زبــن الأسلمي و نجــم الأسلمي .
[align=center]بسم الله الرحمن الرحيم[/align]
السلام عليكم ورحمة الله وبركاته ....
أســند إلى أخي الشاعر / زبن بن مسير القاسم هذه القصيدة
يقول فيها ..
[poem=font="Simplified Arabic,5,black,normal,normal" bkcolor="transparent" bkimage="backgrounds/7.gif" border="double,4,gray" type=0 line=0 align=center use=ex num="0,black"]
عواد قم هات القلم ودي أمليك = 000 أبيات من صافي ضميري جزالي
البارحة دكن بصدري دواكيك = 000 من هاجسً بين الحنايا طرالي
يانجم يامشكاي ياعز ناخيك = 000 يابن الرجال اللي تفك التوالي
يالحيد يالزحزيح لي هقوتن فيك = 000 يالشيب يالشغموم قرم العيالي
أفخر ليا من حل يانجم طاريك = 000 بين النشاما وأن بدالك مجالي
وش حيلتك لاصار صاحبك جافيك = 000 وأنكر هواك وللغلا مايبالي
من أولً يجفا البشر لأجل يرضيك = 000 وبكل وقتً عنك ماهو بسالي
ومن بد كل الخلق بالود شاريك = 000 ويقول ماغيرك من الناس غالي
وش حيلتك به لأ صبح الزين ناسيك = 000 وعن قربك وحبك مصيبه زوالي
لاصار غالي وبأول الوقت مغليك = 000 وأظهر جفاه وكشر الناب تالي
واليوم عطنا يارفيقي قوافيك = 000 حيث أن شعرك يالسنافي زهالي[/poem]
ومما قال الشاعر / نجم بن جزاع الأسلمي هذه القصيدة رداً على الشاعر / زبن بن مسير القاسم
[poem=font="Simplified Arabic,5,black,normal,normal" bkcolor="transparent" bkimage="backgrounds/8.gif" border="double,4,gray" type=0 line=0 align=center use=ex num="0,black"]
سر ياقلم بأمر من اللي مسريك = 000 وأكتب على سطح الورق ماطرالي
حلفت من حبرً بوسطك لافضيك = 000 وش عاد لو ماراس مالك ريالي
ابسهر الليله معك وابعنيك = 000 ياما تقول أفتيت خلن بحالي
أكتب من الترحيب من راس ممليك =000 بالصاحب اللي من همومه شكالي
قله هلا مليون يامرحبا فيك = 000 وحيه عدد وبل السحاب الزلالي
يامرحبا وأهلين والله محييك = 000 حلفت مااسهج من بخطه عنالي
خصً ليامن صار رجلً يشاديك = 000 اللي اليامني نخيت ارتكالي
ياوراثً طيبك من اللي مربيك = 000يامعرب العمان وأيضا الخوالي
أسمع وصية من طلبته يوصيك = 000 وكلً وعرفه ياحصل له مجالي
أحذرك من حكية عذولً معاديك = 000 وإن صار قدامك رفيقً موالي
أرسل على المجمول قل وش مقزيك = 000عن المواصل ياشبيه الغزالي
وأنا على استعدادً أقصر خطاويك = 000وآصل عشيرك لو بعال الجبالي
وإن كان هو في ماضي الوقت مغليك = 000يبي يقول فلان والله حكالي
قل من حكا لك ياحبيبي حكا فيك = 000ولا يجيك الرد قبل السؤالي
وضح الموضوع ياصار باغيك = 000 وشهد على العذال ولد الحلالي
وإن كان محبوبك مصدً وجافيك = 000وعهد المحبة مابقي له توالي
من قال لك مابيك قل ويش أبي فيك = 000يجعلك هفة ماضيات الليالي
لاعاش منهو ساعيً في ترجيك = 000 مطير نملً ياسعى بالزوالي
ضرسك وهو ضرسك لياصار موذيك = 000 شلته عسى ماله مقدي ووالي
حتى الياجاك الوذى من بنيخيك = 000 قلت أحسن أبعد لايجي له توالي
وشلون عاد اللي بعيدً وجافيك = 000وغيره بعد واجد بنات الحلالي
الشور وصلك والله الميز معطيك = 000 إن جاز لك والا أنسفه بالشمالي
وأنا معك ممشاي يشبه مماشيك = 000واللي بدالك ياعشيري بدالي
بالمال والمجهود والروح نفديك = 000والحال مع جاهة حشيم الرجالي[/poem]
وسلامتكم
