بشير نبراس(ن) لنا بعالم الطيب 00
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
(( بشير نبراس ))
ابمدح اللي شامخ(ن) بالمراقيب = حر(ن) مجرب ماكره بالعوالي
مجناه طيب مع صفاته .. تعاجيب = شهم(ن) شمخ بالمرجله مايبالي
كامل ولا كامل سوى عالم الغيب = وافي .. وعايز مايبيله .. مقالي
بشير اهلي به .. وارحب .. تراحيب = الراسي .. الوافي .. كريم السبالي
بشير ابو سلطان راع .. المواجيب = راسي .. وشامخ مثل روس الجبالي
بشير نبراس(ن) لنا بعالم الطيب = مهبول طيب .. وكل طيبه هبالي
علمه ينومس كل عصم .. الاشانيب = ابمدحه كل ماذكرة .. وطرالي
ولايلحق خليف الجهيلي ابد .. عيب = اليا مدحته بالشعر .. والمثالي
ابكتبه باوراق شعري .. مكاتيب = آختال .. ويختال الشعر .. مانبالي
بالطيب له بصمه .. وماقف .. وتجريب = باع .. وشراء بالطيب .. قرم العيالي
يرخص حلاله مايّحسب .. محاسيب = انشهد انه مايهاب .. الريالي
أن قلت حر(ن) .. حر .. وأن قلت له ذيب = علمه ينومسنا جنوب .. وشمالي
وعند القرايب افتخر .. والاجانيب = علمه اينومسني على كل .. حالي
علمه ينومس لابته .. والاصاحيب = بالطيب مايحتاج قايل .. وقالي
يفداه عفن(ن) مايّودي .. ولا يجيب = ياعل يفدونه خبّاث .. العمالي
اليا دعاني جيت كلي له مجيب = اجيه لا شانت عليه .. الليالي
لاكشرت بقعاء سيوفي .. محاديب = يشرب من الجم القراح الزلالي
انا عضيده مابها شك(ن) .. او ريب = انا .. ومالي فدوته .. والعيالي
غالي ومكانه بين عوج .. المحاديب = قدره رفيع وله معزه .. وغالي
اقولها ماهي سوالف .. رعابيب = دامه عشيري حي فاله .. وفالي
نشفق على النوماس .. ومزارق الطيب = ماخابت الهقوات بين .. الرجالي
وارجو السموحه ياحصان .. الاطاليب = الكان شعري ماوفاء .. بالكمالي
واقبل سلامي .. والتحيه .. بترحيب = اعداد ماهبت هبوب .. الشمالي
خليف الجهيلي [/poem]
