يالضيغمي موتك قهر كل رجال
رحمك الله ياأبو نواف رحمه واسعه وأدخلك فسيح جناته إنه سميع مجيب الدعاء
وإنا لله وإنا إليه راجعون
لا واحـســـافـه والقـهـر والغـبـيـنــه 0000 مات البطل أبن البطل نسل الأبطال
لا والـذي عـلاك مـوتــك نـديـنـــه 0000 وشمر ترى تبكيك شيـبـــان وعيـــال
وحـائل تصيح صيـاح بيِّـح كـنينه 0000وسلمى وأجا تنّعى من الجــال للجــال
ومن شرق جبل سنجار لأطراف لـينـه 0000 ومنهو سكن ديرة ومن عـاش رحّــال
وكـل المـلا تبكي بـنفـس ِِحـزينــه 0000 يالضيغمي موتك (قـهـر كل رجّــــال)
المـــوت حـق وكـل نفـس بحينــه 0000 ولا نعترض حكمه على المال والحال
مار البلـى مـن مـات بأيـدي لعـيـنـه 0000 بغدر ماهو مقابل رجــال للـرجــــال
طـعـنـه ظهربالغـدر يزرع كـمـيـنـه 0000 ضحيته فــارس عن ألفيـــن خيّـــــال
لـو انـه أسـد لانـطـلـعـه مـن عريـنه 0000 ونذيقه من أفعاله على قـدر الأفعــال
وش حيله المغبــون وش فـي يـديـنـه 0000 لاصار مـن خانوه خاسيـن وانــــذال
تفرقـوا ولا بـان شـخــص بـعـيـنـه 0000 تـدسـسـوا مـابـيــن وديــان وجــبــال
يارب أبو نــــواف تجـعـل ضـنـيـنـه 0000 في جنّه الفردوس زيـنـات الأعـمــال
وتجعل له بقبره روضــــه حـسـيـنـه 0000 وتغسله من ذنوبه غسل وبل هطَّــــال
سعود فيحان السليطي الشمري
