[align=center]مرتن من المراريت رحت مع واحدن من جماعة ربعنا
وهالجودي مسوين انوه كريم واسكت محد قدوه بالكرم
الوكاد قام ابو الشباب يهلس علي مع هالخط
ويعطيني من الرخيص اللي عندوه
وانا ذبحن الجوع
قلت ياولد انت ليه ماتخلي سوالفك وقرقك بعدين
انا ابموت من الجوع وانت بس تهلس
قال انا ولد ابوي ( انا انخرعت احسبوه زعل علي )
يخسى الجوع والله لوديك مطيعمن خابروه قريب
قلت يالله بساااع
الوكاد الرجال وقف عند بوفيه ( كاركتيريا )
وقال انزل
وانا انزل
وهو يجي يطلب ابو الشباب على مزاجوه
قال عطني ثمان سندويسات بيض
قلت وقف ياصديق
وش ثمانيتوه وش بيضوه
قال انت جاي معي يعني تاكل على كيفي
قلت ولييييييه
يابن الحلال يالجودي ياعدل يابدل
يمااار لله الخبل مصمم على رايوه
قلت هين والله لوريك يالتيس الاربد
الوكاد الرجال وكلني البيض ( اربع لي واربع لوه )
وعقبه باسبوع
وانا امروه بالبيت الصبح قلت امش ابيك
قال وين تبي
قلت ماعليك يانانسي ماني خاطفك امش
وهو يركب عقب ماتنهزرتوه
وانا ادوجبوه كل هكا اليوم بالبران لياما جا المغرب
يمار وجهوه غادين تقل اذن خبل من الجوع
قال تكفى يافلان نبي مطعم
ترن ابموت
قلت مت من قاضبك
قال افا ياخوك يالغالي ياطوايف امي وابوي
ابي شين يوكل
الوكاد يما انتها الرجال ( لو تجيبلوه رضمة وعليه كتشب كلاه )
وانا اوديه مطعم هندي يحبوه قلبك
ويوم جينا المطعم قلت انزل
وهو يطبق
ويوم جيت الهنيدي قالت اسمع يابو كومار انا طالبك
قال جاك ( ملعون ياطيبوه )
قلت عطني صحنين برياني واحد منهن املوه فلفل
وعطوه الكمخه اللي منعوي هناك
قال ابو هنود مار بس هذي
وعقب ربع ساعه جانا الطلب
وهو يدرعبوه الماخوذ
ويوم انصف قال ياولد هذا كلوه فلفل
قلت كل وانت ساكت لا تصجني
وعقب ماخلص وهو يقوملوه ونين
من الحراره
والله وحنا بالخط وانا ارحموه قلت ياملعون
مادامك ماتبي احد يغصبك على الاكل ليه
تغصب الناس
والله وانا امربوه هاكا البقاله وانا اخذلوه حليب السعوديه وكرتون خيار
ويوم نزلتوه عند البيت قلت اسمع ترى الشهوه تحت الضرس
واللي يعرف معناه يقولي
وتقلدوا تحية اخوكم الشبث[/align]
