عرض للطباعة
حياك الله يابو خالد
أجل أنت مع راي أبو عمر
يعني الضحك !!
كل شيء جايز
عندنا احتمالين الآن (( الضحك ,, مميز ))
بالنسبة لمضيف لنقد القصائد والتعليق عليها فأنا أضم صوتي لصوتك وأؤيدك بقوة
تبادل الآراء حول القصائد ونقدها يثري الموضوع وينشر الثقافة الصحيحة المتعلقة بالشعر النبطي
تشرفت بحضورك يابو خالدشكراً لك
شكرا اختنا ام زكي:)
قصيده لعلم ومبدع " ابن لعبون "
بالنسبه لكعكوع <<<اجتهاد شخصي
الكعكوع من الكعكعه وهي خفض الصوت والتريّث بظهور الكلمات
يعني ماتطلع الكلمه الا بطلعة الروح .... كنايه عن الحياء
وكـأنه يشحذ السوالف منها شحذه:)
عااااااااااااااااشت الجازي
وصح لسانتس يا ملي لاعدمناتس ولا عدمنا جديدتس
هلا بك يابو غازياقتباس:
المشاركة الأصلية كتبت بواسطة عبدالله الجعيثن
إذا أنت متأكد إن الكعكعة هي خفض الصوت والتريث بظهور الكلمات
فتفسيرك مقبول
تغريك في قولها حياء وثقل :)
يعطيك العافية يابو غازي
ومشكور على المرور
هلا وغلا بهالطلة يابعدياقتباس:
المشاركة الأصلية كتبت بواسطة شمـ حايل ـري
شرفتيني يالغلا
أبشركم لقيت الإجابة الصحيحة :7ayyoh:
قوقلت لما تقوقلت :)
واكتب كعكوع وتكعكع ومكعكع الله لايكعكع العدو :)
لما أخيراً طحت على منتدى
يتكلم عن مصطلحات كويتية (( كلام الكويتيين مالوت أول :) ))
وكانت صاحبة الموضوع كاتبة من ضمن الكلمات كلمة كعكوع <<< الله يالقيت كلمات تحبها قلوبكم :7ayyoh:
لقيت (( زبوط النقعة : وهو الشخص القصير ضعيف البنية :) )) ولقيت بعد (( غمنده : يعني اتفاق سري لعمل شرير غالباً :) ))
وكلمات كثيرة حلوة
بس المهم لقيت من ضمنها كلمة (( يتكعكع : وتعني يتضاحك والكعكعة هي الضحك مع إخراج صوت كع كع :) ))
وبما إن الشاعر ابن لعبون الله يرحمه عاش باقي عمره في الكويت معناها تأثر بمصطلحاتهم وأخذ منها واستخدمها في أبياته !!
وبكذا تكون الإجابة الصحيحة هي إجابة أبو عمر والاصمعي :mabrook: <<< داخلين مسابقة على غفلة :)
بس تبون الصدز هالكعكعة مخربة البيت !!
وشلون تغريه وهي تكعكع والكعكعة لازم يطلع معها صوت كع كع أحسها ماصلة شوي :)
لكن للناس فيما يعشقون مذاهب :)
شاكرة لكل من مر وحضر وشارك في هذا الحوار المثري وعسى الله يخليني لكم عشان أقوقل وأجيب الإجابات الصحيحة :7ayyoh:
واضح ولا يبي كل هالقوقله:)
المهم يعطيك العافية يالقديرة
ويسلم ذوقك اللي حرك كل الاذواق.
اقتباس:
تغريك في قولها كعكوع = يعني قولها الضاحك
اقتباس:
الكعكوع واضح من سياقه!
لذلك سأترك الجواب عليه!
لأهل الحاضرة!.
اقتباس:
المشاركة الأصلية كتبت بواسطة عبدالرحمن
وين هالكلام يوم العرب كلهم منعفسين وكلٍ يدلي بدلوه ولا لقوا من يصحح لهم !!؟
الحين تجي تقول مايبي لها قوقلة
طيب كان فزعت من الأول وريحت روسنا :)
أبو يوسف هالكلام مايمشي عندي
وترى الجهل بالشيء مافيه شيء
ومن قال لا أدري فقد أفتى
<<<<<< إلا غصب مايدري :7ayyoh:
حياك الله يابو يوسف
وماهي بعيدة يكون عندك خبر عن معناها بحكم إقامتك في الكويت
بس ليتني دارية من الأول إنها كلمة كويتية كان سألت ريومة وفكتني من هالدوخة ولا أدوخت الربع معي :)
الجازي معذرتن على التاخير
انا الحقيقه مريت الموضوع مغرب امس ومابغيت ارد وقلت ابي افكر بهالكعكوع :)
وبالنسبه لقوقلتس وبحثتس وماجيتي به من معنى لهذه المفرده
ماني مقتنع بذلك
وعندي تفسير مغاير
انا اقول ان ابن لعبون وعشقته ومن خلال لقاءاته معها وكلامهم
هي اما ان تكون حاجه مع عشقته من مايلبسنه الحريم
او عليها من وشم متسان جرح اي شي واتوقع ان محله باليد لان الشطر اللي بعده يوضح صفة ومكان هالكعكوع
او انها مره اخطت عنده بتقول كوع قالت كعكوع وجازت له هالكلمه وصار يكررها عليها وقامت تغنّج هي بهالكلمه :chinese:
الملوّن بالوردي انا اميل اليه لان لو ترجعون ل ابيات القصيده تلقون الشطر الاول يقول شي
واما يأكده او يصفه بالشطر الثاني :thumb:
الجازي منوّره المنقول بهالمشاركه الثريّه ووجودتس هنا مكسب للمضيف
لاخلى ولا عدم
اما بالنسبه لاقتراح اخوي الاصمعي بوجود مضيف يهتم بـ مناقشة القصائد المنقوله واخذ الاراء حول بعض المعاني فـ اني اشد على يدك واضم صوتي لصوتك
الجازي شكرا
^
^
أفااااااااااااا
بدا يدخلني الماء !!
لاتخرب فرحتي بهالاكتشاف العظيم :)
الشطر اللي بعدها يصف شيء ثاني مختلف
لو لاحظت معي تدرّجه في وصفها بدأ بخدها ثم وصف طريقة كلامها وضحكها ثم وصف خواتمها !!
ما أعتقد إنها تحتمل أكثر من كذا !!
حياك الله يابو نورة لاتأخير ولا هم يحزنون
قاعدين نرمع بهالكعكوع لما جبناه :)
شكراً لحضورك