راكب اللي تسوق الكور بمتونـه
بنت حر ٍ عريب الساس نعمانـي
مثل شب أشتعال الجمـر بعيونـه
السفايف يلوقـن فـوق الأمتانـي
أركبه يسألونـك مـن يشوفونـه
قل لشمر وعـد الهـرج بلسانـي
يا الطنايـا حيـاة اليـوم ملعونـه
بالجزيرة صفيتوا تقـل جيرانـي
داركـم لعـن أبوكـم لا تخلونـه
مشترينه بـدم أرقـاب صبيانـي
يوم كنتوا حياض الموت تردونـه
ما سكن به صديق بجلـد قومانـي
السطر والمراجل كيـف تنسونـه
كيف الأول تحول وأنقلـب ثانـي
لا وعايـد ولا غيـاب ترجونـه
صابرين ٍ نشوف الصبر حقرانـي
البنـادق عليـش اليـوم تشرونـه
حاربوا وأذبحوا به بعض الأركاني
درهـم الشيـخ والزهيـد يتلونـه
حلو قفوا الطنايا صوت فرحانـي
لذته كـان كثـر الذبـح بركونـه
مثل نجد ٍ جرابه ذبـح الأخوانـي
وكان قلتوا تهون المشكلـه هونـه
من تجر بالمذلـه دوم خسرانـي
أن فعلتوا عملتـوا مـا تريدونـه
هذة العرضة للشاعر الكبير عبدالله الأشقر ( رحمه الله ) من شعراء حائل يقول :
ياعيـال شيلـوا مابقـا عـمـر طـويـل كــلــه عــمـــار وافـــــي ديـانــهــا
اللـي جـعـل لــي لابــه مـالـه مثـيـل عـوج المـراكـض لاسـمـك دخانـهـا
نسطي على الموت الحمر والله دليل والــروح لـــه رب يـقــوم بشـانـهـا
الى سمك عـج الرمـك مثـل المخيـل ساجـت وراجـت وأشعلـت نيرانـهـا
كلـه علـى عيـنـك يالـحـس الطويل حـنــا هــلــه لادنــقــوا شـردانـهــا
لعيون مركوز النهـد ضـاف الجديـل نـــرد المـنـايـا لاحـضــر مـيـدانـهـا
ناتي كما سيـل علـى الـوادي يسيـل غوش ضحـى الهييـة تجـر اردانهـا
[[ نـحـمـد الـلـه ]] : ـ
نحمـد الله جـت علـى مـا تمـنـى
من ولي العرش جزل الوهايـب
خـبـر الـلـي طـامـع فــي وطـنــا
دونهـا نثنـى لـيـا جــا الطـلايـب
يا هبيـل الـرأي ويـن انـت وأنـا
تحسب ان الحرب نهب القرايب
واجــد الـلـي قبلـكـم قــد تـمـنـى
حـربـنـا لاراح عـايــف وتـايــب
انهـض الجنـحـان قــم لا تـونـى
بـنـكـلـهــم دروس وعــجــايـــب
كان ما نجهل على اللـي جهلنـا
مـا سكنـا الـدار يــوم الجـلايـب
دام فيـصـل يـزهــم الـكــل مـنــا
فازعـيـن كــل صـبــي وشـايــب
لامشـا البـيـرق فزيـزومـه انــا
حنا هل العادات واهل الحرايب
ديــرة الاســـلام حاميـنـهـا أنـــا
قاصـديـن دونـهـا كـــل شـــارب
كـان رب السمـاوات امرنـا
ونستعينـه مديـر الهبـايـب
نطلبـه مايخـيـب سفـرنـا
ياكريـم(ن) جزيـل الوهايـب
كـان يسـر سفرنـا وسرنـا
واعتلينـا ظهـور النجـايـب
من قفـار(ن) وحايـل ظهرنـا
مـا نفاكـر بوقـت الحرايـب
كـم صديقـن يطيـح بنحرنـا
والدخن مثل صفـق الهبايـب
كم صبـي(ن) لقلبـه جمرنـا
نجدعه بين عـوج الصلايـب
كم حصان(ن) لرجله هجرنـا
مايشـم الامهـار العـرايـب
كم خصيم(ن) لجمعـه دمرنـا
نجعلـه للهنـادي ضـرايـب
يانويـديـس مــارد ثقـرنـا
مانبيعـه لقضـب القضـايـب
كان امرنـا الولـي واحتزمنـا
فزعة(ن) بـه نسـر القرايـب
مع مضيق الشعيـب انحدرنـا
مع طلال(ن) صعوب الحرايب
كان عن عضد حرب(ن) وسرنا
واحتزم كل صبي(ن) وشايـب
نعجـب اللـي بعينـه نظرنـا
بالوغى دون شقـر الذوايـب
نحمـد اللـي عليهـم نصرنـا
بالوعايـد ولاهــو بغـايـب
تايـه الـراي ياللـي حربنـا
ماتشـوف الديـار الخرايـب
ماينـاظـر بعيـنـه لثـرنـا
كم خـلال(ن) نحطـه نهايـب
ماسمعتـوا سـوالـف بقلـنـا
يامخارب على غيـر صايـب
والوعد خامس(ن) من شهرنـا
يامـدور لـعـوج الطـلايـب
ييسرني أن اهدي أليكم هذه القصيدة(عرضة) للشاعر/ محمدالعوني
بــ الأمير / عبدالعزيز المتعب وهي من القصائد النادرة
راكبٍ فوق حمراً بنت قطعيّه
كنها الطاير اللي عقب ماجاعِ
كنها الطاير الهايف من الطيّه
لاتصايف عشاه وجاه مرياعِ
من بنات الجمل وامه شراريّه
بالرسن طوع وهي بالراس مطواعِ
سر وتلفي لاهل حايل عموميّه
لابتي بي نهار الكون قطّاعِ
يوم نار الوغى باليل مبنيّه
والمشبّب لغال العمر بيّاعِ
ويل من داسته شمّر برجليّه
واستدارت عليه بقاسي القاعِ
عادةٍ شمرٍ تجهر مساطيّه
ماتدور الطمع نهار الاطماعِ
صاح عبدالعزيز بتالي الهيّه
مثل حرٍ شهر للصيد فدّاع
يوم ركب الجواد وصاح واويّه
اودع القوم طليانٍ بلا راعي
وأن قعدتوا خسرتوا هاف بستانـي
من قصائد الشاعر / فهد الفويه (عرضة)
راكب فوق حمرا تهذل اهذالي ...
حرة(ن) تقطع الديان مامونه
فوقها واحد(ن) ماهو بذلالي ...
دون صبيان حايل لاتعوقونه
لاركب شيخهم من فوق مشوالي ...
حلو نقل الموازر يوم يتلونه
يوم ثار الدخن والعج ينجالي ...
والفشق مثل مزن هلت ركونه
جوك شمر هل الردات صوالي ...
ويل منهو بوجه الربع ياطونه
اهل مغيضة يمين وجوك صوالي ...
من نوىحرب اخو نوره يحربونه
واهل لبده يسار وجمعهم عالي ...
عادة راس شيخ القوم يهفونه
وآل الاسود مدرب كل ذلالي ...
ينثرون الحمر ماعاد يرعونه
كتبوا بالبيارق كل جهالي ...
شيب عين الذي غلبا يلاقونه
دارنا دارنا حنا لك عيالي ...
من بغى دارنا بالسيف يهفونه
دون حايل نسوق العمر والمالي ...
ولجل حايل نشيل الراس ومتونه
راكب فوق حر(ن) يذعـره ظلـه
مثل طيرن كفخ من كـف قضابـه
ماحـلا فزتـه والخـرج زاهلـه
والميـارك علـى متنـه تثنـابـه
من اسكاكا تنحـر واتـرك الذلـه
واحذر الخوف هاجوس(ن) تمعنابه
سير لشمـر وخبـر لابتـي كلـه
لابتي باللقـى يـاوي مـن لابـه
انح وادي وابو عافـت بعـد قلـه
يانهـارن علـى الجوبـه تحلابـه
والدخن فوقنا كـن الدجـى ظلـه
الرويلي وابـن شعـلان واقرابـه
دريوا انّـا قليلـن وابتغـوا خلـه
وارتكينـا بعـون الله واحجـابـه
ما نعرف الضحى من كثر خلق الله
وين شمرهـل العـادات والجابـه
وين مطني وعبـاس وربـعٍ لـه
ويها كربـة(ن) لـوان لهـا لابـه
وانخ هايس وبرجس هو وجندلـه
وانخ عبده ليامن حـل ضبضابـه
وانخ راعي المليحه لاتساهـل لـه
وانخ شمر وعظ الصوت يدرى به
وانخ فهران اخو رفعه رمـح لـه
لا التقى بالملاقـا كـف قضابـه
وانخ ضاري والاسلم هي تجي كله
اخو صلفـه اليامنـه كلـخ نابـه
وانخ سنجار وقاسم ساتـر الخلـه
وانخ غضبان ابو علوش واقرابـه
وانخ اخو شاهه المغوار وافطن له
وانخ مطلق مع التومـان واقرابـه
وانخ عدوان ابو ممدوح وربع لـه
يرفع الصـوت للغلمـان بالجابـه
وانخ عايد وابو عصمـان جاحلـه
وانخ شيبان شمـر وانـخ شبانـه
دارنـا دارنـا كلـن بغـى ظلـه
دار ابو متعب(ن) بالسيف عيابـه
لابتي حية(ن) رقطى وسبـع لـه
لمسهـا هينـن والسـم بأنيـابـه
ان حربنـا وحنـا للعـدو عـلـه
وان صحبنا كما السكـر وشرابـه
وهذي وحده ثانية بعد الانتصار بمعركة الخنيسي :)
يالله اني طالبك وانت الرجيبـةنستعينـك بالفـرج للمقبلاتـي
الخنيسي قبلنـا كلـن يهيبـهمايطبه واحدن يرجى الحياتـي
طبٌه اللي كل ابوهم من صليبهفعل اهلهم بالسنين الماضياتي
طبٌوا الصفران مع مجنب شعيبهواليمن يبرالهم هرجن ثباتـي
والخليبص مايحملون الغليبـةوردوهن فوق حيلن مكرماتـي
والهيافا جمعهم كلـن دريبـهماتناثوا عن جموع موقفاتـي
ذيب ياللي بالخلا نوحي طنيبـهالعشا بخنيس وقصور البناتـي
كم صبيا ً طافحا مغويه طيبـهمايحسٌـب للمنايـا والحياتـي
ليتكن يالبيض في راس الجذيبهتنظرن بعيونكن هوش العصاتي
ذابحين تسع مية مع صويبـهيبحل الدكتور من كثر الدواتـي
والفخر لعقاب زيزوم الحريبـهعند شمر يعتفر مثل الزناتـي
يقول الامير عبيد الرشيد
كـان رب السمـاوات امرنـا
ونستعينـه مديـر الهبـايـب
نطلبـه مايخـيـب سفـرنـا
ياكريـم(ن) جزيـل الوهايـب
كـان يسـر سفرنـا وسرنـا
واعتلينـا ظهـور النجـايـب
من قفـار(ن) وحايـل ظهرنـا
مـا نفاكـر بوقـت الحرايـب
كـم صديقـن يطيـح بنحرنـا
والدخن مثل صفـق الهبايـب
كم صبـي(ن) لقلبـه جمرنـا
نجدعه بين عـوج الصلايـب
كم حصان(ن) لرجله هجرنـا
مايشـم الامهـار العـرايـب
كم خصيم(ن) لجمعـه دمرنـا
نجعلـه للهنـادي ضـرايـب
يانويـديـس مــارد ثقـرنـا
مانبيعـه لقضـب القضـايـب
كان امرنـا الولـي واحتزمنـا
فزعة(ن) بـه نسـر القرايـب
مع مضيق الشعيـب انحدرنـا
مع طلال(ن) صعوب الحرايب
كان عن عضد حرب(ن) وسرنا
واحتزم كل صبي(ن) وشايـب
نعجـب اللـي بعينـه نظرنـا
بالوغى دون شقـر الذوايـب
نحمـد اللـي عليهـم نصرنـا
بالوعايـد ولاهــو بغـايـب
تايـه الـراي ياللـي حربنـا
ماتشـوف الديـار الخرايـب
ماينـاظـر بعيـنـه لثـرنـا
كم خـلال(ن) نحطـه نهايـب
ماسمعتـوا سـوالـف بقلـنـا
يامخارب على غيـر صايـب
والوعد خامس(ن) من شهرنـا
يامـدور لـعـوج الطـلايـب
راكب اللي ربعّت ما بين سراء و السمار
مرتعه بين المسمّـى و ضلـع ذريعـاه
حرّةٍ من حرّةٍ و حيلّوهـا عـن العشـار
ما تداني راكب الكور يـا هـاز بعصـاه
راكبه حط المدّرة على الكتـف اليسـار
و لا بداء لك خشم سابل توصّل لي وصاه
لساكنين الحامريـة إليـا هضبـة عيـار
إليا جبال الجرهدي و الشعيب اللـي وراه
لمن حمّوا غيـدٍ تنافـس بتقديـم الثمـار
طاولت صايد و الأدشـاش غيـدٍ باسقـاه
و فوق شقص الجد عيسى لهم خير الديار
لهمزان العود الأول و أبـوه اللـي وراه
و سابقاً تاصل ديرهم إليا جبـال الخـدار
يوم دور جذيـل الأول ببطحـاء وارداه
و محتمينٍ مـا تبقّـى بعجـلات المثـار
ربع أخو فهده و دعسان زيـزوم الرمـاه
ذربة أولاد الجذيلي على المخطي دمـار
كم غزيوٍ هامهـم فرقـوا جمعـه وبـاه
زارهم عـواد ليتـه توقّـع و أستخـار
و أعلفته ضبعة الحار هزلاً مـن جـراه
و زارهم عايض عقيد الهجن يبي البكـار
من تفق نايض شكى الكف و جموعه خذاه
لابتي لا من تناخوا بعيسـى و الجـوار
و اللحيسة و الكسابة و ما فـي مستـواه
و حضريّه و الحشوكي و مسعود و عرار
و كاملٍ و أولاد عدي و مناصير الدهـاه
و النوالا مع ربوع بن دهمـي كالزيـار
مع معاضيد و عقب زيد تنحّى من بغـاه
و الجذيلي و آل محمد بعجـلات المثـار
لا أحتموا دون المحارم و غيـدٍ راسيـاه
لابتـي والمعانـي رزينـه
مثلكـم ماوجـد بالعبـادي
لابتي نـور كـل المدينـه
الطنايـا حـرار الهـدادي
لابتـي كلـكـم عارفيـنـه
شمر اهل الوفـا والمبـادي
عنهم الضد تقصـر يمينـه
يـوم ردا البـرا بالهنـادي
مثل وصف الدروع الحصينه
للمظاهيـر يـوم الطـرادي
كان باقي من العـز عينـه
اسمعوا وش يقول المنـادي
عشقتي حال بينـي وبينـه
يامرامـي وغايـة مـرادي
دوروا لي هوى البال وينـه
قبل عمري يجيـه النفـادي
ياوجودي ونفسـي حزينـه
وجد من طاح بين الاعادي
اول الحـب كلمـه ثمينـه
كيف تال الزمن صار عادي
انتقاضـا بالزمـن وانتقـضـا
والزمن قضاي على كل قاضـي
مانـزور العايلييـن إنتـرضـا
نرج الغلطـان ويعـود راضـي
لابتـي بالضيـق نـارٍ تلضـا
قول شمر بالسيـوف اللواضـي
كم صويبٍ طاح عظمـه يشضـا
كن ترميه السماء في شواضـي
مانغـض الطـرف لا مانفضـا
غير عن خرس العيون الغواضي
ماخلقنـا بالوجـود انتمـضـا
لجا ماتهتـز سبـع الاراضـي
انشد اللي فيـه ذمـه وحضـا
يخبرك بالفعل والفعـل ماضـي
وهذي من العرضات الشمريه :
ياعيال شيلوا مابقى عمر (ن) طويل
هـذي عمـار(ن) قافيـه ديانـهـا
أنا احمد اللي ليا عطى ماهو بخيل
يعطي العطـا لا مايريـد أثمانهـا
اللي جعل لي لابتـن مالـه مثيـل
عند القبايـل راجـح(ن) ميزانهـا
شمر هل العليا عزيزيـن الدخيـل
عوج المراكض لاعتمـس دخانهـا
والي سمك عج الرمك كنه مخيـل
راجوا عليهـا واشعلـوا نيرانهـا
نقدم على الموت الحمر والله كفيل
والروح له رب(ن) يقـوم بشانهـا
لعيون مركوز النهد ضاف الجديـل
نـرد المنايـا وان حضـر ديانهـا
ياسعد من ناتيه وان حـل الثقيـل
وان قيل وين اهل الجبل حجلانهـا
ناتي كما سيل(ن) من الوادي نسيل
غوش ضحى الهيه تجـر اردانهـا
يالابتي لـوي علـى ولـد الذليـل
وش يرتجي له لا طفـت نيرانهـا
لا عاد ماله باللقى علمـن جميـل
نختار من يروي النمـش بايمانهـا
يالله ياللي سامعن عبـد(ن) عليـل
محيي الخلايق لا بلـت عظمانهـا
تجعل لابو مشعل مقام(ن) مايميـل
ريف الهجافي ليـا كثـر سيعانهـا
ياللي تسأل اليوم عنّـا
حنـا عيـال الطنـايـا
عـز الرفيـق لا تمنّـا
نقحم ولا تهمنّا المنايـا
لعيون البيض إليا هلهلّنا
نركض عليهم بالربايـا
حنا هل التاريـخ حنّـا
وأنتم من بنوده عرايـا
[مافيه احلا من العرضه ولا فيه احلا من كلامه اسمعوا هذي
طلبناك ياللي تعلم الغيب = جزيل العطاء محيي العظاما
حلو ماحلا وان جن جناديب = علي اكوارهن هرج النشاما
علي اكوارهن شمر هل الطيب = اللي قدمهم راحو شماما
واللي قفوهم خلوه للذيب = وللضبعة العرجاء طعاما
وكم من هنوف تشعط الجيب = علي اخوانها راحو عداما
تصفحت الموضوع كامل لاكن ماشفت العرضه وحبيت اشارك بها لكم وهي بعنوان يقول
وين الطنايا وين شرابةالهيل
عزيل قلـب كلمـا قـرب الليـل >>> عليـه صـارن الدقائـق جلايـل
أعتاض عن طيب الكرى بالتعاليل >>> بافكـار واذكـار وقـول وقايـل
والعين كن بموقها يـدرج الميـل>>>عيت تطيق النوم من فور جايـل
على بني عمي سنادي عن الميل >>> نطاحـة الكايـد كبـار الوهايـل
أقفو كما مـزن ثقيـل المخاييـل >>> من زاعج الغربي حدر له شعايـل
شمر مقابيس المنايا هـل الخيل>>> عصم الروايا مقحميـن الدبايـل
يادار وين اهل المهار المشاويـل>>>اهل النزول اللـي تعـز النزايـل
بكيتهم يوم ارتكم فوقـي الشيـل >>> وذكرتهـم يـوم الضـد صايـل
وصاح الصياح وطوحن الهلاهيل>>> وهلت دموع معكرشات الجدايـل
وقلت ابشرٍ مادام بالعمر تمهيـل>>> مـادام مـارزت علـى النصايـل
لاتبكن الوحـدة وقـل الرجاجيـل>>> مـادام عيـن الله علينـا تخايـل
وظهرت انا بأسم العصاة المشاكيل>>> لوهـم قليـل يدركـون الجمايـل
هم حاصلي لا كملـن المحاصيـل>>>غوش الجبل خزني غلامين حائل
باعو عزيز العمر دون المضاليـل>>> وحمو حماهـا مقدميـن الفعايـل
قالوا عليهم قلت زجو هل الخيـل>>> وقهرتهم غصـبٍ وردوا غلايـل
وأدنيت هجنٍ يقربـن المحاويـل>>> هوج هجا هيـج هجـاف نحايـل
علاكمٍ تطرب أقلـوب المراسيـل>>> خفقات رققـات صـلاب جلايـل
قلايصٍ عوص صعاصع شماليـل>>> من سلسلة نسل السباق السلايـل
الصبح مدن كنهن جولـة الريـل>>> فيحٍ علت من فوقها رجال حايـل
وصبح اربعٍ تلفي نزول كما الليل>>> شمر ليا عـدت فـروع القبايـل
أدنى بالادنى خبروهـم بتفصيـل>>> لاتسفهون اصغارهـم والحمايـل
ولازم اللى شافو اركـاب مقابيـل>>> تلزمهم النشدات عن سكن حايـل
قولوا لهم يامقبليـنٍ علـى حيـل>>> نجد وأهلهـا يطلبـون الاوايـل
جونا هل العارض بقومٍ كما السيل>>> يبغـون دارٍ هابهـا كـل عايـل
وجرى لنا يوم بياطب به الشيـل>>> يطيـح ماتثنـي عليـه الرحايـل
واضفا على عكاش مثل الهماليـل>>> ياطـول ماحنـا لهـم بالاوايـل
وين الطنايا وين شرابـة الهيـل>>> وين الجمال اللي تشيـل الثقايـل
وين السيوف اللي تعدل عن الميل>>> وين الرماح اللي تحت كل عايـل
وين النشامى والعصـاة المغاليـل>>> وجميع من ضربه تضيع الدلايـل
نشرب بهم صافي القراح الشهاليل>>> وننزل بهم غصبٍ على كل طايـل
غلبا ترى بلدانكم لبسـت النيـل>>> تنخى الرجال مكرمات الاصايـل
تنخى هل العادة كـرام الاسابيـل>>> يوم التعازي والدخن له صلايـل
قلته وأنا معكم على العدل والميـل>>> لعـل مانعتـاض عنكـم بـدايـل
تمت وصلو عد وبـل المخاييـل>>> على نبـي الحـق مـازال زايـل
دار حاتم وعنتر وحنا
ءءءءءءءءءءءءالصخا من منابت اترابه
منبع الجود تربه وطنا
ءءءءءءءءءءءءالمعزه بعالي هضابه
انشد اجواد الاجناب عنا
ءءءءءءءءءءءءوالتواريخ تلقى الاجابه
ضيفنا عندنا يرجهنا
ءءءءءءءءءءءءبالكرامه انحني اركابه
وان سكن عندنا صار منا
ءءءءءءءءءءءجارنا ما يكدر جنابه
قال من جاب المثايل وغنى =عادتي بالقاف بدع المثايل
يا عريس اليوم جعلك تهنى = تهتني في شوف ظاف الجدايل
مرحبا باللي لفانا وهنى =عد ما هلت بروق المخايل
لابتي شمر هل الطيب حنا = من قديمات العصور الاوايل
انشد التاريخ ينبيك عنا = فعل شمر له شهود ودلايل
والشريف بغزوته ما تهنى = يوم صكوبه سناعيس حايل
تقبلوووووو تحياتــــي
أإأإأإأإأإأإإأإأإأإاخـــــــوكــــــــم """""،،،//// الاســـلــــمـــــي \\\\ ،،،"""""
سامحوني على القصوووور
