فجٍ خلا لاضاق صـدرك علاجـه=يغنيك عن بعض المجالس والازعاج

[align=center],

,

,

[poem=font="Simplified Arabic,5,#FF9A00,bold,normal" bkcolor="#121201" bkimage="" border="none,4,#400000" type=0 line=0 align=center use=ex num="0,#400000"]
دار الهواء فوق الشجـر بندراجـه=واناهجوسـي تتبعـه كـل مـاراج
القلـب نسمـات العليـل ابتهاجـه=والفكر خلتـه الدواكيـك مسهـاج
فجٍ خلا لاضاق صـدرك علاجـه=يغنيك عن بعض المجالس والازعاج
سحابـة البـارح قفتهـا عجاجـه=يلعبها صلف الهواء مثل الامـواج
هبت هبـوب مدوريـن اللجاجـه=يفرح بزلة صاحبـه كـل هـراج
من غير سبه عاقـدٍٍ لـك حجاجـه=لو إن ماله مع هل الطيب مـدراج
اثر العوج دايـم يحـب العواجـه=لو ينعدل يرجـع لساسـه وينعـاج
مايستوي طعـم القـراح وهماجـه=ولا يستوي نقع الصفا مثـل هـداج
الله ولا منـة محسـب خـراجـه=شين اللغا ومن البطر لابـسٍٍ تـاج
والله مايذبحـك يـاكـود حـاجـه=لاصار في وجهك حيا وانت محتاج
لللعسر يسـر وللهمـوم انفراجـه=يجيلها من والي العـرش مخـراج
ارفـع يدينـك للسمـا ثـم ناجـه=يظهرك لودونك شرابيـك واسيـاج[/poem]

للشاعر القدير مجعد متعب الخميلي الرشيدي[/align]

صح لسان الشاعر




لاهنت على النقل