تفحيط الحريم

[حليف شمر]

خل كلامي روح واسأل لك حكيم=قول مات الذيب والعنز تعوي


خذ جواب ٍ من ذهن عبدالحكيم=من التجارب صار في قلبه كوي


الله اكبر كيف يسوقن الحريم=ما خبرت البنت بالقلب القوي


اشغلونا بالطريق المستقيم=وجاكرونا بالطريق الملتوي


تستهيم بكل حي ٍ تستهيم=والشوارع دوم تطويها طوي


تحسب انها منجزة شي عظيم=في ظماها تحسب انها ترتوي


لو تشوف وليدها مثل اليتيم=من دبور الام طايح منزوي


يارشيدة علمي بعض الحريم=تجتهد في بيتها غسل وكوي


المصيبة صار صيت ٍ للحريم=تنافس الدرباوي لو عنده خوي


تتقن التفحيط مثل اللي فهيم=والتواير كنها تشوى شوي


ليت نرجع للزمان اللي قديم=قبل يد الحر فيها تلتوي


للزمان اهوال وذا شي ٍ عظيم=دلنا يالله للدرب السوي




الشاعر : يحيى بن شيان


.


لمشاهدة القصيدة على اليوتيوب اضغط على الرابط التالي

https://www.youtube.com/watch?v=rSAXoiPjcaI




https://www2.0zz0.com/2025/03/19/03/878389775.png