الوسم ... والربيع

اخواني اعضاء شبكة شمــّر

الوسم راح يدخل يوم 20 من الشهر الحالي

على كلام احد الشيبان

انا اعرف وشو الوسم لكن فيه بعض الاعضاء مايعرفونه

لكن المشكله اني ما اعرف اشرح

وياليت اي واحد يعرف يشرحه على طريقة الشيبان يكتبه لنا


اخوكم

الغثه:p

بسم الله الرحمن الرحيم

مساكم الله بالخير جيتك وانا ولد ابوي


يابعد حيي هذا الوسم ياحيف والله من مشايخ فلة حجاج ولاتعرف تشرح الوسم

الله يكون بعونك


طيب وشأخذة من العلوم السنعه

يابعدي هذا الوسم اصلا من اسمه الوسم

تدري شلون ابي اشرحه

الوسم بختصار هو وقت طلوع الربيع يعني اذا مامطرت بوقت الوسم تصير الفياض محل (يعني ماتربع)
والله يجيب المطر


ووووووووووووشكراااااااااا لللللللللللللغثه

الغثه
ياخطيييييير صاير في علم الفلك تسولف

الوسم :):)

تحياتي لك اختك
شموخ

الاخ العزيز الغثه غالي والطلب رخيص لو انك غثه على الكبد ولكن من اجل انك بناخي ابشر
انا ابحث الحين في النجوم وااطولع وكنت انوي ان انزل البجث كاملاً ولكنني مشغول في الوقت الحالي والم انتهي من تكمله البحث ولكن بما ان الوسم على الابواب سوف نتحدث عن ذلك الموضوع


الوســـــم

يبدا دخول الوسم في 16/ اكتوبر من كل سنة ومدة 52 يوم
ويبدأ اذا دخل نجم العواء . ومدته 13 يوم ثم نجم السماك لمدة 13 يوم ثم نجم الغفر لمدة 13 يوم ثم يظهر نجم الزبانا ومدة13 يوم .

نجم العواء
بداية 16/10
ويعتبر اول الوسم وفيه يعتدل الجو في النهار ويبرد الليل
- مطره محمود
- ينبت الشيح والفقع والنفل والاعشاب البريه
- يستمر فيه غرس النخيل
- يزرع فيه البرسيم والبقول والخضار
وكانت العرب تقول اذا طلعت العواء طاب الهواء ، وضرب الخباء ، وكره العراء وشنن السقاء .
وتبداء فيه هجرة طيور الحبارى – الكروان ـ السمق


نجم السماك

وايامه 13 وبدايته 29 /10وهو يتكون من اربع نجوم وهو اخر النجوم الشامية يظهر في جهة الشمال تزداد برودة الجو في الليل تهب فيه الرياح الجنوبية امطاره غزيره باذن الله تبدأ فيه زراعة القمح والشعير تزرع البقول والخضار تسمد الاشجاروكانت العرب تقول اذا طلع السماك ، ذهبت العكاك ، واستقامت الاضاك . وقل على الماء اللكاك .ويقال ((لايطلع السماك الا وهو غارز ذنبه في برد ))



نجم الغفر

ايامه 13 وبداية 11/11وهو يتكون من ثلاثة نجوموهو اول النجوم اليمانية يظهر في جهة الجنوب تزداد برودة الجو في الليل ونهاره ولا يزال معتدل مطره ينبت الفقع بذن الله تستمر فيه زراعة القمح والشعيروكان يقولون اذا طلع العفر ، اقشعر السفر،وتربل النظر ، وحسن في العين الجمر.وتبدأ فيه هجرة القطا



الزبانا

ايامه 13 وبداية 24/11يتكون من نجمتين وهو اخر الوسم واخر الخريف تزداد فيه برودة الجو مطره ينبت الفقع تستمر زراعة القمح والشعير والخضار والبقول ويقولون اذا طلعت الزبانا احدث لكل ذي عيال شأنا . ولكل ماشية هوانا .


وهذه قصيده راشد الخلاوي في الفلك

قال الخلاوي والخلاوي راشد
عمر الفتى عقب الشباب يشيب
حسبت أنا الأيام بالعد كلها
ولاكل من عد الحساب يصيب
حساب الفلك بنجم الثريا مركب
يحرص له الفلاح والطبيب
فالى صرت بحساب الثريا جاهل
ترى لها بين النجوم رقيب
الىغابت الثريا تبين رقيبها
وإلى طلعت ترى الرقيب يغيب
وإلى قارن القمر الثريا بحادي
بعد أحد عشر عقب القران تغيب
وسبع وسبع عد له بعد غيبته
هذيك هي الكنه تكون مصيب
ومن بعدها تطلع وبها القيظ يبتدي
وتاتي بروق ولايسيل شعيب
والى مضي خمسٍ وعشرين ليلة
ثقل القنا من فوق كل عسيب
وتطلع لك الجوزا وهي حنة الجمل
وتأتي هبايب والسموم لهيب
وإلى مضي خمسٍ وعشرين ليلة
يطلع لك المرزم كقلب الذيب
وإلى مضي خمسٍ وعشرين ليلة
يطلع لك سهيل مكذب الحسيب
وإلى مضي خمسٍ وعشرين ليلة
تلقي الجوازي طردهن تعيب
وإلى مضي خمسٍ وعشرين ليلة
ليلة نهار وتجتلد وتليب
وإلى مضي خمسٍ وعشرين ليلة
لاتأمن الما صيبه يصيب



اخواني الاعزاء ارجو السموحه عن عدم ذكر المصدر حيث انني لازلت ابحث والم انتهي وبعض المعلومات تم تدوينها ولا اعرق مصدرها لذلك لم اشير الى مصدر معين حتى لاابخس حق احد . هذا والسلام

[ALIGN=CENTER]

موضوع قيّم


وقد اجاد اخي ابوعتيق بالتعليق الهادف


شكرا للجميع على الطرح

تقبلوا تحيات اخوكم الصغير

الراسي[/ALIGN]

[ALIGN=CENTER]

اقتباس:

---

كاتب الرسالة الأصلية : نايف التومي
بسم الله الرحمن الرحيم

مساكم الله بالخير جيتك وانا ولد ابوي


يابعد حيي هذا الوسم ياحيف والله من مشايخ فلة حجاج ولاتعرف تشرح الوسم

الله يكون بعونك


طيب وشأخذة من العلوم السنعه

---

هلا والله بنايف

بس يالغالي انا ابي احد كبار السن واللي يعرفون هم يقولونه لانهم اعرف


وانت ماقصرت يالغالي شرحت بس نبي شرح اكثر عشان تصير عندنا خلفيه


تحياتي لك


الغثه:p[/ALIGN]

[ALIGN=CENTER]

اقتباس:

---

كاتب الرسالة الأصلية : شموخ
الغثه
ياخطيييييير صاير في علم الفلك تسولف

---

هلا شموخ

نورتي

وبعدين انا عالم بس ماحد يدري

اسألي خلف عني

انا طال عمرك طالعن لخوالي اخيل البرق باي مكان;)


اسعدني مرورك


الغثه:p[/ALIGN]

الله يجعلها سنة خير عامه على المسلمين جميعا

العم / ابو عتيق

الف شكر لك على الشرح الطيب


تقبل احترامي وتقديري


اخوك


الغثه:p

تسلم يابو عتيق
ويسلم لنا اللي سبب بهالشرح الرائع اخونا الغثه

هلا والله اخوي بشير

شكراً على تفضلك

تقبل تحياتي


الغثه:p

هلا وغلا اخوي / سليمان الرشيد

نورت الموضوع بمرورك يالغالي


تحياتي لك

اخوك

الغثه:p

هلا اخوي / المهاجر

انشالله اكون تسببت بفائده لك


تحياتي الخاصه لك|118|


اخوك


الغثه:p