[ALIGN=CENTER]مع انهما عينان في رأس واحد
ولكن قد لايحتار أيّ منكم في الإجابة على سؤال ؟
أيهما أحبّ الى قلبك أبيك أو أمّك ؟؟!
لكنني أنا فعلا من تقع في تلك الحيره ..
هذه القصيدة كتبتها في والدي حفظه الله
وأهديها إلى كل محب لوالده
وأخص بذلك احد الأخوه الذي طالبني بقصيدة عن الاب :)
(( أرجو قبولها ))[/ALIGN]
[poet font="Simplified Arabic,5,orange,bold,normal" bkcolor="transparent" bkimage="" border="outset,7,orange" type=0 line=200% align=center use=ex length=0 char="" num="0,black" filter=""]
قصايدي بوالدي ياكثر تمريره=اعزف له الشعر بمرارٍ وبمراري
لا يابعد من سكن في برٍ وديره=ولا يابعد كل من مرَّو على داري
يامستشاري وزير القلب ومديره=ياحايطٍ روح روحي دار ماداري
فالي بوجهه بلا كفرٍ ولا طِيره=حُبَّه عدد ماصفق جنحانٍ وطِاري
حايز على الكاس لو حطّوه في سيره=متخالفٍ بالعطا بيمين ويساري
ليا حفظ سِرِّ كن السِرِّ في بيره=ياحافرٍ للبشر آبار وآباري
الدار من شوفته بأنواره منيره=وياسافر أظلَمْتْ لو شبّيت الانواري
الله يسقيه من كوثره تصبيره=ياصابرٍ صبر من سمّوه صبَّاري
ابوي شقلب ظلام ديارٍ لنيره=ياكثر ملحه ياشبّ النار بوجاري
سمّاه جاره ( كريمٍ محسن الجيره)=يافار قِدره فِقع: ( بصَوِّت لجاري )
ماجالسه عازف ولانافخ الكيره=بمجالسه دوم علم الطِيب له طاري
ياسولف بسيرة المختار ومسِيره=تدمع عيونه ويهِشّ القلب بالضاري
وياسولف بنجد تاريخه وتطويره=يبدع ويبهِرْك من زينات الاخباري
الخيل وإن شافها هلَّت تباشيره=يبكي ليا شاف هجنٍ وسط مضماري
ماهو بطمّاع ألا ياكثر تنثيره=وماهو من اللِّي يقيس الملك بأشباري
ينثر على الناس تبجيله وتقديره=يرحم صغير ويجلّ رجالٍ كباري
سيمَتْه في ضحكةٍ ماهي بتكشيره=ولاقابل اللي لفا داره بتكشاري
مِتعلِّمٍ ..فاهمٍ ..حيٍّ بتفكيره=اعلى الشهادات نايلها بالأفكاري
متقَدِّم القوم ومِن قِدِّم به الخِيره=ياخير من قِيل عِنَّه خير الأخياري
لابرَّر السالفه يازين تبريره=يقنِعكِ من غير تعقيدٍ ولا إصراري
ياقال لك صح .. قم وَرِّد على زيره=وصَدِّر ليا مِنْه لمَّح لك بتصداري
متميِّزٍ صعب تشبيهه وتكريره=الله يحميه من سيّات الانظاري
يَحسِدْه من كان في قلبه سنا غِيره=الله يحميه من شرّ الذي غاري
لا يالوجع خلّه بحاله ولا تديره=وش بك تولّيت زين الوصف بإدياري
يالله ياواحدٍ ذِكره بتكبيره=ياخالق النفس يارحمن ياباري
إحفظ سراجي ولا بي بالملا غيره=إحفظه من كلِّ تصريفات الاقداري
[/poet]
