أحاول أكرهك,, لكن ..............>>> منقوله .. مما راق لي
أنا ما كنت أبي عطرك .... ولاني للخطا عشــقان
أنا ما كنت أبي إلا أحس انك تحبـــيــــــنـــــي
وهبتك أجمل إحساسي وجيت من الوله عطشان
لقيتك يا بعد عمري حسافه ماتحســــــــيــنـي
كتبتك أعذب حروفي ..( قصيده) وزنها ديــــوان
قريتيها .. رميتيها.. ابد ما كنها سنيـــــــــــنـي
تجين من الفجر كذبه وعيـنـك تخـــفي العـنوان
وأشوفك في سواد الليل على الكذبة تمسيني
أنا جابتني الصدفة وهذي مـنـة الرحــمـــــــــــن
أشوفك توصف لغيري صفات إللي وصفـتـيني
حبيبي يكفي أسلوبك أنا يكفيني البرهــــــــــان
أنا ما اصدق ليـش ولكن .. شافـتك عـــــيـني
سكت وداخلي صرخة تردد صمتها الجــدران
حسافه طاوعك قلــبك بلا ذنبٍ تـبـيعـيـــــــني
ألومك .. مــاالومك .. لاالومه وقتي الخوان
عطيــــتك ألف معنى حــب وهذا إللي تجازيني
أنا ما أملك إلا قـلــب .. لكن للأسف تعــبــــان
كفــاني منبع الأحزان تفـجـر به شرايـيـــــنـي
أحـبــك؟!.. ليه أحـبــك ليه واتوووه بعالمي حيران
وأشوف الــنــاس من حولك تشوفيهم وتنسيني
أحاول أكرهك,, لكن فؤادي ماكـــره إنسان
غريبة كيف هذا القلب يحب إللي جرح فــيني
حبيبي داخلي كلمه عســاها تشفي الوجدان
,حبيبي ما أقول إلا .. حرام انك عرفـتـينـــــي.
