للعيون الناعسة واللي مانعست
[align=center]It's only for women
الموضوع يخص عيون الصبايا :) ,, أتمنى مايجينا تمساح ويقول إن عيونه ناعسة :)
باختصار ,, السالفة ومافيها ,, إن الموضوع كله يتعلق بحركة تجميلية خاصة بمكياج العيون ,, تخلي رسمة عينك كأنها ناعسة ,, ومعروف إن العيون الناعسة شكلها حلو >>>> إذا قلت ناعسة معناها ماهي ذابلة أو ميتن حيلها :)
المهم ,, عشان ماتطول السالفة وتعرض كعادة سوالفي :) بعطيكم الوصفة وأنتم ياحلوات جربوها ,,ولا خاب من استشار >>> معليش هالمثل خاشن عرض مدري وش جايبه هنا :)
الطريقة :
أول شيء تكحلين عينك بكحل قلم من داخل العين طبعاً ,, وزي ماقلت لكم قبل كذا ,, ماركة كاراجا حلوة لقلم الكحل أو كحل القلم :)
بعدين جيبي ماسكرتك اللي تستعملينها عادة >>> يعني الماركة اللي عاجبتك ,,مع إنهم يمدحون ماركة لانكوم ,, بس أنا والله ماخشّت مزاجي ,, أحس ريحتها بف باف :)
طبعاً المعروف إنك تستعملين ريشة الماسكرا عشان ترفعين رموشك لفوق >>> يعني يطلع شكل عينك زي الشمس والرموش هي أشعتها :) >>> ترى هالشكل مانشوفه إلا في رسمات البزارين ((الوغدان على قولتكم )) للشمس :)
لكن طريقتي تقول : لا ,, لاترفعين رموشك لفوق ,, حطي ريشة الماسكرا على رموشك من فوق وانزلي بها على تحت >>>>>>> الله من زين الوصف بعد :)
يعني خلي رموشك نازلة تحت مثل طريقتك في رسم الهدب اللي تحت العين .
وأهم شيء تركزين على الهدب الموجود في طرف العين (( من الخارج )) وتكثفين الماسكرا عليه وتخلينه نازل بقوة ,, لأنه هو اللي يعطي العين رسمة ناعسة :)
أما الهدب اللي تحت العين ,, ارسميه بشكل طبيعي زي طريقتك العادية ,,
وعشان ماتشتبك رموشك من الماسكرا كالعادة ,, مشطيها بمشط الأهداب بعد ماتمسكرينها أو تسمكرينها :) عشان ماتصير ناشبة في بعض ,,
وإذا كنت رايقة بقوة وتحبين خرابيط المكياج :) ,, فيه عند محلات التجميل بودرة الماسكرا اللي تنحط قبل الماسكرا عشان تمنع تناشب الرموش >>>> تقرب لتناشب الشوش :)
ولو إني مااقتنعت فيها لأني شفتها في السوق وحسيت إنها نصبة من نصباتهم ,, حاطين لك قطن مندوف أو منتوف بقوة :) في علبة صغيرة ويقول لك رشيها على رموشك قبل ماتحطين الماسكرا عشان يطلع شكلها طبيعي ,, مع إن المشط عندي أصرف :)
عقب هالحوسة كلها روحي شوفي عيونك إذا ماطلعت ناعسة علميني ,, عشان أعطيك حبوب منومة تخلي عيونك مغمضة من قوة النعاس :)[/align]
هلااااااااااااا يالريم معك الشمريه ملاااااك
والله من كثر ماعيوني مفضخه ماينفع به لا كحل لا مكيااااااج ولا حاجه
ابي حل لهعيووووووووووووووون شكلي بروح اصغرهن ابي عيوني ناعسه لا منومه
يالله العفيه محد راضي
