[align=center]الشاعر : محسن بن علي بن دواس التميمي " حائل ـ السبعـان " يقول:-[/align]
[poem=font="Simplified Arabic,5,black,normal,normal" bkcolor="blue" bkimage="" border="none,4,gray" type=1 line=0 align=center use=ex num="0,black"]
ياراكب اللي لبِّست بالقماشي = تفز لى بدقيِّق العود نيشِه
ما تنلحق ممشاه تقل إنحياشي = وإلاّ هدَدْ شيهانةٍ صف ريشه
ان طالعت ياعبود سوق المعاشي = تقيف عِد مغيَّا له ببيشه
تشوف من خدّه تقل لون شاشي =ورقيبته يا مسندي تقل شيشه
اللي ثمانه مثل ضيق النواشي = لى هل من رخم المزون الهشيشه
عيني قزت وازريت اعابط فراشي = العين تذرف والضماير غشيشه
حبه بصندوق المعاليق جاشي = شِلهوب نارٍ نايشن له حشيشه
انتي بلاي وعلتي واهتماشي = حالي قضت ما تقل انا ذوق عيشه
مثل الخلوج اللي ابتلاه الخراشي = وشلون لى صارت خلوج وخريشه
قل يا خلوجٍ محنتك فقد حاشي = وانا على اللي حط قلبي نفيشه
دمعي على رمّانة الخد ماشي = سيّل هماليل الوطا من بشيشه
مانساه كود البدو تنسى المواشي = والحضر ينسون الزروع المطيشه
ان ترّكوهن صار مامن معاشي = ولا ساقمن حيٍ على غير عيشه
يا صويحبي ما هنات شيءٍ بلاشي = نبغى جزانا ياعيون الوحيشه
ياعين عنزٍ ذيّره حِس ماشي = تنز لى ماط الهوى عود هيشه
انطين من صاف الثنايا نطاش = غـدْيَه تطيب جروحي ٍ المستهيشه
لو مار باطراف البراطم نواش = الذ من درّ البكار المحيشه
ودسِّين من بين الحشا والدّخاش = قبلِك ترى طرد الهوى لي عريشه[/poem]
[align=center]
وسلامتكم ,,،[/align]
