بيومين من سنة من السنين عساهن مايعودن
هالخييييييييييير { تنطق بتخفيف حرف الهاء وتثقيل حرف الياء المتكرر... تحية الحائلي لافسق أو صار مستطرب}:D
هذا بسنة الف واربعمية وسبع طعش أو هي ثمان طعش والله مدري ايهن
قاعد بهكا اليوم ماعندي من الشيطان طاري بهالحزة اللي قبل المغرب بشوين
طرى علي اني ادق على خيي الكبير بيجر اشوف اخباره وعلومه مع هالمعهد اللي يدرس بوه .. والله وانا ادق بيجر بدون تفريعه لان التفريعة لي:)
المهم اني خذيت اخباره وقال والله ياهي تسكب الامطار عندنا
هو ماهو قال هالكلمة ... اثريه ثارت غريزة الشفحة عندي
قلت يابوخلود ابي اجيك ... قال ابرك الساعات ووالله يابو دلنج يجوزون لك بهاه ... قلت خلاص والله واتصل على الحجز ويعطونن الحجز ويوم صار بيدي
مدري وش اللي خلانن ارتخي وادق على اخوي بيجر قلت خلاص هونت .. لاياشيييييخ قلت هذا اللي صار عاد
والله واسكر السماعة واقعد افكر... عاد انا وش عندي ؟؟ وش وراي؟
قررت اني اشد الركايب يمه وكانت الساعة ست ونص والطيارة تقلع حروة السبع ونص دقيت عليه واتحرى اتحرى اتحرى مارد الرجال .. قلت مابدهاش ... الووووو هلا ماما انا ماشي للرياض قالت اصبرررررررررSTOP عندي بيدجان وقرون صرار ابيك تعطيهن خالتك فلانة ... لاوالله النشبة يابنت الحلال مايمدي قالت الاوالله بشفي ... وماخذيت ربع ساعة الاوانا بالبيت وآخذ الكراتين وللمطار مامعي الاهن وثوبي وشماغي هاللي علي ... وادخل المطار واول الغيث قطرة ... جيت عند سير الكشف على الامتعة وادخل الخضرة وعلى طلعتهن اشيل كرتون البيدجان واشيل الصرار والا يوم انفرط من حدر
ويغدي لك الرخام تقل حوض صرار:eek: ... أبي وأبي ليامار مااااااااش
الوجه انتثر مع هالصرار بالارض |513|:o
المهم انه مشت ووصلت الرياض ... ومانا وصلت؟
عاد ابلش وين سكن اخوي؟ مابقى الا اتلمس راسي هو بوه قرون ثوارة ولا لا
ومن مكتب لمكتب اتشحذهم تكفوووووووون ابي ادق بيجر قالو يالحبيب دعوانا على صنطرال(سنترال) انس انك تدق .. لااااااااوالله البلشة
والله واتكي على هكا الكرسي قدام مكتب بريد اصفق الخمس بالخمس مدري وش اعمل والعلة ان رحلة سبع ونص هي الاخيرة بكل يوم .
والله ويطلع لي حدى موظفين البريد قال وش عندك ياااااابوووووووو قلت دقة بيجر بسسسسسس وهاذي سالفتي... وليامار بين يابعدحي وجه اللص
قال تعال لهالكبينة سو به هاتس وهاتس وهي تظبط ... يالربع والله اني بغيت احب يدوه لهالفزعة
والله واسوي طريقتوه والياهذا صوت اخوي شبك الو الو الوووووووووووووووووووووووووووووووووووووو ووووووووو
اللي عندي بالكباين قامو يراعون غثيتهم ... اثرينن اسمعه وهو مايسمعن والمرة الاولى والثانية والثالثة وانا اصكه والعبرة تاكتن تك مدري وش اعمل
وساعة ونص واليا هالرجال ماهو غريب مقبل علي من بعيد واليا هذا اخوي
خااااااااااااااااااااااااااالووووووووووو وووووووووووووووووووووووووووووووود ... عزييييييييييييييييزززززززززززززززززززززز زززز
فلم هندي يارجال والله ان يباس عروقي راح يوم شفته ... اثري مقسم المطار معروف عندهم وهو فهمه وانا جاي من حايل هاللي مابه الامقسمين مغطياته كله
والله ونرتسب الليموزين ونمسك خط الديرة واليا الدنيا ماهو سيول على حتسيه الا غرق
وعندك وعندك اليااااااما طبينا هكا الكبري وياقف السير وحنا حدروه
الما حزته اليا ثلث الباب وتطول وقفتنا والما يسرسر داخل الموتر ... وكل واحد يعض شليلوه ونصير فوق تندة الموتر واليا اللي عازقنا حادث قدامنا
عاد اسمنا اللي انعزقنا بهالامطار ولاورانا اهل ولا شين وهي ترتسب كل واحدن منا جنيته ... ندف هذا ونخلي هذا لاشفنا موتر بوه زول حليل ننصاوه
الياااااما صرت فوق تندة هكا الموتر ومعي واحدن مدري وشو قمت ابي انقز على الموتر الثاني واليا التندة بالسما وصبة الكبري بالارض ... على وجهي الله لايوريكم ماورانن والخاتمة بوسط الما هاللي تقل قار .. وللمرة الثانية ينتثر وجهي بالما قدام خلق الله :mad: واللي مدري منهو معي .. طبعاً أنا اللي تعلقت بوه:D
العلم اننا صرنا بالشقة ونفل الحجاج هكا الليلة والنومة هي النومة
ماقمت الامن باتسر والا اخوي طالع واخوياوه وبوه ثلاثة ماعرفهم
دخلت عليهم توي قايم نوم اللي يشوفن يقول وش هالوجه اللي تقل ميقعة شويان واسلم لاقولة هكا الواحد نعممن انت؟! قلت فلان اخو فلان قال والله ونعم مار وش هالموانة اللي تخليك تنام على سريري ياخي؟
انا بهاللحضة ضاقت بي الشقة من برادة الوجه مدري وش اقول
واليا هذا رفيتس اخوي اللي جاء معوه للمطار البارح دخل والاياطلة اليسا هالطلة
قال الرجال اللي فشلن هلا فلان الله حيوه الا يافلان: هذا وش جابوه ياخي؟ يعنينن:confused: هذاك سكت ولاقال شين
واليامني حتسيت زرقن ولاقطع سالفتي :mad:
الياما قال شف وش وراك انت ياهيييييييه وانا ازرقه وهو يقول الثانية قلت وش وراي غير الجدار يعني بالله ؟؟ قال التفت ياثور!!!
والتفت واليا هذا صرد يمشي فوق الوسادة قال وشو هاه قلت صرد وشو يعني بالله؟
قال ادري انوه ماهو فيل الا وش جابوه ؟؟؟:confused:|513|:mad:
قلت والله قالو لي عنك بحايل ومابغيت اجي ماجيب لك شين معي لقيت هذا يليق بمقامك وجبته لك وكلمه مني وكلمه منوه وانا اقوم قلت الحشمة للعيال ولاوالله تسان ضيعت ملامح وجهك على الجدار يهالــ... .. طلعت انا وطلع وراي رفيتس خويي ومسكن عند نهاية الدرج يقول والله انوه حبيب وهذي طبيعتوه اعذروه .. وهو يحتسي نزل هذاك علينا وقال هذا لهالحين واقف ..تغلا انت و وجهك ياخي انقلع:mad::mad::mad: ... وانا اتفلت عليه وهذا واقف تقل جدار قدامي الياما نطحنا اخوي جاي وهو مار يترزن وبدون تفاهم يرجع بي للشقة ويقوم يهزء هذاك ويهزئن يقول خبييييييل هذا وهذا طبعوه .. قلت ماااااااااااااااشي وابي امشي لحايل ... قوه ابي المطار
قال العلة اربض ياشين انا ابي امشي لحايل بعد شوي على الموتر ومامعي خوي ... قلت اعنبوك مااخاوي الا انت ؟؟؟
المهم انه طلبن ومشينا جميع عقب صلاة العشا وحنا بالخط ساكتين اليااااما جينا القصيم
قلت انا وشلونك يالطبلون اخبارك؟؟ قال تنكت انت و وجهك ؟؟ قلت لعنبوبليسك انت اللي ساكت من اليوم قال ودي اسولف مار ادري اننا نبي نتذابح بهالسريع وغير كذا انا ماهضمتك؟:(:mad::mad::mad:
ياعيال البلا اني بموتره وهو خبل قلت له انا اللي هاضمك اجل ... ومن هالسالفة بدت السوالف وزانت وعرفن وعرفت ان قلبوه طاهر مار لسانه متبري منه
وصلنا حايل حول الفجر ويوم وقف عند بيتنا الا هذي وقفة الدورية ... قال خل ابي اتفاهم معهم لابوهم قلت يابن الحلال انثبر شوين لاتعميه وانا انزل واسلم على العسكري والا هكا الرجال شرواكم قال العذر والسموحة بس ابي افتش الشنطة .. بهالوقت خويي ساكت
واروح افتح الشنة من داخل الموتر ويوم اقبل عليه العسكري وهو يصكه هالعلة .. قال على كيف ابوك تفتشه؟؟ قلت اصصص يابن الحلال وافتحه مرة ثانية وهو يصكه والثالة وهو يصكه واتخانق انا وياوه على هالشنطة عند العسكري ... العسكري قام يتفرج علينا وتليته قال تعالو تعالو
والله وهو يطلع هكا الاوراق ويلفهن وهو يقول انفخو:D|513|
وحنا ننفخ ... قال انتم بكم بلا مار يالله القسم
لاحوووووووووول ولاقوة
البلا ان العلة قال معك معك والله لو تبي الامارة ... ويالله وبالله يخلينا العسكري عقب ماعرفه من خلال عمله بالصحافة
قال عاد العسكري افتح بابكم ياعبدالعزيز قدامي ... وادور المفاتيح الا انا مخليهن بالبيت ولاوالله العلة قال القسم الله لايهينك قلت ياااااارجل هذا والله بيتنا قال ابد ... واليا هذا ولد جيراننا على طلعتوه ... خبل ثالث صار
اقبل علينا ووش السالفة؟ قال له العسكري تعرف هذا (يعنينن) قال لا:mad:
وانا اتضحك ابيه يقول امزح ولاشين والا يوم قال الجار وش ببلاك تغمز؟؟
بينن اقول اعرفك يالحبيب وان صرت جاي تنطل بيوت خلق الله ؟؟
نواف .. لعنبوك ماهو وقت مزح ... قال وتعرف اسمي بعد
المهم اني ركبت ورا بجيب الدوية والا هذا ابوالجار على طلعته وهو يفزع والى اليووووووووووووووووووووم اقول لاعاده الله من روحة شر ومن هكا اليوم والرياض ديرة شر بعد عندي .
وآسف للإطالة
Re: بيومين من سنة من السنين عساهن مايعودن
اقتباس:
كاتب الرسالة الأصلية : (عبدالعزيز)
والى اليووووووووووووووووووووم اقول لاعاده الله من روحة شر ومن هكا اليوم والرياض ديرة شر بعد عندي .
توك تدري انه مدينة شر :D
عبدالعزيز : راجع لك اذا قريتوه :p
ماننحرم
Re: بيومين من سنة من السنين عساهن مايعودن
اقتباس:
كاتب الرسالة الأصلية : (عبدالعزيز)
والله ويطلع لي حدى موظفين البريد قال وش عندك ياااااابوووووووو قلت دقة بيجر بسسسسسس وهاذي سالفتي... وليامار بين يابعدحي وجه اللص
قال تعال لهالكبينة سو به هاتس وهاتس وهي تظبط ... يالربع والله اني بغيت احب يدوه لهالفزعة
-------------------------------
وجه لص وهو منقذك >>>>>قلت الخاتمه! يبو وجه تقل ميقعة شويان:D>>انت تقول!
[ALIGN=CENTER]^
^[/ALIGN]الله مايطق بعصا >>>>سلط عليك هالمهبل >>>>من زميل اخوك لولد الجيران>>>زين الاسم!
سالفةٍ مامثله والله ياابو العز ، الله مير يونسك مثل ماونستنا ،ولا له عاده تنام على سريرٍ مهو لك;)|116|
