ليه الهوى ما يعترف بالصعاليك

[حليف شمر]

الله من قلب ٍ عليه الدواكيك=يصتك في قاعه ثلاثين دكاك


ليه الهوى مايعترف بالصعاليك=كن الهوى للي يديرون الاملاك


يا خافقي وان طوّلت بالشرابيك=لا بد ما تضحك على دور الافلاك


يا صاحبي حيرتني ويش اسميك=لا انته ما ذولا ولا انته مع ذاك


تلحِقني الجفوة وتبدي حسانيك=ترضي طرف ذولا ومرات ذولاك


صوّت لك لقـيّـتني في علابيك=وأصبحت لا حِشتك ولا جيت مرماك


مدري البلا فيني ولا البلا فيك=حيرتني زود ٍ وانا اشوف ممشاك


أفهق لك الخطوة علشان أراضيك=وتمرني عجل ٍ سريعات اخطاك


وش بدلك وش غيرك في مباديك=ما جاك مني ما يكدرك ما جاك


ياليت لو جاملت لعيون مغليك=اللي فنا عمره وهو يطلب رضاك


انا احسبني في ضحى العيد أوافيك=عيد الفطر كنه حداد ٍ بلياك


قلب ٍ تملتكه ولا هوب يوذيك=وش فيك تحذف به على حوض الادراك


عيشتني شك ٍ على زود تشكيك=حِرقت ظفايرنا على روس الاسلاك


ناس ٍ نجنبها علشان نرضيك=وأثرك تجنبنا علشان ذولاك


ياتيك من وقتك ولا بد ياتيك=ولا تجتمع غفلة على وقت الإدراك


روّح في مان الله ما عاد نبغيك=إجتمعت الدنيا علينا وفرقاك




الشاعر : يحيى بن شيبان


https://www.youtube.com/watch?v=3Uz_YZAkMKY


https://www2.0zz0.com/2025/04/19/20/700601697.jpg