[align=center]مساكم بالخير
وش لونكم اجمع
عساكم بخير
يالربع اليوم مريت ابوسلطان اللي هو راعي هالموقع
وكانت لي حاجه عند له واحدٍ ماهي حتى
عنده قال ابشر بسعدك وهي تطب هالبويتات
حتى ولو انه ماهي بمقامه ولكن حبيت اكتبها مثل
ماجتن[/align]
[poem=font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
إن طرى طاري لبذره والحصيد=وإن بغينا العلم عن غيث ومطر
وإن حصل بالطيب من جد وجديد=وإن سأل هالخير عن مجرى النهر
وإن تعلى صوت هالفزعه تغريد=وإن نشد تايه عن دروب القمر
وإن طلب راع الطلب هل من مزيد=إن بغى كثر الرمل وكثر الحجر
وإن نشد راع الفرح عن يوم عيد=وإن بغت راحه غرابيل السهر
ومن يبي زين القصايد والنشيـد=ومن نشد عن در خيرك يابحر
إيه يمشي صوب دارك ياعميـد=ياابوسلطان ياحر اشتهر
شمري بالطيب له مدٍ مديد=من زمان الحر في طيبه شهر
ايه مبطي ماهو من امسِ وليد=صار له اعوام وسنين وعمر
ومن جهل بالناس سموه البليد=ومن مدح مثلك يسمى له نظر
فلاح السعد[/poem]
