أمس شاركت بالبرنامج الأسبوعي..
[ALIGN=CENTER]
مسك معي الخط امس -على غير العاده- وقدرت اشارك بالبرنامج الاسبوعي ((اعطني حريتي أطلق يدايا))
واللي تعرضه قناة CNN بين ( العشاوين) :)
مقدم البرنامج بدأ بشي من الديمقراطيه.. وقال:
بما انك يامفتاح فورتين من الشيوخ ..ولك كلمتك فاننا نبي نعطيك اليوم حرّية ابداء رأيك بأي موضوع تبغاه..
وترى قيمة المكالمه علينا :) <<-- حتى الامريكان عندهم كرم:)
قلت ياملين الثانكيو اللي كبر جبهة كولن باول وانا عاد ابدا اتفلسف :
مع مرور الايام تبين لنا دلاخة بعض الناس وغباهم.. ومع مرور الليالي نكتشف ذراقتهم وانهم مايدرون هي بهم والا بالعباة..
واللي يقهر الواحد ان من بعض هالناس هالرخمة اللي يتحكم باكبر دول
العالم واقواهن ..اللي كل ماحس بالفضوة قش جيشه هم
وقنابلهم وقال مشينا نحارب الارهاب :cool:
http://www.aljazeera.net/mritems/ima..._57593_1_6.jpg
حق الاردن يقول لبوش: ترى اللي بفلّة الحجاج يحبون المزح:)
وبصراحه كلما اشوف فعول بوش يطري علي يوم حنا وغدان:)
كل ماجا وقت العصر مسكت على شي..يومن افلام كرتون.. ويومن كوره..
ويومن أتاري ويومن نتصيد طيور.. واحيان نتصيد ( لمبات) :D .. وعلى هالدقه، بس اهم شي ان وقت العصر مايروح علينا كذا..
عاد الرخمه بوش احس انه يعاني من كبت يوم هو صغير ويوم انه كبر قام يتفلّت على هالناس وكأن الشغله لعب بلعب !!
http://www.alipirouz.com/photos/bush.jpg
اللي بجنب بوش يقول: طال عمرك اللي تشوفه محارش مهو مفتاح14:)
(( اهبوا ما أتسذبكم:p))
صرت اكره هالانسان كره مابعده كره.. وحتّى اني ما اشوف الاخبار
عقب الغداء او العشاء مباشره ..والسبب خشته اللي تقول قرد(ن) دارع(ن) بلوه (قمردين):p
<<------------------------ مشكلته الوصف:p
وهالمروح من نظرة عيونه اكتشفت صفاتن واجد :
انه جبان..رخمه.. غثيث.. بثر.. تسذوب .. والاخيره هذي مار صارت مصلّعه.. لعنبوووه هو مايدري ان هالناس كاشفينه
هو وتسذبه والا بس علشان بلير يصدقه يحسب اننا مثله..؟!!:mad:
((مقدّم البرنامج يوم شافن تحمّست قاطعن وقال : كـلّش ولا التلعين ، ترىالتلعين ماهو منّا )) :D:D
قلت: امّا خلوني اقول اللي ابي والا تروني ابسكّر السماعه:mad: ..
ولو ماقام مساعد المخرج وحب خشمي كان ماكمّلت المكالمه :o <<--- حب خشوم بالتلفون ؟!! :)
وتـنحنحت بعدها بقوّه وأضفيت بشتي على كتوفي وقلت:
وبما ان هالسملقي بوش مستمر بطغيانه وقتله للابرياء بكل ديره.. فماراح نستغرب لو باتسر رثع بخوياه اللي يماشيهم من طقة بلير وامثاله.. وان شاء الله ان هالصداقه بينهم ماتدوم وانا متوقعن هالشي;)
.
.
.
.
طبعا ما انتهى كلامي لكنهم اعتذروا للمشاهدين وقالوا ان الاتصال انقطع وسمعت صوت كأنه يقول (طربق) :)
<<------------------- مازحلقوه أبد :D
والظاهر ان (طارق ريري سميث :) ) حقّهم ما أعجبه (صوتي) أو إنهم سمعوا اذان العشاء
عندي وقالوا مانبي نلهيه عن الصلاة :D:D:D
[/ALIGN]
