ضياغم تزها ختوم الرياسه

[align=center]
السلام عليكم ورحمة الله وبركاته
يعطيكم العافية
ورده من حديقتي الخاصة(مكتبتي).


هذه القصيدة للشاعر دعث بن شايش من المفضل من شمر مهديها إلى
سالم بن فتيح من الجعفر من شمر, يقول فيها:-


ياالله ياللي عندك الرزق مجموع
...... ترجع لدارٍ مبطيٍ به يباسه
تجعل بها سكانة البدو بسبوع
...... من زود خيره تنتفع كل ناسه
تجعل بها بشاير الخير متبوع
...... يا فارج الضيقات من عقب ياسه
يارب تجعل ديرة البدو برجوع
...... اللي بهم وقت اللوازم حماسه
بدوٍ كرام وصكة الباب ممنوع
...... سلمٍ قديم وماضيٍ له دراسه
ما طالبوا عند المراسيم وازروع
...... يا ساح بال اللي بشوٌش بحماسه
ياراكب اللي ما لحا زوره الكوع
...... وصايفه تبحل فهيم السياسه
بترا الفخوذ وراكبه دايمٍ طوع
...... مشيه مع البيدا يجيب الوناسه
ما به من الأوصاف ما يقال مجدوع
...... فرقه مثل فرق الذهب عن نحاسه
تزود لا صار العصا فوق مرفوع
...... ممشاه بديارٍ كثير حساسه
صبور لا جاه الظما هو ويا الجوع
...... يا ساج حبله صار جنٌه براسه
انص الكريم اللي له الصيت مسموع
...... اللي يقود الوجه ساسه وباسه
تلفي لسالم ما تجي كل منزوع
...... ليا أغربت شمس العصير الدماسه
سلٌم على اللي به حميه ومنفوع
...... القرم ابو عايد كثير الوناسه
اللي يشب النار والعفن منزوع
...... لا من ولد اللاش صابه نعاسه
تلقا دلاله ما بهن كل قاموع
...... اللي على كيف النشاما قياسه
نعمين باليتمان لا صارت فزوع
...... خيٌالهم لا طالع القوم داسه
زبن الدخيل اللي من الحق مقطوع
...... ضياغمٍ نثر الدما في محاسه
عز الجهامه بيوم جادع ومجدوع
...... لا طار عن خطو المجوٌخ لباسه
اهل النداء من يوم هي شلف ودروع
...... يكدون فرٌيس تلامع طياسه
عزٍ يجيب الحق مثنى ومربوع
...... قبل زمانك يبتدي بنعكاسه
...... تاريخهم بمجلد الكتب مطبوع
ضياغم تزها ختوم الرياسه
...... عزاً مجالسهم لها ساس وفروع
ما خضبوا به جايبين البلاسه

وسلامتكم..
تحياااااااتي للجميع..[/align]

صح لسانك ولسان الشاعــــــــــر ،،،

وإبن فتيــــــــــــــــــح القشعمـــــــــــــي يستاهل ،،،

تسلــــــــــــــــم على هذا النقـــــــــــــل ،،،

ولك التحيــــــــــــــــــــة ...

[align=center]
اللهم آميــــــــــن

و صح لسااان شاعر


و تسلم ايدك أخوي راع الهتيما على هذا النقل


أختك

الدهور[/align]

السلام عليكم

صح بدنك اخي راعي الوقيد ولاهنت

اختي الدهور تسلمين يعطيك العافيه

لكم مني جزيل الشكر ودمتم

[align=center]تســــــــــلم اخونا القدير
راعي الهتيما
جزاك الله كل خير على إيصال هذه الرائعة لنا
لاتبخل علينا بما لديك ايها الرائع

صـــــــــح لسانك ولسان الشاعر
والف نعم بك وبهم أصل وفصل

ابو غازي[/align]

قصيدة رائعة من انسان يستحق الروعة على هذا الطرح المتميز وهذا التوقيع الموقر




بارك الله فيك




لا تبخل علينا




لا عدمناك اخوي

[align=center]السلام عليكم
يعطيكم العافيه

صـــــــــح بدنك اخوي ابوغازي وما عليك زود

اخوي براك لاهنت وجزاك الله خير على ما تقوم به

لكم جميعاً خالص شكري وتقديري[/align]

صح لسانك راعي الهتيما :thumb:

لا هنت اخوي مخيدش وصح بدنك
تقبل تحياتي وشكري

[align=center]صح لسانك ياراع الهتيما

قصيدة فاخرة

نعمين باليتمان لا صارت فزوع
...... خيٌالهم لا طالع القوم داسه
زبن الدخيل اللي من الحق مقطوع
...... ضياغمٍ نثر الدما في محاسه

وعشرة أنعام باليتمان

لاهنت على حسن الإختيار[/align]

[align=center]
السلام عليكم
لاهنت اخوي الاصمعي وصح بدنك
اشكرك على مرورك تقبل تحياتي[/align]