( أمـــــــــــــانـــه ) ..!!!
[align=center]على أحد شواطئ .. الصدق
تسكن
هذه الورقه
لعل أحد منكم يلامسها
فتتشرف بمروره
.
..
.[/align]
[poem=font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أمانه لاتوادعني حبيبي .. لانويت تروح=دخيلك خلنّي وإرحلْ .. كذا من دون ماأدري
دخيلك لاتعلمني كفى صدر الغرام جروح=وأنا اللي من عرفتك .. وأنت متربع على صدري
بنيتك بالحشا .. قصر ٍ رفيع وشامخ ٍ بصروح=وقلت : إسكن هنا ياللي عيونك سودها قصري
رخصت أغلا القصيد وكل ماينزف صدوق البوح=وجيتك والغلا طفل ٍ .. ربى بالجوف من صغري
تحملت العذاب وصرت أنا من سبتك مذبوح=صبرت .. وطال صبري .. لين مل الصبر من صبري
أبي بس أظفر بقلبك مدام الشوق لك مفضوح=ومدامك بالعروق اللي تحبك دايم ٍ تجري
أبي عطر الهوى منك حبيبي كل يوم .. يفوح=وبعلنها على الدنيا : ( أحبك يابعد عمري )
حبيبي أنت ماغيرك حبيب ٍ قد سكن بالروح=ومن فكّر يجي بعدك ترا بقول له : بدري ..!!
تخيل كل ماتسألْ .. بنبرة صوتك المبحوح!!=( حبيبي لو تكرم بسألك : إشْ رايك بعطري !! )
أذوب ويعترف قلبي .. ياعم العطر .. يالمملوح=بأنك تغري وعطرك مثل سحرك بعد يغري
وتخيل من كثر حبك بقول لحضرتك مسموح ..!!=قبل حتى الخطا منك يجي وتقول : خذ عذري
بقول لحضرتك فدوه ترا كل الخطا مدموح=ماغير أكبر خطا لامن .. نويت الجد في هجري
كفايه باب خفاقي عشْقك وصار لك .. مفتوح=وكفايه لو تغيب شوي .. أضيق وينشغل فكري
أمانه .. لاتعلمني حبيبي لانويت تروح ..!!=دخيلك خلني وأرحل .. كذا من دون ماأدري ..!![/poem]
[align=center].
ض
ح
و
ي
.[/align]
