رحلة الربع البحريه ( الجزء الثالث ) والاخير
[align=center]اصبح الصبح من باتسر
وقاموا الربع كلهم بس الدلخ شنقل لهالحين لوه شخير ( ماعندوه قلب )
قال ابو غازي لسلمان وش رايك يا اخوي وش نسوي ؟
قال سلمان ما لنا ياخوك الا اننا اذا قام فضيخ القلب ولدك نقول لوه السالفه
غديه يقتنع ويروح معنا
قال ابو غازي طيب واذا عيا الماخوذ وش نسوي ؟
قال سلمان ان شاء الله انوه مهو معيي
وراح ابو غازي وهو ينده شنقل
شنقل الغالي شنقولي قم تريق مع اخوانك لا يخلصون الريوق
وهو يقمز على طولوه
ويوم تريق وخلص قال ابو غازي الغالي شنقل الحق ابيك
وهو يجتمعبوه هو وسلمان
قالوا شف يا اخ شنقل ( عطوه وجه )
حنا اليوم المغرب نبي نروح يم الجني اللي امس
وهو يقوم يرتعد شنقل
قال وشولوه ؟؟
قالوا ملكهم يبيك !!!
وهن يقومن يتصافقن ركبوه
قال ماني رايح
قال ابوه تروح غصبن عليك
قال والله ماروح
قال عموه خلوه شوين غدينا نشوفلنا حل
ويوم جاء عقب الغداء قال ابو غازي لسلمان
وش رايك ياخوي ناخذ المخاوي ولدك بدال شنقل غديه يروح
قال سلمان وش معنى ولدي المخاوي
قال ابو غازي علشانوه يشبه لشنقل بالطول وبالدماغ
ويمكن تمشي عليهم ويحسبونوه هو ونفتك
قال سلمان لا هذا حشاشة يوفي
قال ابو غازي اجل انا قايل حشاشة ركبك
ادري انوه حشاشة يوفك وشنقل بعد حشاشة يوفي
المهم شاوروا المخاوي
قال مايخالف اذا يسمحلي شنقل ( الا يا معيي )
يوم جاء المغيرب وهم يروحون يم رفيدزهم
وقبل ياصلون مكانهم سمعوا صوت شنقل يصوت لبوه ( يبه يبه )
وهم ياقفون
يوم وصل لهم قال يبه كومار جاء ومعوه ناس
قال ابوه كومار رفيدزنا اللي هرب
قال ايه
وهم يرجعون ركض
ويوم وصلوا ليمار هذا كومار ( يالله حيووووه )
ومعوه ناسن فزاعين
اخو سعدى دكتور تبع الدفاع المدني ( يحسبون فيه اصابات )
والريم وريم شمر ممرضات مع اخو سعدى ( يعاوننوه )
ومفتاح 14 علشان يربط ركب شنقل والمخاوي
الوكاد نزلوا يتطمنون عليهم
ويوم خذوا شوين وهو ينصفر شنقل
وهو يقوم الدكتور يكشف عليه ويدزلبوه
قال ابوه ماعليك منوه هذا بس تسان معك كالونيا رش عليه وعلموه بالشر
الوكاد رتسبوا كلهم ومشوا قبل العشاء
وقبل الفجر وصلوا للدمام
ويوم نزلوا قاموا يتفقدون عيالهم
ليمار الدبيه ام نظارات شموخ مهي معهم
وهم يقومون لهم صياح
وهو ينصفر شنقل مره ثانيه
وهو يروح المخاوي للسفينه وهو يزنط كومار
قال يالله ودني للجزيره
وهو يروح الولد يبي يجيب اختوه
ويوم وصل هو وكومار وهم يلقونه عند الشاطئ
( تفتهم هالدبيه ماخلت مكانه )
ويوم شافتهم وهي تطبز بالبحر تبيهم
ويوم بغت تغرق وهو يقمز اخوه يبي يطلعه
وهو يبلش بروحوه
وهو يطبز كومار ( ذيبان ) وهو يطلعهم ثنينهم
وهو يحطهم بظهر السفينه وهو يجيبهم
ويوم وصلوا ليمار شنقل على انصفارتوه
والدكتور والسساتر يقلبونوه
قال الدكتور يابو غازي ولدك هذا مالوه كتلوج
غدينا نلقا علتوه
قال ابو غازي لا والله بس دونك شيشة هالكلونيا شمموه غديه يقوم
ويوم شم الكلونيا وهو يقوم تقل حصان
يتلفت ويراعي لناس اللي حولوه تقل مهو عارفهم
ويوم شاف المخاوي وهو يخموه ويقوملوه جعير
وهي تنتهي القصه على هالمشهد ......
ملاحظه /
اعتذار للجميع
واعتذار خاااااص للاخ شنقل ولاخ المخاوي والاخ ابوغازي والاخت شموخ
والاخ الكبير سلمان النبهان والاخ ذيب شراف والاخ بو رائد
وتقلدوا تحيتي
[/align]
