قولوا لمتفاائل يجينا بالقديمي والأصيل!!!!!

[poem=font="Simplified Arabic,5,indigo,bold,normal" bkcolor="transparent" bkimage="backgrounds/40.gif" border="double,10,teal" type=2 line=0 align=center use=ex num="0,black"]
أسمع حنين الرعْد وعيوني تناظر للمخيل=والبارق اللي لاح .. والله في مكانه معتلي

قولوا لمتفاائل يجينا بالقديمي والأصيل=والأسلمي يرتاح .. والله في مكانه معتلي[/poem]

مرحبا...يا عبيدالله

مبدى طيب من شاعر طيب

وين الشعراء...يا أهل اللعب

القديمي أظنه عند الحلال...و عنده حوار مصخن يعالجه

تحياتي لك و للجميع..

يسلام يسلام

عليك يا عبيدالله

دخله قويه وطالب شعرا قوين

وسجلوني ضمن المتابعين

يامرحب بك عبيد الله العرابي

اشوف مشرفنا القديمي متواجد الان والاصيل ماهو بعيد
ولاني انتبهت ان المطلوب مني اني اجيك بالقديمي والاصيل
وهم اخوان اعزاء علي حذفت الرد لكي لاكون اناني بحقهم فقط .

وحاشاك الكذب عبيد العرابي
صدقت وهذا ردي


[poem=font="Simplified Arabic,5,limegreen,bold,normal" bkcolor="transparent" bkimage="" border="double,4,white" type=2 line=0 align=center use=ex num="0,black"]
يوم العرابي قدم المعروض في الخط الجميل= قلنا هلا ياصاح .. والله في مكانه معتلي
البارق اللي لاح متقفيه مزن تقل ليل =يذكر مطرها طاح .. والله في مكانه معتلي[/poem]

تسلم عبيد الله بس ماادري رباعيه

اللعبه

متابع للجميع الله ايقويكم

[poem=font="Simplified Arabic,5,sandybrown,bold,normal" bkcolor="transparent" bkimage="" border="double,9,burlywood" type=2 line=0 align=center use=ex num="0,black"]
قصدك تقول إن العرابي في يده سيفٍ صقيل=يحصد به الأرواح .. والله في مكانه معتلي

ياللي تجيب العلم عن وقع المطر هات الدليل=وإنبشر الفلاّح .. والله في مكانه معتلي[/poem]

متأمل // مشكور على مرورك والطيب طيبك يالقرم

حود الشمري // شكراً لروعة حضورك اللي يعني لنا الكثير

القديمي // هلا وغلا بشاعرنا وأستاذنا القديمي واللي تشوفه حنا معك لاهنت

متفاائل// أنت فارس هذا اللقاء وأنت أستاذ للجميع الله يحييك يالغالي وشكراً على ترحيبك

الله يحييكم جميع ولا عيكم زود .. ,اشكر متابعتكم ..
إذا ودكم رباعيه ماعندي مانع ..وين الأصيل؟؟ إذا الأصيل موجود إكتمل اللقاء ..واللي تشوفونه أنا مع الله ..
تحياتي

وين رد متفاائل ؟؟؟

ليش حذفتوه ؟؟

أنا رديت بعد شفت رده .. أجل إحذفوا ردي !!!!!

ولاّ كيف يالربع .؟؟؟؟؟

يمكن متفاائل حذف مشاركته

إنت مشرف يالقديمي أنا سامح لك تحذف مشاركتي أنا بعد ..

متفاائل حذف مشاركته وخرج يمكن عنده ظرف ..

خلال خمس دقائق رتبوا اللي تبونه وأنا راجع لكم ..

تحياتي

بالخير ... اقول


ارتاح ولا ما ارتاح وصلت يالعرابي خذها



[poem=font="Simplified Arabic,5,black,bold,normal" bkcolor="transparent" bkimage="backgrounds/40.gif" border="none,4,black" type=0 line=0 align=center use=ex num="0,black"]
يا الله عسى مالك نصيب من المطر يومه يسيل =
يالصايح اللي صاح .. والله في مكانه معتلي
الزبد ما يطلع كذا يا كود يخضّون الصميل =
ما يعمله فلاّح .. والله في مكانه معتلــي[/poem]

يالربع على شان تكونون على بينه هذا رد الأخ / متفاائل

[align=center]بعد العرابي قدم المعروض بالخط الجميل
......................... قلنا هلا ياصاح .. والله في مكانه معتلي
البارق اللي لاح متقفيه (.....) تقل ليل
........................ يذكر مطرها طاح .. والله في مكانه معتلي[/align]طبعاً اللي بين قوسين كلمه نسيتها من رد الأخ متفاائل .. لكن المشكله قام بالحذف بعد ردي ما أدري وش السبب ..
أتمنى أن يكون خير إن شاء الله .. وإذا ما ودكم بالمحاوره ننهيها . ولكم كل الشكر على حضوركم ..

والنعم يافهد أنا أشهد إن مافيك قصور يالغالي ..
والقصد ليس الإستهانه بك لا والله .. لكنني سبق وأن تحاورت معك وأحببت أن ينازلني أحد الشعراء الذين لم يسبق لي لقائهم ..

وهم الذين ذكرتهم .. وماكنت أقصد شيء يسيء لأحد .. والجميع أساتذه وما أنا إلا طالب علم يافهد ..
المعذره أستاذي فهد ..
تحياتي

عساك على القوه ...


بعض ما يرفض يكون مطلوب لكن ما يخفاك يكون بصيغة الرفض.... كان

هذا التفكير ولا تشغل بالك معي واعتبر رديتي معك ملغيه يا غالي

والشباب كلهم خير وبركه ... وانا بمسك الصف معك يا بعدي

تسلم لاهنت ,,



تقبل تحيات اخوك .... فهد الاسلمي

سلمت أستاذي فهد ولا تهون ..
وترى ما يحقر الرجال إلا أقلها وأنا أخوك .. وأنت راسك مرفوع ورديتك وإن ألغيتها تراها فالقلب محفوظه بالغلا والوفا ..

لكن خلك معي يافهد ..
متفاائل كان موجود وحذف رده وتوارى عن الأنظار أما إنه تخفى أو إنه خرج . والقديمي كان موجود . لكنه أيضاً فجأه إختفى . حقيقه أنا في حيره منهما .. أما الأصيل ما وصل من أول المحاوره وأنا في إنتظاره .. ولا أريد أن أقووول إن المتفاائل والقديمي هربا من المواجهه حتى نرى عذرهما .. وبعدها تتضح الحقيقه ..

تحياتي لك يافهد

[poem=font="Simplified Arabic,5,limegreen,bold,normal" bkcolor="transparent" bkimage="" border="double,4,white" type=2 line=0 align=center use=ex num="0,black"]
يالعرابي ماقصدنا معك شي رزيل =انت تعطى وشاح .. والله فوق معتلي
بيتك الثاني خذانا معه قال وقيل =ينقصه إيضاح .. والله فوق خلقه معتلي [/poem]

[poem=font="Simplified Arabic,5,tomato,bold,normal" bkcolor="transparent" bkimage="" border="double,10,silver" type=2 line=0 align=center use=ex num="0,black"]
أخلفت مشيك وإختلف بين القصيّر والطويل=يالشيخ إبن بطاح .. والله في مكانه معتلي

قابل سموم الشمس ولاّ إرتاح في الظل الظليل=لاتقطع المسباح .. والله في مكانه معتلي[/poem]

[poem=font="Simplified Arabic,5,limegreen,bold,normal" bkcolor="transparent" bkimage="" border="double,4,white" type=2 line=0 align=center use=ex num="0,black"]
افرح بها افرح بها هذي مكاسب للذليل = اللي ماهو مرتاح .. والله في مكانه معتلي
احذر نزول الاوديه يأقبلت طلعت سهيل= تروح فيها طفاح.. والله في مكانه معتلي [/poem]

ياسلام يا سلام يا ســــــــــــــــــــلام اجمل وارق تحيـــــه


احذر نزول الاوديه يأقبلت طلعت سهيـل
تروح فيها طفاح.. والله في مكانه معتلي



[blink][align=center]معاكم قاضب الصف[/align][/blink]


عندك عندك يالعرابي

[align=center]

معـــــــــــــكم



بالصف



الله يعطيكم العافيه[/align]

[align=center]لاوالله يالأصيل

مالك متسان

لكن اقظب الصف



الأخ الشاعر عبيدالله العرابي

أعتذر عن التأخير

وفيكم البركه

وخلوها ثنائيه[/align]

[align=center]أخوي / متفاائل .. حياك الله يالغالي

وإستلم لاهنت [/align]


[poem=font="Simplified Arabic,5,darkblue,bold,normal" bkcolor="transparent" bkimage="backgrounds/13.gif" border="double,10,burlywood" type=2 line=0 align=center use=ex num="0,black"]
راع الحصاه اللي رماها في قفا عابر سبيل=مايكسب الأمداح .. والله في مكانه معتلي

خذها نصيحه والمعاني مُرّ ولاّ سلسبيل=رزقٍ وله مفتاح .. والله في مكانه معتلي[/poem]

[align=center]فهد الأسلمي// حياك الله يابعدي متابعتك تشرّفنا جميعاً

سرحان // يامرحبا وأشكرك على متابعتك المستمره والله يعافيك

الأصيل // الله يبارك في عمرك وفرصه أخرى وفي لقاء آخر والهدف نتعلم من الأساتذه أمثالك .. شكراً لحضورك وطابت أيامك [/align].

[align=right]تحيا وتبقي يالعرابي
فهد
سرحان
الاصيل
حياكم الله شكراً على المتابعة
:)استلم ياعبيد الله[/align]
[poem=font="Simplified Arabic,5,limegreen,bold,normal" bkcolor="transparent" bkimage="" border="double,4,white" type=2 line=0 align=center use=ex num="0,black"]
مسكين جاء داخل عليه راع الدخل كلا الدخيل = مايؤمن النصاح.. والله في مكانه معتلي
لكل معجم مصطلح ولافيه شي مستحيل =خلك من الاصلاح .. والله في مكانه معتلي [/poem]

[align=center]سلمت أخوي المتفاائل ..

وإستلم لاهنت [/align]

[poem=font="Simplified Arabic,5,darkblue,bold,normal" bkcolor="transparent" bkimage="backgrounds/13.gif" border="double,10,sandybrown" type=2 line=0 align=center use=ex num="0,black"]
النار صارت برد ماضرّت براهيم الخليل=مكتوب في الألواح .. والله في مكانه معتلي

ياالشمري وش لون تهجم والسيوف إلها صليل=أعزل بدون سلاح .. والله في مكانه معتلي[/poem]

[align=center]شدو حيلكم


متابعين لآخر نفس[/align]

ونا مع الاخ الاصيل متابع

والله يعطيكم العافيه

[align=right]الاصيل
حمود الشمري
نشكر متابعتكم
عبيد الله تسلم لاهنت
استلم [/align][poem=font="Simplified Arabic,5,limegreen,bold,normal" bkcolor="transparent" bkimage="" border="double,5,white" type=2 line=0 align=center use=ex num="0,black"]
حنا بزمان التقنيه وانته بسيفك والفتيل= ومبسوط ابن طلفاح.. والله في مكانه معتلي
لكل وقتٍ اسلحة وعميل يفرق عن عميل = بإشعاع تذوب املاح.. والله في مكانه معتلي [/poem]

[align=center]الأصيل / أشكرك لهذا الحضور ..
حمود الشمري / وأنت لحضورك رونق خاص أشكرك

المتفاائل الرائع / إستلم لاهنت[/align]

[poem=font="Simplified Arabic,5,indigo,bold,normal" bkcolor="transparent" bkimage="backgrounds/13.gif" border="double,10,sandybrown" type=2 line=0 align=center use=ex num="0,black"]
مازال هذا اللي معك يرويك نضّاح الصميل=ما أنت بعريض جناح .. والله في مكانه معتلي

من ضيّع الماضي نقول إنه على الحاضر بخيل=أبو يدين شحاح .. والله في مكانه معتلي [/poem]

[align=center]عبيد تسلم لاهنت اسلم [/align]

[poem=font="Simplified Arabic,5,limegreen,bold,normal" bkcolor="transparent" bkimage="" border="double,4,deeppink" type=2 line=0 align=center use=ex num="0,black"]
يالحارثي على الشداد اقلط وولع لك سبيل = وخذ لك معه مرواح.. والله في مكانه معتلي
الجمله من المبتداء بلا خبر ماله حصيل = رادي صفات ارداح .. والله في مكانه معتلي [/poem]

[align=center]الرائعــــــــــــــــــــــــــــــــــ ــــــــــــان[/align]


[align=center]العرابــــــــــــي & متفاائـــــــــــــــــــــــــل[/align]

مازال هذا اللي معك يرويك نضّـاح الصميـل
ما أنت بعريض جناح .. والله في مكانه معتلي

من ضيّع الماضي نقول إنه على الحاضر بخيل
أبو يدين شحاح .. والله فـي مكانـه معتلـي
=========================
يالحارثي على الشداد اقلط وولع لك سبيـل
وخذ لك معه مرواح.. والله في مكانه معتلي
الجمله من المبتداء بلا خبر مالـه حصيـل
رادي صفات ارداح .. والله في مكانه معتلي



[glint][align=center]معكم قاضبين الصفــــــــــوف (هــــــــــــــــــــوى)[/align][/glint]

[align=center]تحيا وتدوم يالمتفاائل
إستلم عسى عمرك طويل ..[/align][poem=font="Simplified Arabic,5,darkblue,bold,normal" bkcolor="transparent" bkimage="backgrounds/13.gif" border="double,10,burlywood" type=2 line=0 align=center use=ex num="0,black"]
الطلح كله شوك ولاّ التمر في عذوق النخيل=ياشايل التفاح .. والله في مكانه معتلي

الشجْره اللي كل ماهب الهوى قامت تميل=تبّاعة الأرياح .. والله في مكانه معتلي[/poem]

[align=center]قلنا لكم

الروعه تستحق المتابعه



لآخر نفس وحنا بالصفووووووف[/align]

[align=center]الاسلمي
الاصيل
لاهنتوا على المتابعه المشجعه [/align]

[align=center]سلمت ودمت
استلم لاهنت
يـا عبيدالله[/align]
[poem=font="Simplified Arabic,5,limegreen,bold,normal" bkcolor="transparent" bkimage="" border="double,4,white" type=2 line=0 align=center use=ex num="0,black"]
ياللي تجشمت العرب نصيحتي لاتستزيل = تصير به ملواح .. والله في مكانه معتلي
مايفتح الجبهات من ذخيرته نصفه حويل = ياخوفتي تجتاح.. والله في مكانه معتي[/poem]

[align=center]صح لسانك وصح قلبك يابوعمر ..

الحقيقه تغمرني السعاده بهذه المحاوره ..
وسعادتي تزيد برحابة صدرك وطيب معدنك ونقاء سريرتك ..
أحبتي جميعاً ..
الشعر ليس كل شيء وإن كان هناك فضل للشعر والمضايف فيكمن فضلها في أنها جمعتني بالأنقياء أمثال أخي الذي يزداد تقديري له رغم عدم معرفتي به// الشاعر الجميل والرفيع الخلق الأستاذ / متفاائل ...والذي أفخر به كفخري بأخي ..

أعتقد أن الوقت قد حان لإنهاء هذه المواجهه بالمصافحه والقرب أكثر ..
من هنا تتلاقح الأفكار ومن هنا يبدأ التعلم والحب والتقدير والإحترام . حيث لاينتهي .

أبو عمر الرائع / متفاائل .. ظننتك هكذا ووجدتك أروع من ظني بك هنيئاً للمضايف بهذه العقول النيّره وهذه الأفكار الراقيه وهنيئاً لي مشاركة المتفاائل هذه المحاوره . وشكراً لكل من داخلنا وشجعنا من البدايه إلى أن وصلنا إلى مانظن أنكم نظرتم إليه بعين الرضى ..

ألف شكر وتحيه للجميع وإلى أن يجمعنا لقاءً آخر .. أترككم في رعاية الله وحفظه [/align]

[align=center]عبيدالله العرابي
القلوب شواهد بيض الله وجهك الحقيقه وبدون مجامله انت تتشرف المضايف بوجدك ايها الرجل بكل ماتحمل هذه الكلمة من معاني جزلة واخلاق حميده وصدر رحب وشاعر متمكن لا بل مرجع من مراجع شعر عامة وشعر المحاوره خاصة ارجوا ان يستمر التواصل بيننا عبر هذا المكان الذي له الفضل الاكبر في معرفة منهم امثالك من الكنوز التي يصعب الحصول عليها بمثل هذه الايام . لقد كنت ومازلت رمز العطاء المتواصل لهذا المضيف ونتمنى ان تستمر جهودك الخيره وان يمدك الله بالصحة والعافيه اخي العرابي . كما ارجوا ان احضى بشرف مشاركتك في المسيابقات الشعريه التي سوف تبداء في مضيف المحاولات الشعريه الجاده لتكون احد اعمده هذه المسابقه كما انت دائماً .[/align]