( نـــــــــــــــور الشمـــــــريه )
[ALIGN=CENTER]بسم الله الرحمن الرحيم
اخواني اعضاء وزوار منتدى مضايف شمر
السلام عليكم ورحمة الله وبركاته
اضع بين ناظريكم هذا النص املا ٍ ان ينال اعجابكم ورضاكم[/ALIGN]
[poet font="Arial,4,burlywood,normal,normal" bkcolor="transparent" bkimage="" border="inset,9,gray" type=0 line=200% align=center use=sp length=0 char="" num="0,black" filter=""]
ياهازم الاحزاب يامنزل الطور=يالواحد المعبود يالنافع الضار
ياخالق ٍ سبع السماوات وبحور=ياللي على الظالم قوي ٍ وجبار
ياحيث هذا بدين الاسلام مأثور=بديت بسمك ياحليم ٍ وغفار
ويقول منهو من خبر جاه مسرور=بين القوافي جوهر القاف مختار
الشمريه فعلها اثلج اصدور=علم ٍ لفوبه بين نشرات الاخبار
يالله عساك بجنة الخلد يانور=في جنة الفردوس في دار الابرار
يالله عساها بين جنات وقصور=يالله عساها ماتجي لاهب النار
في منزل ٍمابه سوى غيرها حور=في منزل ٍ حوله بساتين وانهار
الجادل اللي فعلها صار مشهور=حطولها نصب ٍ كما ضلع سنجار
حطو على نصبه اكاليل وزهور=يبقى على مر الزمن خير تذكار
وشعاد لو حنا كتبناه بسطور=وشعاد لو حنا مدحناه باشعار
خلو العذارى عنهم ترفع الجور=مادام حكام العرب تقبل العار
الكل منهم ياعرب صار مأجور=محد ٍ رفضها منهم غير بشار
واللي يقول انه على الحرب مجبور=قله تعبنا مانبي (خلق الاعذار)
ماهي علينا (تنطلي) كذبة الزور=حنا فهمنا ياخبيثين الافكار
فينا مدرس والذي صار دكتور=واللي مهندس والذي صار طيار
شعب العروبه ردد المجد مقهور=(حنا ولدنا احرار ونموت احرار)
ياما رضينا عنكم (نتقن الدور)=واليوم منا اسمعوا سر وجهار
السرج مايزهى على قبلة الثور=السرج مايزهى على غير الامهار
ارض العروبه مجدها مات مغدور=اسباب منهوللعجم صار سمسار
لا ياوطن عن سالف المجد ماجور=الله على اللي مننا فيك غدار
حنا غدينا من سنة (وعد بلفور)=هم قسمّونا في اقاليم واقطار
مرت علينا ايام وسنين وعصور=مثل الذبيحه بين كفين جزار
واللي علينا اعلن الحرب والجور=جاب الجحافل من بعيدات الامصار
يحق له يومه على الناس مغرور=مادام ماحوله من الناس مغوار
حنا فرحنا يوم مافاز (الغور)=اثره عباره عن نواقيس وانذار
ياكم واحد تحت الانقاض مقبور=سوى جرايم وصفها (سبق الاصرار)
والحرب لو هي بس اسابيع وشهور=تبقى سنينٍ منها نجرع امرار
حنا شبلانا دمنا دوم مهدور!!!=حنا شبلانا مانبي ناخذ الثار!!
ليه التقدم عندناصار محظور!!!=كل الامم ترسل صواريخ واقمار
متى عليهم ياعرب مره انثور؟؟= ونقول شجعان العرب جوك ثوار
مانسمع اللي بين الايات منشور=لو قاتلونا قاتلوا خلف الاسوار
ماكننا الا ننتظر نفخة الصور= والا نبي المهدي يجي يحرر الدار
اما وقفنا بوجه الاحزاب طابور=نحفظ وطنا من شديدات الاخطار
والا ترى ياللي عن الحرب معذور=يصيرلك مثل الذي عندهم صار!
حنا رضينا بدين الاسلام دستور=والله امرنا ننصر الدين والجار
منصور يابيرق هل المجد منصور=حنا نقوله كلنا كبار وصغار
ولا ياسلامي عد مانور النور=واعداد براق ٍ سرى وكثر الامطار
واعدادمابعد الفضا بان ديجور=واعداد مابعد الحيا فزّ نوار
واعداد ماندّىعلى الورد بلور=واعداد ماغرد على غصن الاشجار
سلامٍ ازكى من رياحين وعطور=وازكى من اللي في بساتين الازهار
وازكى من العنبر على عنق غندور=وازكى من اللي يمدحه كل عطار
للابة اللي منها الحلف مدحور=اللي على الهيجا صليبين الاشوار
اللي ليا ثار الدخن ماتبي شور=شمر هل الطولات وافين الاشبار
اللي شمالٍ للوطن كنها السور= ربعي الطنايا لابة الطيب والكار
جيش التحالف منهم هج مدحور= من لابةٍ سيفه على الظلم بتار
رجالّهم ياتي مع الناس ممرور=يرخص بعمره حين روغات الابصار
عاداتهم لو الزمن ظلم ودهور=صديقهم يسلم وتفداه الاعمار
ويالله ياوالي على كل مامور=ياللي على عبدك لطيف ٍ وستار
يالله طلبتك تحفظ الحال مستور=تحفظ وطنا من تصاريف الاقدار
وصلوا على اللي عنّه الذنب مغفور= المصطفى خير الملا خير الاخيار
..
..
..
..
..
..
..
يالله عساك بجنة الخلد يانور=في جنة الفردوس في دار الابرار
الكاسب
[/poet]
