامع الناس لحساب
الحرب شبّت وبالله الاتكالي..................وصبرٍ جميلٍ ونستعينه بما نا ب
يومٍ جرى بالضلفعه له ضلالي..............يعدّه الأول لناسٍ بالأصلاب
النفس لاصارت بقالي وصالي................إضرب على الكايد ومخطاك ماصاب
جونا وجيناهم سواة الجبالي.................وصار الطمع منا ومنهم بالأرقاب
سرنا كما مزنٍ ثقيل الخيالي..............خمسين جمعٍ شمرٍ دون الأجناب
والخيل من دون الفلا والمفالي..............ثلاثة آلآفٍ لحساب حساب
دارت عليهم مثل وصف الحقالي............ماكنها إلا حوطةٍ مالها باب
يوم انهن ثارن رعاب الكيالي............وتصافقن وإصطك بابٍ على باب
ساعة تلاقينا وحمي القتالي..............وغدا لهم في حومة الجيش ضبضاب
تقطعّت اطنابهم والحبالي................من يوم ساق البل فرّاق الاصحاب
سقنا عليهم من يمينٍ رجالي.............أطرفهم اللي للعذافات شراب
اول علفها زاملٍ والعيالي................تفيحت مابين ذابح ونهاب
عجاجةٍ تجلى الصدى والخمالي.............ودبيلةٍ يشيع بها الذيب وغراب
القرد يبري له سواة الغزالي..............فضخ بوغدانه مثل وصف كساب
وخلاّ لنا القصمان هم والحلالي............وفزعاته اللي جمّعه كل كذاب
ولا فكته منا خيار المحالي.................جبناه معنا مثل ماجيب حطاب
الفعل للباري عزيز الجلالي................على يدي محمدٍ زاك الأنساب
لو ان ابازيدٍ حضره الهلالي..................مانال مانلنا على عوج الاطلاب
ياذيب ياللي بالخلا والمفالي...............أقبل تهيأ لك ربيعٍ ومعزاب
بالضلفعه مثل الرجوم الطوالي.............مابين بياعٍ وما بين قصاب
من دمّهم سالت رغاب السهالي..............وعن روسهم تكسّرت عوج الانصاب
حريمهم لجّت سواة المحالي.................كلٍ تصيح بطول حسّه وما جاب
عقب الحرير وعقب لبس الجمالي............لبسن ثياب الحكم عذبات الانياب
كم من عجوزٍ فارقت شوف غالي...............من يوم جاه العلم رمّت بالأسلاب
عقب الحياء قامت بحسّه تلالي..................تدعي على المقرود **** الاسباب
القرد دلاّهم لبيس المدالي .....................وزويملٍ يبي القضاء عقب ماشاب
كم واحدٍ ضيّع بروس المفالي.................غدا ولا جاله من الناس طلاب
ياما نصحنا مار مالنصح جالي.............نصحوه ناسٍ قبلنا نجمهم غاب
قالو له إفطن وش ذهاب النمالي............والله بتدبيره غلب كل غلاب
وقصد الامير حمود الرشيد بقوله (نصحوه ناس قبلنا نجمهم غاب) يعني الشيخ الامير عبيد الرشيد وحروبه على عنيزه وتهديده لهم بقصائده ثم ذبحتهم.
وهذه قصيده الشاعر عياده بن منيس بعد هذه المعركه :
[poem=font="Simplified Arabic,5,white,normal,normal" bkcolor="black" bkimage="" border="double,4,white" type=1 line=0 align=center use=ex num="0,black"]
بالأتـوام وعقاب الجبـل قايــد لنا =وبالشبـط الى قـدّت ليالي بـروده
علـى الشـرق ليّم شمـّر وإستنضّـه=شمـر منه تـرتـد ما من ضـدوده
وتلاقى يامير جمعك وجمعهم=بقبسٍ على الغلمان يفتح لحوده
بقبس يشيب الراس من حر واهجه=ياما إنعـزل هـوّاشها عن شروده
وعلى طول مشواط البواريد بيننا=ومحمد عـذب السجايا عموده
دلّى يذود الذود بيننا وبينهم=قداّم فرّيس القبايل يذوده
ياميرنا ياعزنا ياظلالنا=ياشبه حيـد الـزمل وانت الهدوده
وغدوا كمى جم الركايا جموعهم=وإنتم على جم الركايا وروده
وردوا ورد الـذود لى ناشه الظما=لى صار خمـسٍ والظما بي كبوده
ومن حيث شافوا شمـّرٍ قبّلوا بهم=اقفوا كمى الغـزلان وإنتم فهـوده
فهود عثت بالصيد مع راس مقرا=فـرق الظبا وا ويل من هو عنوده
بذويـة حـد السيـف وذويـة القنا=ذبح وطفّاح الرمـك عن جهوده
وغشى حـزوم غضي نوما جنايـزه=اليا ما غشـى تال الـذبحى نفوده
اوي اهل حايل على الكيد والكدا=عيّا عليهم اشهب الملح كـوده
لا شك من صب الـغرابيل قبلنا=بـس الضياغـم عـزلة مع جنوده
يصولونهم قـدام سـو القبايل=الياما عـويـد الـريـح اهتز عـوده
وقفـي برجلي حاضر شوف عيني=وبأولاد الحلال الواردة من شهوده
راعيــت لوجيـه الضياغـم باللقا=يامار بـوجيـه الضياغـم سعـوده
ياما اشبعوا من ضبعـة باتت القـوا=ومن ذيبـة تـرمـي الجرا عن ديوده
به الطيـر الى الحول مايحتاج للحــم=الى الحول وضباع الجزيرة تروده
لا راس لا دفّاس لا مدنـي الـرشا=وكـل يقول النار مانا وقوده
ياشيخ من جـر القبايل وجـرّبه=ياميـر ماظنّـي عـدوٍ يعـوده
بكفّـه عمـس نار والكبـد بـرّده=وخلّـى بـريـده للضياغـم جدوده
ياذيـب لا تعتاش من بطن زامـل=شيخٍ يغيـر بالقبايل قعـوده
شـلّه عقاب نادرٍ ولـد نادر=وخـلّى عليـه البيـض تنتـف جعـوده
وخلـّى عليـه البيـض بالليل تـرتهـب=لجّـت وبيّحـت الخفى من سـدوده
فـراه وحنّا من ذكاتـه مخالبـه=فـراه ياما الكبـد تبـرد لهـوده
اي القطا وإلاّ القـرانيـس فـوقهـن= ايّاتهن وإلا الحصانــي واسوده
وايّات ربـعٍ قـولهـم بـي بلادهم=ايّـه وربـعٍ مقـدميـن جدوده
فـروخ تولوا سـورها جـوف دوره=غصـب ولا غضّـت عليهم نجـوده
تـوليـت من العارض الى عـويـرض البحـر=وكـل القبايـل بي خـزام يقـوده
وانا ادخـل على الله سامك العرش ربنا=عن رميـت الدنيا وصكّـت عضـوده
ياليـت محمـد دب الأيام بيننا=حتــى إن عينــي تهتنـــي بـي رقـوده[/poem]
ومما قاله الامير حمود بن عبيد الرشيد بعد هذه المعركه هذه القصيده :
[poem=font="Simplified Arabic,5,white,normal,normal" bkcolor="black" bkimage="" border="double,4,black" type=1 line=0 align=center use=ex num="0,black"]
كولي شمع صارة لما تشبعيني = لا بد من دق ً شمعها دنانه
يا فاطري باغيك لي توصليني = القرد الأكوخ نجذبه في لسانه
يالله بحق الدين يالمسلميني = تجعل شرايدهم حريم ٍ مهانه
حيث أنهم باروا بنا البايريني = ونسيو فعايلنا معه يوم زانه
جبنا قفار وحايل ٍ سايريني = وهو كان بين المطرقة والسندانه
يوم الأمام امحاربه والبطيني = وكثير ٍ اللي قاضبيبين قرانه
جينا وفرقنا جمع الثنيني = وكل لفظ من عند شقة عنانه
اقفا الأمام ومسلط ٍ نايريني = ومنهم تبرا زامل ٍ يوم شانه
لولا الحوله فأنهم غانميني = ما يرفع التيس الخفيف انقزانه
يسقف عليه العج مثل الطحيني = وهو كان بالقطعة يبيع وزانه
فان فزع مثل ابوه والمترفيني = ذبحوه " غلبا " قبل يركب حصانه
وعمه ببقعاء يوم ماضي السنيني = كظوابه اللي جعلهم في جنانه
برموا به اللي يظهرون الكنيني = عمى بريده بينه من كنانه
والقرد يذهب تالي الذاهبيني = يجيهم في سهلة ٍ سمهدانه
وينير عنهم بأول النايريني = ويخلي اللي كالمناشيش اذانه
فليا تخفينا من اللي يبيني = عيب على اللي ما يخضب سنانه
والا الحكا ما ينقضب باليديني = لا خير في حكي كثير ٍ دنانه
أن ساعف الله غزوة الثايبيني = يعده الأول لتلي زمانه
مثل ابرهه وجنوده المعتديني = اللي ذكر رب السماء في قرآنه
جابوا لهم فيل ٍ تقل قصر طيني = وجابوا هذولا زامل ٍ في مكانه
إعيرج ماله من الله عويني = متسلح ٍ بالكذب هو والذهانه
وهذا زمان ٍ عجر الكاذبيني = مابه حذا خيل ٍ معه شيشخانه
ليا شافه الشايب سلح حد حيني = وليا شرب ما وقف في جرانه [/poem]
وهذي قصيدة مفضي بن سلمي بعد المعركه :
[poem=font="Simplified Arabic,5,white,normal,normal" bkcolor="black" bkimage="" border="double,4,black" type=1 line=0 align=center use=ex num="0,black"]
الحمـد للــي بيـده المـن والعطا=عطانـي علـى ما اريـد وال البصايـر
إلهـي وولـيي عالـم السـر والخفا=وعـز الجليـل اللـي على العـرش صايـر
احمـده علـى نصـره لعمـي ولابتــي=علـى جمـع ملعـونيـن جنـب القطايــر
اغـواهـم الشيطان لمى تبينـوا=وشـرهـوا علـى كبـر العلـوم الكبايـر
وشـرهـوا علـى امـر تهقـواه غيـرهم=عسـى حظهـم للحشـر ما هـوب سايـر
كمـى النمـل الى نـواى الـوليفـي زوالـه=بـدا الـريـش ثـم جلعـت والـريش طايـر
غـدا ازرق يقلـب الحـوم بالهـوا =طيـر علـى شـوفـه يسـوق البشايـر
تمنـوا للقـواتنا ليـن جـو بنا=كمى الضـد الى هاب الجليـل المخايـر
عطاهم زيزوم الطنايا كـرامـه = بـريـرة ماهـي بكـل البـرايـر
عـزل لهم عمـي شغاميــم لابتـي=والحـرب كـرّب قِشطهـن بالـوسايـر
ورحنا لهم ياساعـة الـرشـد والهـدا=ونسفنا علـى عـوص الـركاب النجايـر
شالـوا من القـرعا يبـونـه بحيلـهـم=وحنا بحيـل الله عليـم السـرايـر
وبنينا بيـوت العـز وإشتـد حـربنا=وغـدا للسعـد بـوجيـه ربعـي بشايـر
تسـن قال عمـي ياشغاميـم لابتـي=انا اللـي مـورده واسـوق وضح العشايـر
والله ياجمـع زمى كـود ازوره=او انطيهـم الشقـرا ولانـي مخايـر
والله ما يفهـق لها الـراس دونهم=إما لهـم وإلاّ نعـز القصايـر
قـول علـى فعـل وانا كاسـب الثنا=ورد وردت العطشان والملح ثايــر
امـر لنا شيـخ الشيـوخ بمشيـه=على جمع من بعهود مولاه بايـر
وثار الدخن من بين ربعي وبينهم=وغـدى بالمليـدا مثـل صفق السعايـر
فضاهـم بالمسيـوق عمـي محمد =وكـثـر بهـم......العسايـر
عمـي معـزوزي الى ضكـن الـوزا=كمى ضك عـريان العظام الجبايـر
سنادي ذرى خـوفي زبوني عن الجفا=ملجاي عن ضيـم الليالـي العسايـر
والحضـر يـرزاهم حمـود ابـو ماجـد=ياستـرهـن وان جـدعن الخـدايـر
وابـو متعـب وماجـد والأولاد كلهـم=الله يعـز كبارهم والصغايـر
عمامـي بـدان الضيـف كسابـة الثنا=ياما مـزقوا من ربعـة ومن عشايـر
ونعمك من ربعي يوم قيل وجيههم=وردوا لحـدب مبولدات الشذايـر
اهل حايـل بالكـون كسابـة الثنا=عسـى لهم مد علـى الناس جايـر
والله يا كـرارة وسـط جيشهـم=تشيـب اللي ما يمّثـل يـوم الحشايـر
ولحقوا طـوال الـزرق عيّـان شمـر= ثـم اودعوا نثـره بحامـي الـودايـر
واللي وطـوا ربعـي فلا زار حيـهم=للحشـر ماهـو للمحبيـن زايــر
صار اوله بـزويمـل غادي الجـدا=والقـرد مكسـور على الشـوف نايـر
يا ميـر انا طالبـك من قـب خيـلهم=قبّا قحـوم من عـراض الفقايـر
وصلـوا علـى خيـر البـرايا محمد=عـد ما لفـى ريـش الجناحيـن طايـر[/poem]
الشاعر فجحان الفراوي المطيري كان عند امير بريده حسن بن مهنا قبل المعركه ونصحه انه مايحارب الرشيد بس حسن بن مهنا ماأطاعه وقال فجحان قصيدته بعد المعركه :
يالله ياللي كل عينٍ ترجاك..........إنك تنجّي باذرين الحساني
لا لمّهم بأمر الولي مجري الأدراك..........تحط ميتهم شهيد الجناني
انا اشهد إنا يابو صالح نصحناك............وما طعت عقّال الرجال الذهاني
طاوعت شور إبليس وإبليس اغواك............واطعت شور مشذرمين الاذاني
وطاوعت من لاسر عينك ودهواك............واليوم حطك في مكان الهواني
منت بردي مار سيفك بيسراك..............جوك الرشيد سيوفهم باليماني
وما هو ردى بك مير ماهم حلاياك.........صبيح ماض العهلدّي لباني
خلوّه جماه الروس ماهن حكاياك...........مثل الحدج في ناعمات المثاني
زامل فكوك الريش وانت تعشاك............كم مصعبٍ خلوّه جاء مرجعاني
بغيت أحشم لذاك زودٍ على ذاك............لو كان ماهو في يدي في لساني
فذكرت نو الخير من ذا وذولاك............وهوّدت عن راي العرب في مكاني
وبعد المعركه ارسل الشاعر الكبير محمد عبدالله العوني قصيده للامير حمود الرشيد يقول فيها (بعض ابيات القصيده وهي من روائع الشعر الشعبي ) :
والبن بصندوق الضماير مشاكين.................ويش الحول عزي لحالي بحله
ويش الحول ذاله بالاضلاع عامين............بين المحاني والسواعد محله
كمّل كثير الصبر واستلحقه دين...............والجاب لاج لاجي الروح عله
الى ان قال :
يحسب زهرها دايم الدوم له زين...........ونعيمها وانعامها دايمٍ له
دنياك ياغادي تخيف المخيفين.............خفها تر مركى عليها مزله
تقبل زمانٍ لك وتقفي زمانين............والدور الاخر مقعد به ممله
تشرف على ماجاك منها من اللين..........وتحايبك عن دق طيبه وجله
حتى انها تاخذ عن العشر عشرين..........وتجرحك جرحٍ مايدوّر دوى له
خوانةٍ لو ساعفت عصر وسنين............عينتها من عقب طيبه بعله
ودنياك مابه من ملوكٍ مكينين.............كلٍ عليه بغير طيبٍ فطله
ويما أضعفت قوة ملوكٍ قديمين...........وبعد إنسهم عقب المعزه مذله
وياما هفت بروسٍ قومٍ رفيعين............وياما أخربت ملكٍ وأزالت محله
وين العريعر والشيوخ القديمين..........وشيوخ الاجواد وابن زامل ودله
الى ان قال :
ومقدار مايندار بيديكم الصين.............يثنى لكم كيفٍ يفوّح بدله
إرسم بصفحه طرس غالي التثامين.........واثني سلامي في مثان السجله
من لي الى من لي رفيقٍ يعزين..............لاجاء من زلات الايام زله
زبني حمود اللي عن اللوم حامين...........ظلٍ يلجّي الى اكملن الاضله
الفوه ما ألفيتكم ياغلامين.............وابدو سلامي وما قلت كله
اخوكم خالد الشمري ـ حائل
