حلا وريم العبدالله والقصيد
[align=center]
لكل من طلبني قصيده جديده
شاعرات ٍ لا كتبنا والمعاني شاعريّه
--------------- نفتق ارواق الخفايا لا بدا للحرف خـيمـه
اهداء الى ( اخت الرجال ) الشاعره القديره ( ريم العبدالله )
قصيد البنت !
[poet font="Simplified Arabic,4,darkred,normal,normal" bkcolor="transparent" bkimage="backgrounds/19.gif" border="groove,3,gray" type=2 line=200% align=center use=ex length=0 char="" num="0,black" filter=""]
اخت الرجال // الحرف صانك // عن الميل = يا ريم // لك تقدير // من شمّريه
يا جعل برق ٍ // يفتق الغيم // وتسيل = تسكب // حروف ٍ // بالرعود القويه
الزعفران // وريحة البن // والهيل = والنار مشبوبه // وأخت ٍ // وخيّه
والنفس طيْبه // والغلا // والفناجيل = تاجك // وعرشك // والعلوم بدويه
يا شاعره // لك جابني // القال والقيل = ( ناس ٍ // تسولف عن // قصيد البنيّه )
شخص ٍ // تسمّى ( للأسف ) // بالرياجيل = واثر المراجل // من علومه // بريّه
يحسب // قصيد البنت // لعبه وتمثيل = واضحك عليه // آقول // ( شر البليّه )
هو ينكر // ان البنت هي // أم هالجيل = ما عاد يبقى // للبقايا // بقيّه !!!
حنّا له ابعد // من سما الجدْي // وسهيل = حنّا العفاف // الطهْر // دون الرديّه
حنّا كسينا // الشعْر نور ٍ // على ليل = بخمارنا // كل الحروف // امحميّه
لو هو رَجِل // ما حط بالخوض // ويشيل = ما حط راسه // عند راس // البنيّه
يا ريم // خلّيها // بفال المقابيل = يا ريم // ما تحتاج مثلك // وصيّه
[/poet]
وهنا أتى رد الشاعره ريم العبدالله ( اخت الرجال )
[poet font="Simplified Arabic,4,darkred,normal,normal" bkcolor="transparent" bkimage="backgrounds/19.gif" border="groove,3,gray" type=2 line=200% align=center use=ex length=0 char="" num="0,black" filter=""]
أهلاً هلا ياأم الرموش المظاليل "="أجرّها بحبال عشق بدويه
أهلاً هلا ياعزوة الحرّ بالليل "=" اليا تعزوا ذاكرٍ شمريه
سلامٍ منمّق بأحلى المواويل "=" لاأهل القلوب الوافيه والنقيّه
جتني بيوتك ماتعرف الهراقيل "=" أبيات شعرٍ راسخاتٍ قويه
ماساقها الا شمّريٍ حمى سهيل "=" يوم العرب تفخر بمدّة أوقيّه
لا الوقت يسعفني بشدّه وترحيل "=" لديار طي .. أشيلهم في يديه
يابنت ربعٍ قدّو نحور هالخيل "=" للضيف مادسّوه عيب وزريه
هو قالك : أني كما كنّس الحيل "=" لا ماألتفت له لا وأدوّر حذيه
بنتٍ ربيت بعزّ وسط الرياجيل "=" ماني ببنت القشقر الحضرميه
أنا ليا منّه عدوي بغى يميل "=" وهو عدوي يذكرن يالبنيه
وش حال شعري لابسن له خلاخيل "=" حامي هجيري ماحظى بالحجيّه
أن كان شفتي به زيوف الأقاويل "=" ثمن نكس ودّه بجرعة مويّه
لاتنظري له خايفه دموعه تسيل "=" دامك عرفتي هدّته ياوخيّه
ياغاليه لاتحسبين الرجاجيل "=" من فخّم الهرجه وخلا خويّه
أن ماسقى غرسٍ ورى فطّر سهيل "=" وجاوب سؤالك وشهي النشنشيه ؟
عيبٍ عليه يكون فوق القناديل "=" وعيبٍ عليه يناطحك يافظيه
[/poet]
اختكم
حلا شمّر[/align]
