المساعد الشخصي الرقمي

مشاهدة النسخة كاملة : ضما..عين..


فهد المويهي
17-10-2002, 05:59
قعدت بليلة(ن)ظلما ...

يبس ريق عيني ... والما .. الما ...

مايبل العين الما ...

قعدت وخايف الظلما ...

اهوجس .. التفت .. عتما ...

ادور لي طريق ابيض ...

ولاادري وين القى ...


ذبح عيني ضما عيني .... ولاادري انا ويني ؟؟

هواجيس ... حزن اسود ... ضما عين ... قسى ظلما ...

وانا ... انا ...

اضما ... اضما ... والما ... مايبل العين .. الما ..

قعدت وخايف(ن) انسى ... واخاف اقسى ..

اخاف انسى ... شقا قلبي .... وعنا بعدي ...

وكلمه كنت اذكرها .... اخاف انسى ...

قعدت بليلتي محتار ... ارددها كثير ... كثار ...!

احبك ... احبك ... احبك

احبك ... احبك

لويصير الليل قاسي ... احبك

لو اشهق اخر انفاسي .. احبك

لو ماتطلع القمره ... ولو ماتشرق الشمس ... احبك

ولكن ...

ليلتي الظلما .... تيبس ريقي واضما ....

والما ... الما .... مايبل العين الما ...

حبيبي مدني بوصلك ....

ابي اشوفك ... ابي اذوقك ... ابي احيا ...

وقمت اركض بلا تفكير .... بليل اسود .. سواد ه كثييير ....

يمين اركض ... يسار اركض ... ابي اشوفك ... ابي احيا ...

ولكن .... مالقيتك ... وقعدت اضما ... اضما ... اضما

وقعدت بليلتي ظلما ... وحزن اعمى ... يبي شوفك ... ولايقوى ..

وزادت فيني الظلما .... وقعدت اضما ..

اضما ...

لين اصبحت جثه ... مابها نقطه من الما ...

وفجأه !!!


صوت امي .. ويدها بكمي ..

فهد
فهد
فهد
قوم تاخرت على الدوام :D
بدر الفرحان
17-10-2002, 06:40
يعقب على تحفتك الرائعه ياملك الخواطر


دائما تسير الي الامام ولاتعرف الالتفات الي الوراء


اخوي فهد المويهي


لايسعني الا التصفيق الحار لما ابدعت


وزين ان امك الله يحفظها صحتك من النوم والا كان اذبحك الظما


تراني امزح معاك



اخوك............. بدر الفرحان
فهد المويهي
17-10-2002, 06:53
اخي الفاضل .. بدر الفرحان

من اتحفني هو انت ووجودك

لقد اسعدني جدا حضورك واسعدني ان تكون ممن يتابعون مااكتب

لك كل الشكر اخلي البدر

اخوك

فهد المويهي
الماس
17-10-2002, 14:46
أخي فهد...

الله يعطيك العافيه....كلمات جميله وإحساس مرهف

كما تعودنا منك دوماً......:) :)
موال
17-10-2002, 15:24
فهد .................. مساء العنبر
كلمات ليست آي كلمات
اتمنى ان يكون لك ديوان يحتضن ربيع افكارك
سلمت يداك عزيزي
فتــ حائل ــى
17-10-2002, 18:18
يا هلا ويامرحبا بملك الخواطر فهد المويهي00

كلام عذب يابعد عيني انت000


والله كلام جميل حيل حيل 00

تدري ليش كلام جميل لانه طلع من فم ملك الخواطر فهد 00



تقبل احترامي وتقديري واعجابي الشديد فيك وبكلامك العذب ولي الشرف الشرف الكبير اني ارد على كلامك العذب 00
فهد المويهي
17-10-2002, 18:20
اختي الغائبه الحاضره سندريلا ...

وجودك اسعدني كثيرا وانت تعلمين مدى سعادتي بوجودك

اشكرك كل الشكر ...

بس صحيح من طول الغيبات جاب الغنايم ....

تقبلي تحياتي

اخوك

فهد المويهي
فهد المويهي
17-10-2002, 18:22
موال موال موال ارجووووووووك

لاتحرجني اكثر من كذى ....

لك كل الشكر والتقدير لوقوفك على مجرد بعثره فقط بعثره

فكيف لي ان اضع لها ديوان وهي بعثرة فهد ....

لك كل الشكر

اخوك

فهد المويهي
فهد المويهي
17-10-2002, 18:23
اخوي الغالي ... فتى حايل ..

سيدي ... اسمح لي بالوقوف صامت امام ردك ..

اخوك

فهد المويهي
سالم
17-10-2002, 21:01
مشكور ,,,,,,,,,

خاطره رائعه ,,,,,,,,

و نحن متعودين يجي منك هذا الابداع ,,,,,,,,

وسجل أعجابـــــــــــي بها ,,,,

والسلام ,,,,,,,,
نوف
17-10-2002, 23:00
اخوي فهد المويهي

خاطره رائعه

سلمت يمناك


تقبل تحياتي

اختك
نوف
الدكتور محمد الشمري
17-10-2002, 23:14
اسمحلي بان اتنافس معك بردي هذا اذا سمحت

خصوصا لما طريت الام وشوف كيف تصحيك وخوفها عليك
--------------------------------------------------------------

الشوق شعور عجيب جدا ، يحس فيه الناس ويعترفون فيه، لكن للشوق صطوة غريبة لدرجة أنه ينتزع منك حتى الدمعة ، شوقي لأمي ما قدرت أعبر عنه ...
بس دموعي تكلمت عني يا يمه...
يا يـمه ... أبي دفا احضانك ...
ومشتاق شوفة عيونك ...
من كثر الشوق بداخلي أبنفجر على بيض الورق ...
أسطر احسانك ... بردان ... منهو يغطيني ...
يدفيني ...يمسح دمعه على عيني ...
بردان ... وشابت مشاعر متراكمة فيني ...
أبي لمسة ايدينك ... و أبغى حنانك ...
يـمه يطول الوقت ... ويقول صاحبي هانت ...
بتعدي أيامك ... يا أذل ايام ...
يا يـمه بدونك ... يا أذل ايام ...
حكمتيني على ذلك ...
و حكمتي يشيب الراس ...
تحت صطوة احكامك ...
بردان يا يـمه ...
بعيد داخل احلامك ...
أسمع الأخبار ...
و أبكي على فراقك ...
و أبي أكتب احسانك ... بس ...
من هلت ادموعي ...
ما جف الورق ... ولا بقت نقطة حبر ...
على سطرها ... ساحت على سطر المشاعر ...
من سبب شوقي و احساسك ...
يـمه خلاص ... هذا الورق ...
وهذي السطور ...وليلة أرق ...
هذي مشاعر ما تنكتب ...
لو تنكتب كان الصحايف تحترق ...يـمه خلاص ....
صابر على شانك ... انتظر أحظانك ...

--------------------------------------------------------------

اهداء الي جميع الاعضاء وخصوصا الى اخي فهد
البــنــدري
18-10-2002, 00:08
ابي اشوفك ... ابي اذوقك ... ابي احيا ...

وقمت اركض بلا تفكير .... بليل اسود .. سواد ه كثييير ....

يمين اركض ... يسار اركض ... ابي اشوفك ... ابي احيا ...

ولكن .... مالقيتك ... وقعدت اضما ... اضما ... اضما

وقعدت بليلتي ظلما ... وحزن اعمى ... يبي شوفك ... ولايقوى ..

وزادت فيني الظلما .... وقعدت اضما ..

اضما ...


وكعادته ملك الخواطر ..ابدااااااع ..وتقف الحروف عاجزة الاتفيك حقك ..

والله قمة بالروعة ..

تقبل اجمل تحياتي
فهد المويهي
18-10-2002, 01:42
اخوي ... سالم الشمري ..

وجودك بالنسبه لي هو نجاح الخاطره

تقبل تقديري واحترامي

اخوك

فهد المويهي
فهد المويهي
18-10-2002, 01:44
الغاليه .. نوف


يكفي وجودك ... له رائحه غير طبيعيه

اخوك

فهد المويهي
فهد المويهي
18-10-2002, 01:45
اخوي الغالي .. سواح نت


لك كل الشكر على وقوفك

ومداخلتك الرائعه ...

اشكرك كل الشكر

اخوك

فهد المويهي
فهد المويهي
18-10-2002, 01:48
اختي الغاليه البندري ...

وجودك بحد ذاته شرف لهذه الخاطره ..

وليس له الداعي ان تقولي اي شي فقط وجودك له الشي الكثير عندي

اخوك

فهد المويهي