أول قصيده غزليه ( صبح وذهب ) بقلم خليف الجهيلي
[poet font="Simplified Arabic,4,white,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته
تحيه طيبه وبعد
اخواني وخواتي يسعدني ان اقدم لكم
قصيدتي ( صبح وذهب )
اهدا للجميع
ارجو ان تحوز على رضا الجميع
(( صبح وذهب ))
قلت ليلي برد وضلوعي حطب "=" كيف ابدفى واقبل أنصاف الحلول
كيف أحب .. وكيف أعيش .. وكيف أحب "=" ومهرتي ماهي مثل كل .. الخيول
لو أهز القلب ماطاح الرطب "=" ليت له درب(ن) وياصله .. الذلول
ليت قبري بين طيات .. الهدب "=" من يطول بوسط عينه .. من يطول
ومن يقول أني أقاسي .. ماكذب "=" والله انه ماكذب .. باللي يقول
المحبه هي كذا .. بليا سبب "=" من تصيبه قام يطرد كل .. زول
أزرع أدروبك ويحصده .. التعب "=" وأفرح اليا لامني لجلك .. عذول
مثل غصن(ن) يابس .. بوجه المهب "=" ماقدرت أصبر على ثقل .. الحمول
مابقى لي غير شرهات .. وعتب "=" زادت بقلبي مرازيف .. الطبول
نادر اللي طال من حب .. ورغب "=" ولايصيد الا القطامي .. الزعول
لوخجل من غرتك صبح .. وذهب "=" مايفوز بلذة الغالي .. خجول
أما أنك حامض(ن)ياأشهى .. عنب "=" أو يديني لك تطول .. ولك تنول
قال وقف .. لاتجي كلك .. غضب "=" ولاتحاول تسرج القلب .. الجفول
دام ليلك برد وضلوعك .. حطب "=" وش تقول أن جيت كلي .. وش تقول
اخوكم
خليف الجهيلي
[/poet]
وش تقول ان جيت كلي وش تقوووول
اللـــــــــــــــــــــــــــــــــ عليك ـــــــــــــــــــــــــه
صــــــــــــــــ الله لسانك ولاهنت على هالابياات الروعه ـــــح
والله يعطيك العافيه وماقصرت وانشاء الله نشوف الاكثر والاجمل منك
تكفى لاتنسى سجل اعجابي فيك وفي قصيدك :D
اخوك غالب اللويش (الهاجس)
