طريقه سهله إذا اردت ان تكتب قصيدة ادخل الله لا يهينك

[align=center]

طبعاً من المعروف ان القصيدة مكونه من

1ـ وزن >>>>> طبعاً الوزن كيف نعرفه الشعر اوزان
ملحنه على الحان معروفه بإقاعات متناسقه
فأكثرها الإقاع المسحوب او السامري
او الهجيني او اوزان اخرى ما نبي نطيل
عليكم نحن نريد ان نبسط العمليه
فكيف نعرف المسحوب
مثلاً هذه الأبيات المشهوره
يالله انا طالبك حمرٍ هوى بالي .... يا روّح الجيش نطّاحٍ جنايبها
حاول انك تلحنها حتى تصل إلى لحنها واحفظ اللحن وبعدين
قسه على اي قصيده تعرفها وتحبها
وحاول ان تكرر هذا اللحن حتى تتقنه جيداً وهكذا
اعمل على تغيير كلمات في القصيدة
فمثلا نبي نغير بالبيت اللي مثلنا عليه
يالله انا طالبك ( وضحٍ ) هوى بالي .... يا روّح الجيش نطّاحٍ جنايبها
حتى نتمكن من تغيير القصيده


2ـ قاف >>>> القاف هو الذي تنتهي فيه القصيده
وعادةً القصائد تنتهي بحرفين لكل شطر



حنا نفهم هذا وندخل نحاول ان نقصد








V
V
V

جاهزين




هناك قصيده سهله مره



تقول كلماته



يا زين والله <<<< طبعاً نمد كلمة واللـــــــــــهِ
ونكسر حرف الهاء في لفض الجلاله


فنقول
يا زين والله والله والله أغليكم <<< الشطر الأول
الشطر الثاني >>>>> واحبكم حب حب حب يالغالي

خسر خسر خاسرٍ خسر معاديكم
........... ربح ربح رابحٍ ناويك بوصالي



ـــــــــــــــــــــ



المطلوب ان نجيب لفظ قريب من الكلمات المكرره

ونحاول نشبكها مع كلمه اخرى قريبه من الكلمة الثانية






نحاول كلنا




ونشوف





نتمنى للجميع التوفيق












اخوكم[/align]

[align=center]ابو خالد

اولا الله يعطيك العافية

و ثانيا والله صعبه

بس بحاول

يا هلي يا زين يا زين يا زين ملقاكم ** لا يا بعد بعد بعد حالي


ادري اني خبصت الدنيا لكن عاد اسمها محاولة[/align]

لك الف شكر ابو خالد

[align=center]


حلو



بس شف وش اللبس عندك




لو حذفت في بيتك
يا هلي يا زين يا زين يا زين ملقاكم ** لا يا بعد بعد بعد حالي

كلمة (يا هلي) في الشطر الأول وفي الشطر الثاني كررت (لا يا بعد )
وصارت هكذا
يا زين يا زين يا زين ملقاكم ** لا يا بعد لا يابعد لا يا بعد حالي



كذا نصير قد انشأنا مشد للقصيدة


وأرجو انك تعطينا بيت اخر



اخوكم [/align]

لله درّك يابو خالد

صراحه اسعدتني كثيرا بهذه المشاركه ..

بيّض الله وجهك :goooood:

لي عوده إن شاء الله

[align=center]
استاااااااااااذنا الكبير

أبو خالد الجربا


و أخيراا نقدر نقووول ان مضيف المحاولات عاد يتنفس :)

و حطني معاكم بالصف ،،، بس ابغي اقعد قدام ما احب ورا

>>>> وحده مجتهدة :):):)

بس خلوا (( الذيب )) يقعد بعيد عني ،،، تراه يرغي كثير و ما يخليني اركز على الدرس :):):)


بصراحة ،،، لم يسبق لي أن كتبت قصيدة (( سماعيا ))

لازم اقطعها و اشرشحها :)


و هذي اول محاولاتي السماعية ،،،

و على الله تضبط :)



[poem=font="Simplified Arabic,6,burlywood,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يا هنا هنا هنا منهو يلاقيكم = طيب طيب طيبتكم طيّبت فالي

بيض بيض بيضٍ بالحيل أياديكم = عالي عالي عالي قدركم عالي[/poem]




و يعطيك ألف عااااااافية على الدرس القيم :)



الدهور[/align]

استاذي ابو خالد


كملت البيت الثاني لتصبح

يا زين يا زين يا زين ملقاكم *** لا يا بعد لا يا بعد لا يا بعد حاالي
و الله و الله و الله لا اجيكم*** لو بيني و بينكم الاف الاميال

رائع ايها الاستاذ المبجل
اسهل درس مر علي في تعليم الشعر مع اني بحثت في هذا الجانب كثيرا


هل تسمحون بالتحاق الطلبة المستمعين في صفكم

ان كان كذلك فاتمنى أن تقبلوني متابعة



تركواز :goooood:

[align=center]
مرحباً بمشرفنا الكبير ابوسلطان



وصولك يجعلنا نعطي اكثر واكثر






دمت بخير






اخوكم[/align]

[align=center]

الدهور




اولاً نرحب فيك في فصلنا المبارك <<< :thumb:


ثانياً ترانا في الفصل نعطي واجبات وارجو احظار دفتر واجبات



بالنسبه للمشاركة اقول الله يستر عليك و يوفقك فعلاً مشاركة جداً رائع اسأل الله لك التوفيق



مطلوب منك

يا هنا هنا هنا منهـو يلاقيكـم
.......طيب طيب طيبتكم طيّبت فالي

بيض بيض بيضٍ بالحيل أياديكم
........عالي عالي عالي قدركم عالـي



في الشطر الثاني من البيت الأول كلمة ( طيبتكم ) طبعاً المعنى حقها مو واضح لذلك تعيدينها اربع مرات :) كتابة
تغيرينها إلى معنى مفهوم شوي

اما في البيت الثاني الشطر الأول
كلمة بيض ثقيله على اللحن وانت لاحظيها إذا كررناه ما تجي مثل الأخريات في سياق اللحن


على المشاركه هذي نعطيك 2.5 من 4


ارجو ان تعجلين في كتابة الواجب




دمتِ بخير





اخوكم

[/align]

[align=center]

الذيب






الله الله عليك



جدا رائع تستاهل نجمه كبيره :goooood:




نعطيك 3.5 من 4




نريد بيت اخر الله يعطيك العافيه




دمت بخير ايها الطالب النجيب بارك الله فيك اخوي صراحه تشجعنا على بذل المزيد






دمت بخير








اخوكم[/align]

[align=center]

تركواز






اهلاً بك بيننا اخت فاضلة


ولكن نريد ان تعطينا موضع للبيت اللي يجي







دمتِ بخير





اخوكم[/align]

[align=center]استاذي ابو خالد

يوم مدحتن جبت بيتين :)

يا زين يا زين يا زين ملقاكم *** لا يا بعد لا يا بعد لا يا بعد حاالي
و الله و الله و الله لا اجيكم*** لو بيني و بينكم الاف الاميال
العين تسهر و روحي تناجيكم***و جسمي برى و النفس بإشغالي
و الفكر ماله جدى يا كود طاريكم***عزاه عزاه عزاه يا حالي

و يا عساك على القوه[/align]

ما شاء الله عليكم
أعرف ما أحد يصير شاعر بالقوة .

و لا اعتقد ان لي امل في ذلك و لكن لن يمنعني ذلك من متابعتكم .

فسأكتفي بالمتابعة .


تركواز

أستاذنا القدير

أبو خالد الجربا

نحيي فيك هذا المجهود الرائع بما يخدم مضايفنا

ويثري معارفنا المتطلعه نحو العلم والمعرفه

ويشرفني أستاذي أن انضم الى قائمة الصف .

[align=center]


هلاً بالجميع




بس ترا اي واحد يدش الصف لازم يجيب بيت لو كان مكسور ترا عندنا اسعافات اوليه







دمتم بخير






اخوكم[/align]

اقتباس:

---

المشاركة الأصلية كتبت بواسطة تركواز

ما شاء الله عليكم
أعرف ما أحد يصير شاعر بالقوة .

و لا اعتقد ان لي امل في ذلك و لكن لن يمنعني ذلك من متابعتكم .

فسأكتفي بالمتابعة .


تركواز

---

فقط امنح نفسك الفرصه

ثم بعدها اصدر الحكم :)

[poem=font="Simplified Arabic,5,black,normal,normal" bkcolor="transparent" bkimage="backgrounds/23.gif" border="double,4,gray" type=1 line=0 align=center use=ex num="0,black"]
كم وكم كم وكم من راس قوم له وطينا=ومن يكابر فحنا نقطعه بالصفاتي
عن وعن عن وعن عن.. إسأل التاريخ عنا=والجواب ينبيك فينا ويخبرك بالثباتي
في وفي في وفي كل الميادين صلنا=ومن نطحنا كسرنا رمحهم هو والقناتي [/poem]

ابو خالد الجربا ،،،

اسعد اللــه صباح مسائك بالخير والبركات ،،،

اعلاه تنفيذاً لمتطلبات الإلتحاق بهذا الركب المبارك
والذي آمل ان تقبلوني طالب معرفة لبوح شاعر عن مشاعره.. كيف !؟
مع العلم بأن تلك ماهي إلا شطحة شطحت بي الى هنا ولتأكيد مانفاه غير واحد ...

عزيزي ،،،
موضوعك في منتهى الروعة.. والإنتماء والتآلف.. بين المعلم وتلامذته ،،،
فأهم شيئ هنا هو التواصل والمصداقية لمن اراد فعلا ان يتعلم ،
فليس مولود عالم !! والتعلم لا ينتهي عند حد ؟؟

شكر الله سعيكم وسدد على دروب الخير خطاكم ،،،

دمتم .. ولكم التحيـــــــــــــــة ...

السلام عليكم

أولا عذرا عن التأخير

كنت في أجازه قصيره في الشمال.

وهذا انا كتبت مشاركتي في حل الواجب

وأن شاء الله يكون مستوفي للشروط المطلوبه.


كم قلتلك ياليت ياليت ياليت

ليت الليالي ماخلفت فيك ظني

دامك عنيد في وصالك وصديت

ولا ينفع المفتون كثر التمني

[glow=000066]

وانا ابي اشارك مع الجميع





هذي شكله سامرية
بس اللحن خوش



سبح سبح سابح .........
سبح سبح سابح .........
سبح سبح سابح ٍ يسبح بطاريكم

وغرق غرق غارق .........
وغرق غرق غارق .........
وغرق غرق غارق ٍ في بحر الصافي



يا سلام ممتعه وانا الظاهر فهمت الدرس





يا سلام[/glow]

[align=center]
مشاء الله


التفاعل اليوم ممتاز





اشكر المشرف العام على هذه اللفتة الكريمة والتشجيع المستمر





كما اني اشكر كل الطلاب الذي يريدون ان يتميزوا والذين يردون المشاركة



ونبدأ مع الأعضاء [/align]

[align=center]


راعي الوقيد



انت ممتاز بس ابي تعطينا زيادة إذا امكن ومشاركتك لك عليها 2,5 من 4




دمت بخير




اخوكم[/align]

[align=center]


سنجار





رائع بحق ونريد الزيده الله لا يهينك والدرجه 3,5 من اربعة










دمت بخير



اخوكم[/align]

السلاااااااااام عليكم



محاااااااااااااااااااضره تستحق المتاااااااااااابعه وتستحق انني اجلس بالصف الاماااااااااااااامي >>>>>>>>واحد يبغى يصير شاعر غصب


اخي الغالي ابوخالد يعطيك الف عاااااافيه على الجهود التي تبذلها وجزاك الله عنا الف خيرررر



ما قصررررررررررررررررررررررت

وابي اجهز لي عجينـــــــــــــــــــــه والله لايهينك سنعهاااااا بس هاه تراني ابيها جمررررررررررررررررررررريه



لي رجعه

هلا والله بمدرسنا الحبيب ابو خالد الجربا
وسمحلي ابي ادخل الصف
وترن جبت الواجب
هذهو [بس وداعتك يستاد تسثر انجم غدي ابو يقو عشت يوليدي ]

هلا هلا هلاهلا فيكــــــــــم

ومرحبا مرحبا مرحبا عداد منادى المنادي


وشكرم

راعي الفزعة

اسموحلي بالمشاركه هذه والظاهر اني باخذ 0%


انا بصراحه في شخص عزيز علي كتب فيه قصيده وادري انها مومزونه لكن ::



بابدا انا يابوفيصل باسم واليك /// رب البشر رب عزيز الجلالي

والثانيه سلام منا ياصل معاليك /// ولك يابو فيصل السلام متتالي

شيخ ولد شيخ ولافيه تشكيك /// وراث المجد من جداد وخوالي


(( هاه الظاهر اني باخذ -100% مو موجب ))

السـلام عليكم وتراها آول مشاركه لي بالمنتدى ككل :)
لكن حبيت اجرب حظي وسجلت عشان اكتب اللي عندي ولو اني شايف كأنه اخر مشاركه من تاريخ 23/8 ميلادي لكن بجرب :)


ياطيـر ريـشك تـالي الوقـت منتـوف ،، ماعـاد لـك ريـش ٍ تـحاول تصفـّه

إن قلتـها ياصـاح مافيـه مكـلوف ،، الناس عـافت من بقـى فيـه عفــّه

واللـيل والهـاجوس عـاطف ومعـطوف ،، واحد يـجر الآآآه وواحـد يكفّــه

ودمت سالما يالمشرف على هالموضوع الطيب
ونبي صبرك معانا وطولة بالك :)

السلام عليكم ... موضوع يستحق الشكر والثناء عليه تشكرون على هذا المجهود الطيب

ومنا إليكم هذه المشاركه الّي ما مثله ما تلاح ..



[poem=font="Simplified Arabic,4,black,bold,normal" bkcolor="transparent" bkimage="backgrounds/12.gif" border="groove,4,gray" type=0 line=0 align=center use=ex num="0,black"]
المسأله مسألتكم سؤالها هو سؤال
جوابها للمجاوب يجيب ردٍ عجيب
العلم علمٍ علومه تعلم ناس جهال
بالشعر شاعر شعوره شعر في امرٍ مريب
كتبها كاتب كتيبٍ اديب بعلم الخيال
نظمها ناظم نظيم بنظام وسمّوه اديب[/poem]

هلا ابو خالد
مشكور استاذنا الفاضل والله انك ابدعت بس ودك اطول بالك ترى المدرس لازم اكون طويل روح
ساريه بالليل هيا ماتهاب من الظلام====تقطع افجوج خوالي تصبح بارض السلام
سلمولي على الجربا ريت عمرة الف عام محترم وابن اصول وبالشعر يعطي علام
مشاركة متواضعه اقبلها مني
اخوك
مرزوق ابو الغنم الشمري الاردن

حيااالله الاخوان الطيبين! الله أكبر على هالموضوع الرهيب.. يعطيك العافيه اخي خالد.. و هاذي محاوله مني.. (اعطي نفسي -0 طبعا و السموحه)

من طرياك جاني عذب القصيد
تنشد عن القلب الي بلياك و كل عارف حالي
حاولت انساك يوم هقيتك خذيت غيري نصيب
لكن عز الله كل شي بخفوقي بان و الحب طرح قلبي صاحب المعالي
انت بس اطلب و انا اقول جاك و تجيك روحي يا معذب و مستعذب عذاب الوريد
من طرياك ارتعش القلب و الخفوق تعرى و انكشفت اشواقي و اسراري
قالوا علامك قلت لقيت أغلى حبيب
قالوا وين؟
قلت ساكن اب مكان جديد بين قلبي و شرياني

[align=center]

اقتباس:

---

ابو خالد الجربا
[align=center] 16-08-2004, 17:10

---

8
8
8
:wavey: المدرس هاللي فوق غايب ن منذو التاريخ اللي فوق وحنا بتاريخ هذا اليوم السبت 22-01-2005, 21:46
وترونن ابي اخصم عليه راتب شهرين كاملين هااه وش قلتو يالطلاب نخصم :rolleyes:

:p:[/align][/align]

[align=center]
نايف التومي


بنتظارك[/align]

[align=center]
راع الوقيد



ممتاز 4على اربعه



كم وكم كم وكم من راس قـوم لـه وطينـا
ومـن يكابـر فحنـا نقطعـه بالصفاتـي
عن وعن عن وعن عن.. إسأل التاريخ عنا
والجواب ينبيـك فينـا ويخبـرك بالثباتـي
في وفي في وفـي كـل المياديـن صلنـا
ومن نطحنا كسرنا رمحهم والقناتـي


الابيات هذي اللي انت قايل
صدقن هذا طريقه جديده لو يدريبه احد الشعراء كان يضرب عليها



مطلوبه كمل لك كم بيت [/align]

[align=center]
السد العالي







سبح سبح سابح .........
سبح سبح سابح .........
سبح سبح سابح ٍ يسبح بطاريكم

وغرق غرق غارق .........
وغرق غرق غارق .........
وغرق غرق غارق ٍ في بحر الصافي



ممتاز 3,90 على اربعة


يعني بس لو حاط

وغرق غرق غارق ٍ في بحر الصافي
لو انت مضيف على بحر
ويصير كذا
وغرق غرق غارق ٍ في بحرك الصافي


لحنه وشف[/align]

[align=center]راعي الفزعة


والله ودي


لكن لعلها بالمحاوله الثانيه


اسمحلي تراك راسب مع التحية :)[/align]

[align=center]مرزوق ابو الغنم الشمري الاردن





سلامك وصل يالاجودي



ولا هنت يالعزوه


والقصيده ماتبي كلام لكنها باللهجه الاردنيه يعني بعض الناس يظنها مكسوره لكن هي تبي لهجه [/align]

[align=center]عبدالله777



ياليت محاوله ثانيه على الطريقه اللي بالبدايه[/align]

[align=center]نواف المهلكي




إذا كان هذه كتابتك


فأنصحك تكتب قصيده


انت تحمل مواصفات الشاعر [/align]

[align=center]
فهد الاسلمي




هذي فلسفه اكثر من كونها محاوله شعريه [/align]

يعطيك الف عاافيه اخوي ابو خالد ولا هنت

اذا في كرااسي فاااضيه نبي ندحل ونشاارك معكم

والي طلع معي بيت وااحد بس وااجد علي بعد


يا ولد قم قم وقم جب الدلااالي.... الراس حن حن وحن يبي فنجااالي

شب شب وخل الشب يجي عااالي ....فح فح وفح الهيل بصفرا الدلااالي

صب صب وخل الصب يجي غااالي...مد مد ومد بكف يمناك فنجااالي

يؤؤؤ طلعت ثلاث ابياات مشاء الله علي

بشر كم بااخذ

يا ابو خالـــــد الجربا عســــاكم بخيــر وسند وسند لــكل محتـــار

وانضم قصيدي قصيدي لشانكم والله يسترماأجيب العيد بالإختبار

بالله ياابوخلد عطنا الملاحيظ وقيمنا