سلامٍ سلسلٍ سل السيوف وخاطب الوجدان..!!
[poem=font="Simplified Arabic,6,white,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
.
.
.
.
بسم الخافظ الرافع بسم القاهر الديان =وبسم اللي سبك سبع ورفعها دون عمداني
بدعت حروف ناقيها لها وسط الحشا ميزان=بدعت ولا عجزني قاف ولابالقاف كِسباني
سلامٍ سلسلٍ سل السيوف وخاطب الوجدان=تحرك في سما نبض القلم والحبر شرياني
خطى خطوة أسيرٍ بالحزن مبني على الحرمان=تعثر وانتصب حس(ن)كثر ما ارضيه زعلاني
يقول الليل ونجومه قمرها تو بعد مابان=وأقول العلم عند الله قدر مكتوب حرماني
على درب الرجا بمشي وعندي بالأمل سيسان=قناعه والثقه باللي خلق بالطين إنساني
أخذت من الفرح دانق شربت من الحزن كيسان=كسبت من الولي رحمه تعزز قوة إيماني
أنا مانيب يائس من هبايب نسمة الرحمن=لكن من شقا نفسي أشيل الصوت طرباني
أغنيها على بحور وبحورٍ مالها شطآن=وبحور(ن)موجها عاتي تحير كل قبطاني
ينادمني على اشجاني عذوب بحالتي شفقان=وهو حول الحمى يرعى وانا من قاصي وداني
أنا ماهمني هرج الحسود وكلمة السفهان=عزيز وحافظ(ن)ذاتي شطير السيف شاماني
أنا من راس قوم(ن)له على مر الزمن حسبان=ولا هانت قبايل ديرة التوحيد جيراني
ألا والخاتمه صلّوا على سيد ولد عدنان=رسول(ن)بالشفاعه خصّه الرحمن فهماني
.
.
.
.
.
.
.
.
.
خالد الشمري
دايم[/poem]
