[poem=font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=0 align=center use=ex num="0,black"]
البارحة مجنون فكري تغنّا=وجاوب حمام الورق مع نوحتة ناح
مضاربٍ باطراف قلبي هونّا=وانا احسب انك ياهوى القلب مرتاح
وهواجسٍ باركان فكري تحنّا=تبكي على دور النشاما اليا راح
حنّا اليا عدت هل الخيل حنّا=في ساعة تدني المنايا للارواح
كم خير من فعل ربعي يونّا=راجوا علية من الطنا وبالوطا طاح
وكم فارسٍ من ضرب شمر يكنّا=شاف المذلة من عنا علط الارماح
تشبع بهم سحم الضرا ياعونّا=ويشبع بهم طير خذا الجو مسراح
واليا لمحوا ركب المسايير جنّا=عاداتهم ترحيبة الضيف بالحاح
اول "قراهن" من عدن حب بنّا=في دلة ماها على النار فواح
ومن عقبها بالطيب كبش يعنّا=خلوا دمة في فضا البيد منساح
نعطي العطايا ولا ورى المد منّا=في ساعة "العازة" الى صاح صياح
وكان الليالي المقبلة اظلمنّا=شمر خلقها اللة سنا ضو مصباح
شمر كما مرسى جبال رسنّا=بارق صخاهم في سما عزهم لاح
ليت المزون الناشية يارعدنّا=تمطر على دار المشاكيل ومراح
تمطر على حايل وتروي سكنّا=حيثة لبيبان المناعير مفتاح
لولا المعزة ماسكنا وطنّا=يوم الردي عن دار الاجواد منزاح[/poem]
