[poet font="Simplified Arabic,4,blue,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
اخواني اخواتي الغالين
عذراً على الغياب
بين ايديكم قصيده اتمنى ان تجد حيز من الرضا.
البـارحـه قلـبـي تغـنـى خـفـوقـه = ابوصفـك بـس اسمـعـي يعجبـونـك
طلـت جبينـك مـن دعتـنـي بـروقـه = مستمطر(ن) جيت ارتـوي مـن مزونـك
ينبـت لـك الخافـق وتثـمـر عـذوقـه = وامطر هماليلـي وفـاء فـي غصونـك
في شفتـك معنـى الغـروب وشروقـه = والخمـر ريقـك والبـرد مـن سنونـك
احيـان اقـول الجمـر نفسـي اذوقــه = واقـراء بهـا تحـذيـر لا يحرقـونـك
فيـك العسـل محفـوظ كامـل حقوقـه = واكبـر دلـيـل ان النـحـل يتبعـونـك
وخصرك مـن النسمـات ياخـذ ريوقـه = لو يعرف اهلـك مـن صغـر يفطمونـك
وعينك تسـوق المـوت مـدري يسوقـه = مـن طرفهـا كـل العـرب يشجبـونـك
وشعـرك سـواد الليـل حـاول يبوقـه = وطـاح بغياهـب هقوتـه فـي متـونـك
ودمـك اشوفـه لا جـرى فـي عروقـه = حتـى البـدر يظلـم اذا شـاف لـونـك
انتي مـن الجنسيـن صرتـي معشوقـه = حتـى الصبـايـا فـكـروا يخطبـونـك
والا الرضيـع اكبـر همومـه وشـوقـه = يرقـد بحضـنـك ويتـوسـد ردونــك
اركب بحور الشعـر واضـرب طروقـه = عجزت حروفـي بالخفـاء لاتخونـك !!
عليـك قلبـي كافـخ(ن) مـن سبـوقـه = امـا خـذيـت اعــدام او يعتقـونـك !
بينـك وبيـن الكـل شـاسـع فـروقـه = الحـور حتـى الـحـور مايشبهـونـك
لونـك قبـل عهـد الرسـول مخلـوقـه = ياكثـر نـاس(ن) يـا (غـلا) يعبدونـك
بساتين الورد لكل عين مرت مـن هُنـا .
[/poet]
