[align=center]السلام عليكم ورحمة الله وبركاته
اخواني الكرام اعضاء مضايف شمر الكرام
يشرفني ويسعدني ان انضم اليكم
وان اشارككم بهذه القصيده المتواضعه
متمنياً لكم وللجميع التوفيق
[grade="FF7F50 FF7F50 FF7F50 FF7F50 FF7F50"]البرتقاله
مشعل يقول الزين بالبرتقاله
معلقه وتزهي بساتين بغداد
اتركني لاهي بحالتي ولك( جماله)
واشهد بمعروفك علىروس الاشهاد
يا(مشعل)اترك هالمعنى ل(فاله)
لاتحاول اللي راح(ماراح)ينعاد
تدري بان الشعر هو راس ماله
ولوادي(عبقر)صادر وحين ورّاد
وقاله وهو تصفق يمينه شماله
ويضرب بيدّه(منبهر)فوق سجّاد
ومن انفعاله طاح منه عقاله
حاول بأنه يمسك النفس مافاد
من زينها هالناس صابتها حاله
كلٍ يهذري به صبايا مع اولاد
ودار(الريموت) واختصر في مقاله
يقول شوف (البرتقاله) بلا عناد
وقلت:امري لله وعزته مع جلاله
احاول اسلى وانت واقف لي مرصاد
وصدح بها (فنان)واقف بصاله
ولد سعد(علاء) اطربنا واجاد
يا(البرتقاله) حيل عذبتي حاله
خافي من الله وارحمي الناس الاجواد
لحظة(تطب) الملعبه با استماله
معها تميل الناس وتنهض لها بلاد
معها البنات كثار(وكنه) لحاله
اللي معاها (وقفن) صارن حياد
ياليتني ماشفت هكالغزاله
ظبيٍ (تذيّر) جافلٍ جاه صيّاد
في مثلها يحلى القصيد ومجاله
ولعيونها يكتب(غصب) كل قصّاد
رقّه عذوبه لين قسوه بدلاله
ياجامعه في حسنها كل الاضداد
عينٍ بها(الفرات) صافي زلاله
وعينٍ بها(دجله) ومروا بها (اكراد)
و الا الجبين اشرق وبارق هلاله
بعذر(العراق) يصوم من قبل العباد
يارمح (فارس)مابقى له سلاله
هكالقوام اللي يتثنى وينقاد
هذي تكون من البشر استحاله
(استغفر الله) حسنها عنهم زاد
ان شافها(عاقل) بدا به هباله
وان شافها(خبلٍ)ركز (مخه) وعاد
ماهي غريبه لو(تفرّد)جماله
مبطي (الحلى) في ارضها (طق) الاوتاد
قيس وذكر(ليلى) وهذي بداله
وهذي لها (قيس) بآآآآلاف الاعداد
بعذرك تقول:الزين (بالبرتقاله)
تزهي يا(مشعل) في بساتين بغداد
اخوكم
سليمان نويديس التمياط[/grade][/align]
