لا تلومني لاجيت كلي من اقصاي
لاتلومني لاجيت كلي من اقصاي
مافيه غيـــرك لاتضـــايقت جيته
جيتك ولاغيرك ذكرته بمسراي
جيتك اقـــول مفارقك ماقويته
جيتك وان ماني بأنا تايه الرأي
جيتك وانا مدري وشلي بغيته
جيتك وقلبي دقته تسبق خطاي
جيتك اقول مفارقك ماقويته
ان مر يووم بالعمر منت وياي
اشتاقللك شوق المسافر لبيته
مثل الهوى تحتاجه الناس والماي
يحتاجلك قلبن هواك وهويته
انت الوحيد اللي يرد بسمة شفاي
وانت الوحيد اللي بروحي فديته
دامك معي ماقصر يوم دنياي
دامي خذيتك وش بقا ماخذيته
واكان تنشدني بعد ليه انا جاي
ابشر برد يقنعك لاقريته
جيت اعترف بالفرق ياخر مناي
بينك وبين اللي عشانك جفيته
إني ليامن جيتلك همك رضاي
واني ليامن جيتله مالقيته
