الشّيب لا به لا معزه ولا طيب@@@@الا المهونه والتعب والتعاسي
[poet font="Simplified Arabic,5,blue,bold,normal" bkcolor="transparent" bkimage="backgrounds/3.gif" border="groove,4,crimson" type=0 line=200% align=center use=ex length=0 char="" num="0,black" filter=""]
طاحن السنوني والنقلب عارضي شيب=ودليت أقوم أموخري قبل راسي=
خذيت من طبع النّضاء شّمّّّخ النّيب=ثوران هرشٍ باالبروك متواسي=
هذا طريق الحق ما عنه تجنيب=مضمون لوا تفنى الجبال الرواسي=
قالوا لي ان الشّيب مابه عذاريب=هرجٍ يقولونه على غير ساسي=
الشّيب لا به لا معزه ولا طيب=الا المهونه والتعب والتعاسي=
صعبٍ على راعيه بعض المواجيب=الهيّن الليّن على العود قاسي=
عقب الوناسه والطرب واالتعاجيب=ياشبت ياتيك الزّمان النعكاسي=
يصير لك دون الوناسه عواقيب=آخر نهار وحال دونه دماسي=
تحرم من السجه ونّط المراقيب=وتنسى طرات البال لو مانت ناسي=
الشّيب يتعب شمّخ النّيب والذيب=وحتى النبات اليا كبر قيل عاسي=
ياشبت تجفاك اللبنّي الرعابيب=من عقب مانت أجنيه ترجع نحاسي=
شيٍ صحيح وماضيّله تجاريب=ولا يفيد لو تلبس جديد اللباسي=
العود له حشمه وقدرٍ وتوجيب=بدورٍ مضى واليوم كنه مداسي=
حتى من الاقراب ياجا تعاتيب=تستضعفه بعض النفوس الخساسي=
الشّيب ياصادك بعكف المخاليب=مايفارك لوا صحت تبي الخلاصي=
مار ياالله يا عالم خفى خافي الغيب=عالم خفى المخفي بقلبٍ سياسي=
عبدك بدون عراك ماله مقاضيب=يامخضرٍ با نبت عقب اليباسي=
اطلبك عفوك وانت معطي المطاليب=بيومٍ تلين به القلوب القواسي=
أن صرت باالمظلم بشين الضنا بيب=حفرً حفِر عرِضي وطولً قياسي=
الشاعر / عبدالله بن فرج الغيثي
رحمه الله
[/poet]
