[align=center]بسم الله الرحمن الرحيم
أخواني وأخواتي الأعزاء ... بعد التحية والاحترام ...
عندي استفسار بسيط , ألا وهو :
هل صحيح أنّ الشاعر ناصر القحطاني قصد قصيدة بشمّر ؟؟؟
إذا كانت الإجابة بنعم , أتمنى من الله تعالى ثمّ منكم أن تقدّموا
لي خدمة الإتيان بها هنا , سواء كانت مكتوبة أو صوتية .. [ اللي يجي ] .
تحياتي للجميع . [/align]
[frame="1 80"][align=center]
نعم
الشاعر ناصر القحطاني كتب قصيدة جميلة جداً في شمر وهذا هو نصها
شمّـــــــــــــر
[poem=font="Simplified Arabic,4,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الشمس غابت وكلٍ دوّر سراجه = والشوق جمّر ما احر الشوق لاجمّر
دام اتجاهك شمال مودعك حاجة = سلم على حايل وسلّم على شمّر
قدامك الخافق اللي ينشد علاجه =كنّه معلّق على برزان ومسمّر
وانت تعرف يابعد حيي من تواجه=بيضان الافعال لا من الزمن سمّر
ان ضاقوا اعنف من البحر ومن امواجه=وان راقوا اركد من الخرمان لاعمّر
كم صيت بيتٍ عتق في الباب مزلاجه =وكم شيخ امارة قبل تعيينه مومّر
وكم حاتميٍ تكفي فلة حجاجه=وشلون للضيف لو عن ساعده شمّر
وان مر تاريخهم متلبّسٍ تاجه =كم عاشقٍ كيّف وكم عاشقٍ زمّر
في جوٍ اغلى من الرجلي الا داجه =من ديرة السادس ومن ديرة معمّر
كنّه الا اهدى له البرّاق ثجاجه = طلة غريرٍ ضحك ومن الخجل حمّر
توارثوا حرثه وتمتير ديباجه =ركّابه الجيب من ركابة الضمّر
الوّد لاغرس بدري صعب مخراجه =والله ولا الذ واحلى منه لا ثمّر
ادخل على اللي تطوف البيت حجاجه =من ناقصٍ عند مدح الغير يتذمّر
والمدح لو كان في الرديان للصاجة =ويقال عمّر بلد بالعون ما عمّر
والذم لو زاد في الطيّب تولاجه = لا احرق ولا اغرق ولاعمّر ولا دمّر
مانيب متحسف بشعري على حاجة = الا اني اروح ماغنيت في شمّر [/poem]
وسلامتك
والقصيدة نشرت في المختلف في عدد شهر مارس 2004
ومنشورة ايضاً في ديوانه المطبوع (الذاهبة) صفحة 60
لك مني فائق الاحترام
اختك
السنافية[/align][/frame]
[align=center]ابو فهد:
نعم كما ذكرت اختنا الفاضله السنافيه..
شكراً لك..
وشكراً لــ السنافيه..[/align]
[align=center]
أخي الفاضل
أبو فهد
بالفعل هي كما ذكرت أختي السنافية جزاها الله خيرا
و بصراحه بقالي ساعة ادور على القصيدة في الجوجل
و بالأخير لقيتها منشوره في .... المضااااايف |8|
http://www.shmmr.net/vb/showthread.php?t=19226
يعني أقرب من عصاة العور :)
بس أختي السنافية سبقتني لها :o
شكرا لمرورك و الموضوع مكانه مضيف الشعر المنقول
:o
اختك
الدهور[/align]
كفو والله يالذيابة .. الله يعطيكم ألف عافية .
الأخت السنافية :
ألف ألف ألف شكر على هذا المجهود . خدمة لن أنساها إن شاء الله .
الأخ الغالي نبراس :
ألف شكر يالغالي .. تحياتي لك .
الأخ (( اللي أتعبته أنا )) الدهور المحترم :
أقدّر لك هذا التعب يالغالي , ألف شكر وجزاك الله ألف خير يالغالي .