[align=center]السلام عليكم /
احد الربع جاء يستشيرن بموضوع وكان من عيوبه الشفافيه الزائده واللي بقلبه على لسانه والناس كل من ضحك له هل طبلونه يحسبنه فعلاً حاس به وهم بعضهم يسأله شفايه تمهيد للشماته وقلت انت تبي نصيحتي قال اي والله قلت استلم . السايح يعني ماعليه لم يصل لدرجة خبل .بس قليبه ابيض ويعامل الناس على نفسه . كذالك الاسم (فهد) مزور ليس اسم الشخص نفسه للمعلوميه ولكن عوضنا به عن الفراغ . اليكم هذه ..........[/align]
[poem=font="Simplified Arabic,5,white,normal,normal" bkcolor="transparent" bkimage="backgrounds/22.gif" border="inset,4,deeppink" type=1 line=0 align=center use=ex num="0,black"]
يا فهد يا حبيبي تريك سايح=هـا .الزمن يكثر والله خايبين
قفل الصندوق ودبّله صفايح= واعدم المفتاح.. كسرٍ مع ضمينه
لا تثق من يومنا هذا ورايح = لين تسأل عن فلان وعن خدينه
انتبه تنبـ.يش مهدين النصايح = ودهم في معرفة وجه السفينه
من قديم الناس به صالح وطالح=بس كل في مكانه موقفينه
مآبهم ظلم ضما يرهم صحايح=بالطمع والكذب ما هم بايعينه
بوقتنا هذا اختلط عذب ومالح =واهله هذا وهذا شاربينه
طاح كرت الشيخ وابن اللاش طافح=كم هيس في زمنا مشيخينه
يوم هي للفعل وهو يا صاح صايح = يزبن امه مع خواته حاسبينه
شاخ في بعلوم الرذيلة والمسارح = شيخته .؟فلوسه اللي في يدينه
ولفقوا له من صفات أهل المدايح= بالغوا به زود لو هم خابرينه
ان بداء عندك لهم بعض المصالح = مجلسك دايم وهم مضيقينه
والعرايض والهدايا والذبايح = لك بدون مناسبات جايبينه
الضماير ميته والحظ طايح =للنفاق حظوظهم مسـ.بلينه
استشرتن يا فهد خذ رأي واضح = حاول تتابع حروفه في سكينه[/poem]
[align=center]
من حورنياتي
ولكم تحياتي [/align]
ا[align=center]بوعمر[/align]
