روحتى للمنطقه ......................
بسم الله الرحمن الرحيم
مساء الخير لكم كلكم كبر ضلعان حايل :)(مشتاق ياهل الفله مشتاق )
نرجع لسفرت اخوكم المغترب .....وحنا وقفنا عند زبنت اخوكم لمركز الشرطه ....:d:الوكاد مادرى ضابطهم الا انا قداموه واشر لوه قفو :112r:ويقولون القواله اللى حضروا هالموقعه ان العسكر اصابهم القعيطل (بعذرهم مارهم تقل برق ):055r:... وهنا اصابتنى حالتن من التئتئه ( وهى عقدتن منذالصغر تصيبنى من فرط الحماس)وهذاك حد علم اخوكم بنفسوه :o:ولا دريت الا برش الماء على واللى يسمى والى يقرأ يحسبونى مجنون :surprised (وانا اللى جنن هاللى تقل جذوع نخل محرقن بوه بحدا الشعبان وليه يحرق بوه مادرى ):477r:وبعد ان استرديت وعيي الا العسكر حولى وضابطهم يقول وش فيك خرعتنا عليك وش قصتك....:tongue: داخلن علينا يالله ترد النفس ....وهنا اخوكم هل السبحه تخبرون ما يكمى العلم :burn:والتقطت لها العسكر هذه الصوره:023b:
ياوالله مع هالعسكر واحدن من الربع اسموه هدمول ..ولا عرفن ..يقول غادين شكلك يخرع ....وانا اول مضرب مثل بالزين ...عدك تراعى ل دى كابريو (فيد التيتنك ):641:....وبعد سلم الله حى الله هالوجه قلت ياهدمول ابيك تودينى يم بيت شوشان (هذا واحدن من الجماعه مرته اختن لى من الرضاع )المهم قال لى تر الرجال تووه راحل من بيته وانا اوهس عليه بس مشينا يمهم :656:وشوين وحنا عندبيت شوشان واطق الباب وتفتح لى بنت عمى وادخل ابى ارتاح ....ميتن من التعب :112r: واخذتنى بيدى وقالت اسمع الكهرب مقطوع وانت راعى محل بس عندى حريم ومعهن خالتك نمشه مر وسلم عليهن وتعد بوجهك يم المجلس (وانا اليا سمعت طارى الحريم اقوم اتميلح عندهن ولا الزير سالم ):242r:واتنحنح واسمع الترحيب يالله حيوه ياخلف الحى والميت ياهلا بريحه الغالى .....وانتفخ شوين واتقدم يمهن... وبطريقى حسيت رجلى وطت شين لوين ولا سمعت الا فرخت الوغد حدر رجلى :131r:واسمع هالدعاوى اهبن سلط الله عليهن حريم الوحده تمزر من جيبه هالدعاوى (الله يعطيك العمى والطمس وهلم جر من هالدعاوى اللى تخرع ):315r: وهنا اصابتنى حالتن من البوهان واتعدى بوجهى ولا اطيح الا بالكاسات ودلالهن واحوس الدنيا واثرينى برجلى دفيت البريق اثريه منكفى بحضن حدى هالعجز... ولا سمعت الا قولت احيه الله لا يجزاك خير وش جابك بهذا اقلعوه الله يقلعوه ...من جابوه بهذا ياعلوه ما يجيب الذود :629r:(بعذره منكب الشاهى بحضنه (ماتنلام ))......وهنا اخذتنى اختى وقالت امش امش للمجلس انت تبى تجيب الموت لحدا هالعجز بس اقعد بالمجلس احسن لك ولى وافتحى الباب قالت من هانا :590r: وامشى لى خطوتين واجلس الا الارض ماهى مفروشه وهنا اسقط فى يدى وبديت الوم نفسى لو انا رايح لبو غازى ماهو ابرك اربثت بالعرب حتى بيتهم مافرشوه وما بوه الا هالحريم وانا جبت العيد بهن.... بس يستاهلن ...:goooood:ولا دريت الا بفتحت الباب ياطشاش الفناجيل والدلال من فوق راسى وهنا جتن الفرصه انتى ماتشوفين احرقتينى الاشين بسيط فتحى يا مال العمى .:)قالت انا يهالثور وش مجلسك بهالسيب .. وليه مادخلت المجلس :d:وانا استحى قلت مهو هذا مجلسكم وانا من الصبح وانا اتحلطم..... اشوى ...وادخلتنى للمجلس واجلستنى على المركى وحذرتنى بعدم الحركه من مكانى هذا وجابت لى التمر والقهوه وانا ادرع بهالتمر ذابحن الجوع والفصم بيدى اجدعوه باى مكان متعود على جبه وبيت الشعر ....:goooood: وبعدفتره دخل علينا شوشان تووه جاى ويرحب ويهلى ويصلح الدله ونتقهوى ونسولف وهنا اشتغل الكرهب (ياعله ماتعود ) وشفت وش انا مسؤى بها لمجلس (مخليه تقل مجلس زيدى ):biggrin:ولا قدرت اتكلم مستحى من عملتى بس مالى ذنب بها للى صار (صح والا لا ):001b: وجابو لى فراشى يبونى انام .....وبهالليل اسمع سوالفهم ويضحكون عندها قررت الرحيل لديرتى
ويقولون (وجهن تعرفوه ولا وجهن تنكروه )
وفى الختام تقبلوا تحياتى
وسامحونى سامحونى
