:::::::::::::::ردي على ( الغازي ) الشاعر /عبدالله بن جعيثن الشمري :::::::::::::::::
اقتباس:
كاتب الرسالة الأصلية : الغازي
هي كما جادت بها القريحه...
امنيتي ان تعجبكم وتعجب من سيقت اليه.
[poet font="Simplified Arabic,6,silver,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يالله يالمعبود يامدير الافلاك
ياللي تعرف البينه والسريره
خالق بوسط البحر حوت مع اسماك
والبر ارسابه جبال كبيره
وخلاف ذا دنيت للخط فتاك
شيخ المواتر بالدروب العسيره
في فرضة الدمام نزل على الداك
توه من اليابان جانا بشيره
VXR فل ابشن من الربع ذولاك
اسيات جلد وعاج حطه خبيره
من بقيق حرك قبل وقت الامساك
عليه ذيب مايضيع بمسيره
قبل الضحى ينشر يالرياض يتعداك
مع السريع اللي يتمثنى عشيره
مر القصيم وحط بريده بيسراك
مع دايريها لاتفكر بغيره
مر القرايا اللي على الخط هذاك
ملفاك دار للطنايا نظيره
انشد عن اللي يزهمونه ببراك
قرم يهلي بالضيوف وقصيره
ماريته يالذيب لحيه ومسواك
وفي مجلسه ريح الدخون وعبيره
وليا تحفيته على جال مركاك
عطه الجواب اللي جعلتك وزيره
يابن الفريسي يافتى الجود ننخاك
مشتاق لك شوق المتيم لطيره
دعوة شرف دعوة كرم لاعدمناك
ياجعل يفدنك وجيه حقيره
[/poet]
[ALIGN=CENTER][/ALIGN]
[ALIGN=CENTER]هذا ردي على الاخ العزيز عبدالله جعيثن الشمري ( الغازي)[/ALIGN]
[poet font="Simplified Arabic,5,black,normal,normal" bkcolor="skyblue" bkimage="" border="solid,4,white" type=3 line=200% align=center use=ex length=0 char="" num="0,black" filter=""]
يالله يا يمقسم على الخلق الاملاك= تفقر غني الناس وتغني فقيره
والارض تسلكبه ينابيع من ماك= وتفلق بها حب النوات وشعيره
يا رافعٍ عن راعي الحوت بلواك= يا حافظٍ يوسف وحيدٍ بـ بيره
ياهادي اللي حط بالدرب الاشواك= بالقصة اللي مثبتينه بسيره
يا قاهرٍ ذولا وذولا وذولاك= يا عالمٍ في خاينات السريره
لسبع بسّـاطٍ ولسبع سماك= وخصيت ذكر جبالها مع بعيره
تفكنا من شر دورات دنياك= وليا سألني منكرٍ مع نكيره
واخلاف ذكر المعتلي جبت الابواك= الواحد اللي مالنا رب غيره
حي الكتاب اللي لفا اليوم براك= حيه وحيه عد ما طار طيره
واعداد ما طافت على البيت نسّاك= او عد اضعاف النجوم الكثيرة
حياك يا رجلٍ على العز حياك= حييت يا راع البيوت الشطيرة
وحظرت جيبٍ يابو غازي لعيناك = فوق الفخامة يطربك في صفيره
نبي عليه نرد قافك ومبداك= حق ٍعلينا بالبيوت الجديره
يا راكبٍ من عندنا فوق دكاك= لاهو بـ..لا سوبر ولا هو صغيرة
ثيرتي مع ثري هندرد لونه بلاك= آر .. إكس.. لكزس.. للدروب الغزيرة
مضللٍ كله تقل ليل حلاّك= ماله زوايا كلها مستديرة
لولا شكامينه خطر جاه تكاك= من الرساوة ما يتهزهز عصيره
حتماً مع الخط السريع يتعداك= سيلٍ تحدّر من عوالي محيره
اقطم حدب مستقعدٍ عنده الباك= افحج وعينه تحرقك في زغيره
افقم ليا مرك تقول يتحداك= مرفوع الاصطب منخنع فيه قيره
وسايده قدام صدرك ويسراك= عريض بابه والمرايا صغيرة
وحسّاس بالصدام قدمك ويقفاك= ومراتبه تاخذ مساحة كبيرة
يا شفت زولــه بالملفات يقـفاك= مثل العقيد ليا تفقد خفيره
خط المسار انحف من سلوك الاسلاك= من سرعته صاح الجرس في نذيره
فوقه غلامٍ للواليس فكاك= زودٍ على الخبره معه حسن سيره
من حايلٍ حرك عسى الرب ياقاك= يم العشير اللي ينومس عشيره
يا سايقه حذراك حذراك حذراك= من دون عبدالله جعيثن تديره
شرق ٍ توجه حروتك شط الاسماك= تشرق عليك الشمس عند السعيرة
في شايت الله ما نقرّب للإشراك= نخاف من نارٍ تميز زفيره
وليا وصلت بقيق حالك وملفاك= بالضبط تاصلها حوال الظهيرة
انشد عن الويبار ياجيت بهناك= بذيك الديار اللي بشرق الجزيره
ويا قلت وين فلان ثم قيل لك ذاك= رجلٍ تعرف المرجله في نظيره
عقب السلام ومصافح الذيب قل هاك= خطٍ من الجربا جواب تعبيره
يقول خطه من يميني ليمناك= وانا لبراك الفريسي سفيره
فحواه بالمظروف والاش يفداك= قيفان مسبوكه تقل سبك نيره
اجيك انا يالقرم وشلون منصاك= والله لو دونك بحورٍ غزيره
شرواك رجلٍ يبذل الطيب شرواك= لا هنت يا راع العلوم السفيرة
لو تفهقه يالقرم ياعل مولاك= يحماك من نار ٍ تزاود سعيره
وصلاة ربي عد ما ينبت الراك= على محمد صفوة الخلق خيره
براك الفريسي الجربا
[/poet]
[ALIGN=CENTER]وسامحنا من القصور يالغازي[/ALIGN]
