((*( ظلال الطلح)*)).......مصافحه اولى
[poem=font="Simplified Arabic,5,white,normal,normal" bkcolor="transparent" bkimage="" border="none,4,white" type=2 line=0 align=center use=ex num="0,black"]
سقى الله ليلة الوصل ورحيقٍ من شفاة الصبـح=ومحرابٍ سجد فيه الغـرام لحضـرة الفانـوس
سقى الله من سقاني بالمحبة ليـن ذاب الجـرح=تخلّل بين قضبان الجريـد وعانـق المحبـوس
رغم صعب الطريق اللي يودي لين هاك السفـح=وصل حتى وقف فالقلب وشيوخ الهموم جلـوس
معه للحرب سيف من المحبة واشتيـاق ورمـح=وسوى بالهموم سواة الأفغـان بغـزاة الـروس
بذر فالقلـب حبّـات السعـاده والـذرة والقمـح=سلبني خال في جيده سواة العنبـر المغـروس
وعقل ومزهرية (خد ريحانـي) وطبـعٍ مـرح=وشعرٍ لالعب به ثار بي ريح ومطـر وهجـوس
وخصرٍ لا تمايل به تقـول انـه ذبحنـي ذبـح=وعينٍ يحرس الله رمشها في جفنها المحـروس
وكفٍ لو يحنّيهـا دمـي يكتـب قصايـد مـدح=وجمره لو يعانقها فمي يحـرق مـن المنفـوس
من اللي لامني فاللي بنى لي في ضميره صـرح=وهجّاني حروف اسمه وصرت الشاعر المهووس
واخذني من لهيب الشمس واعطاني ظلال الطلح=وذوّقني من العنّاب والتمـره وعـرق السـوس
عمى عين الخساير في حياتي باصبعين الربـح=وانا من قبل اعرفه مـا عليّـه والحيـاه دروس
يعيش الآدمي عمره لخمس اشيـا بليّـا شـرح=سعة صدر ومكانه وأخره والنعم بـه وفلـوس
وانا عيني على اللي لامني والفحت قلبـه لفـح=يزاحمني على عدّ الترف في ثوبـي الملبـوس
وانا ما جيت مزموم النهد بين الخطـا والصفـح=انا جيته على وضح النقا والواجـب المـدروس
تسير القافلة والكلب الأجـرب مـا يمـل النبـح=ويبقى المجد للي ما التفت في هرجة الدنفـوس
حمدت الله على المكتوب وارتاح الضمير السمح=بعد ربي سقاني زمزم الغالـي ومـات المـوس
دعيت الله يخلي لي رحيقٍ مـن شفـاة الصبـح=ومحرابٍ سجد فيه الغـرام لحضـرة الفانـوس[/poem]
فااااتنه جداً من شاعر يملك أدوات الفتنه الشعريه
[align=center]
المدهش
فيصل السواط
وجود أمثالك هنا شرف كبير لنا
لأنك قادر على تلوين الزوايا بالخضار
ألف أهلاً وسهلاً بك سيدي
وألف صح قلبك على القصيده العذبه
اعدت قراءتها أكثر من مره
واستمتعت بحروفها من أول عزف الى آخر نزف
دمت بهذه العذوبه فيصل
وبأنتظار هتانك دائماً وأبداً[/align]
