رحلة الربع البحريه ( الجزء الثاني )
[align=center]صار ماصار وسفطوا الربع بالجزيره
وحولوا هم وهنديهم (هذا سلمكم الله اللي يسوق بهم السفينه )
وقاموا واحد يراعي لواحد وجلسوا يرتاحون عقب هالعفسة اللي صارت لهم
قال ابو غازي يالله قوموا نبي نتحرك ماطول الضوات
نبي ندور مكان ننام بوه ولا غدينا نلقا احد يسعفنا
قال سلمان يالله ياعيال قوموا عاونونا
قال ابو غازي لا خلهم ينثبرون نبي نروح انا وانت وابو رائد والباقين ينثبرون هنا ليما نجيهم
قالوا خلاص وهم يروحون الثلاثه.
ويوم اظلم الظلام وهم يبلشون بالنكسه (الرجعة ) .
الوغيدان يوم تباطوا ابوانهم قاموا يبتسون الا الفاضي وشنقل وذيب شراف( تسننا الرجال )
والشبث قاملوه جعير طول حسوه يجعر ويصيح يايبه
وهو يسمعوه ابوه مع انهم باخر الجزيرة ( بس والله من صفي الحلق ) وهم يرجعون
وهم يرجهنون الوغيدان ( يهجدون )ويرتاحون .
قال ابو غازي اسمعوا يا اخوان الليلة نبي ننام حول الشاطي وباتسر من الجهمه ( الفجوور )
نطش وندور تسان من احد ولا اقل شي ندور مكان ننامبوه .
قال سلمان شورك وهداية الله ياخوي.
الوكاد يوم جاء باتسر قاموا وراحوا يدورون وخلوا الغبر الهنيدي بمكانوه .
ويوم جاء عقب الظهر وهم يجون ليمار مهدودن حيلهم وحلتهم حاله من المشي
( والله من قل الرياضه وضرب الرصيص )
وهم يدورون ويدورون كومار
ياكومار ياهنوه ياعدل يابدل ليمار ماحولك الوالي
ويكتشفون عقب برهه ( بضع دقائق )ان فودان اخذن السفينه وماشي( فارك )
المهم وقعوا ( رضخوا ) للامر الواقع وجلسوا يحاولون يسوون غداهم وهم على لحم بطونهم
من الصبح وخاصه بعد ماتقلبت وجيه الوغدان الشبث وتذكار
وابا كبرا شنقل قام يتلوا من الجوع .
الوكاد تغدوا الربع من يد سلمان ( سمك مشوي انما ايه )وقيلوا ويوم جاء حول المغيرب (الصفره)
وهو يسج ابو غازي هو وبكروه ( امحق بكر )شنقل يدورون بالجزيرة , وعقب صلاة المغرب
قال ابو غازي لشنقولتوه يالله ياوليدي نبي ننكس لربعنا لا يتباطوننا .
وهم بالطريق وابو غازي يمشي وولدوه شنقل يمشي وراوه يحاتسي روحوه
وقف قدامهم جني يبي يخرعهم
وهو ياقف ابو غازي وهو يسمي ( اوجس الخرعه ) وهذاك ( الولد ) مدرعم بوجهوه
ويوم شافوه الجني وهو يصيح ( انخرع من شنقل )وهو يصيح شنقل
وكل واحد يهرب من جهه
وهو يبلش ابو غازي بالولد
وهو يقوم يدوروه ويالله يلقاوه فوق شجره وهو ينزلوه ( بالملعنه )
وهم يرجعون لربعهم عقب العشاء
ليمار خوياهم مختبصين
ورايح ابو رائد وذيب شراف والفاضي يدورونهم وسلمان جالس عند الوغيدان لا ينخرعون
وعقبه هنااااااك وهم يجون الفزاعين .
ويوم اجتمعوا ونوموا الوغيدان قال ابو غازي اسمعوا يالربع الجزيره هذي به جن!!!!!!!
ومشوين واحد عارضنا ( ظهر امامنا ) بس اشوى اني خذيت شنقل معي ولا تسان علوم؟؟؟
قال سلمان ليه شنقل وشهو مسوي ؟؟؟
قال ابو غازي والله ياخوك مادري بس الله العالم ان هالولد بوه قدره غير طبيعيه
وهالولد من يوم شفتوه وانا داري انوه يبي يصير بليه والظاهر ان بوه قدره خارقه تخرع الجن
ومن هانا ورايح لاحد يروح بالليل الا وشنقل معوه .
ويوم نوموا وانصف الليل وهو يسمع ذيب شراف حركه وهو يراعي ليمار عيون ورا الشجر
( مثل افلام الكرتون ) وهو يقعد ابوه ( اشوى انوه ذيب مهو غيروه ولا تسان جايبن العيد )
وهو يراعي ابو غازي لاوالله عيون صحيح مايزول للولد
وهو يقعد اخوه سلمان وهم يقومون لهالزيلان اللي تويز عليهم
قال ابو غازي ياولد الحق جاي وش عندك تويز
وهو يطلع هكا الرجال اللي ماعندك احلى من زولوه (طاقن الشخصيه )وهو يسلم
قال ابو غازي وش عندك ياولد تويز
قال اسمع يابو غازي !!!!!!!!!!
قال ابو غازي بسم الله انت تعرفني
قال ايه انا الجني اللي واجهتكم اليوم
قال ابو غازي وش تبي جاين هنا
قال الجني انا يوم واجهتوني اليوم علمت ملكنا بالسالفه وهو يبيكم هالحين
قال ابوغازي وهو ليه مايجينا
قال سلمان اقول خل المهايط عنك لا يجينا ملكهم هالحين يحوس مريرنا كلنا
قال ابو غازي تقوله صادز
اقول يالجني الاسم بالخير
قال الجني اسمي فيروز طال عمرك
قال ابو غازي اسمع يافيروز رح لملكك وقلوه الربع هالحين مايقدرون يجون لكن باتسر
ان شاء الله نجيه
قال الجني خلاص باتسر عقب المغرب اواجهكم عند مكاننا اليوم انت واللي اليوم معك(يقصد
شنقل ) ومعكم واحد بس .
قال ابو غازي خلاص الوعد باتسر.
وتابعوا ماذا يحصل عند الملك وليش طلبهم الملك بالجزء الجااااي
وتقلدوا تحية اخوكم الشبث[/align]
