-
مصدر إزعاج + يملا المجرة
دكتور ماعينت للخافق علاج
به جرح والتخطيط يبطي يجيبه
بأسباب غال حطني مصدر إزعاج
وجروح قلبي من هواها عطيبه
عذري يجي قبل الخطا ، حبها لاج
في وسط قلب مايخون بصحيبه
نوب لحلقة وصلنا أدعي بالافراج
ونوب أقول( الله يحط بنصيبه)
كم وحدة حكيه تخلطه تغناج
والغنج من غير الغضي وش نبي به
جرعتني يازين بفعولك الزاج
ولي فرقة العقييل صارت قريبه
^ ^
منك الزعل يازين يملا المجرة
لكن غلاتك قدرها بالمجرات
الله خلق نفسي أبية وحرة
لكني أبيض قلب وأنسى لما فات
رقم مسحته بين الأرقام درة
لألحين مدري ليه أنا أمسحه بالذات
مدري زعل أو خوف بأني أضره
لكن أحس انزال هم كأبانات
-
زاهي
صح لسانك
قصيده جميله...وابيات ايضا جميله
هناك ثقل في البيتين الملوّنين بالاصفر
ننتظر الاجزل في المرات القادمه
-
أخي زاااهي
ابيات جميله
ما رأيت فيها كسر
إنما اللفظ لبعض قراءتها يكسرها
لها نبرة خاصه لمن يجيد قراءتها
-
اخي زاهي قصيده ولا اروع ولا اجيد التعليق من الناحيه التكتيكيه<<<<يارجال القصيد وزن وقافيه وش تكتيكه:)
على العموم لستٌ مٌتطفلً كالبعض ولكن القصيده تعبر عن ذاتها ولا اروع وانت لاتحتاج تعليق...
قصيدك خير شاهد
ولكن متابع ومعجب:)
لك التقدير وبانتظار المزيد
-
