شاركنا بـ قصيدهـ أعجبتك لـ شعراء و شاعرات المضايف ..

[بالمختصر..]

،





صباح الخير . .




فكرة الموضوع هي إنكم تجيبون أي قصيده أعجبتكم من قصائد شعراء و شاعرات المضايف :7ayyoh:


شاركونا بـ ذائقتكم الشعريه ..





.
.

[بالمختصر..]

،





ابي ابدأ بـ قصيده قديمه أعجبتني بس وقته ما كنت مسجله بـ المضايف ..




قصيدة : مــــــــــــــــــدري علامه ؟؟

لـ الشاعره : السنافية



يا صباح الصدق والنية السليمة .... يالله اني ما اطلبك غير السلامة
الزمن هذا مفاهيمه عقيمة .... هالزمن يكره دروب الاستقامة
الصراحة مالها معنى وقيمة .... والصدوق اعلن مع الوقت انهزامه
من عقب ماكان له قدر وحشيمه .... صار وسط عيونهم واطي مقامه
وبسبب كلمة لقى سب وشتيمة .... وسلبوه أبسط حقوقه والكرامة
ياحمامة كان باقي فيه شيمة .... وصلي له هرجتي ذي يا حمامة
خبريه ان طعنته جداً أليمة .... يوم يجرحني بفعله وبكلامه
علميه ان كلمتي ماهي جريمة .... فهميه يزيل عني اتهامه
وليه يومي كنت بعيونه عظيمه .... ثار في وجهي.. وانا مدري علامه؟
كانها له حجة ونية قديمة .... ناوي الفرقا..وفيّ أطلق سهامه
بشريه اني ابد ماني مقيمة .... وله تحيات الخفوق واحترامه
وطمنيه اني بعد بنتٍ فهيمه .... لي أهل ما عرفوا دروب الرخامة
ما اتبع المقفي ولو هو زاد ضيمه .... أحبس بقلبي جروحه والملامه
حتى لو يشعر خفوقي بالظليمة .... بأكتم احساس الالم ويا الندامة
وحتى لو أشعر بخذلان وهزيمة .... بارسم بوجهي علامات ابتسامة
من صفاتي بالغضب جداً حليمة .... وأضبط أعصابي بقوة وبصرامة
هو سأل وانا ردودي مستقيمة .... ليه يزعل؟ ليه يبدي في خصامه؟
لازم أكذب وأحرمه صدقي حريمه؟ .... لاجل ما يزعل ويبدا في شتامه؟
بشريه لساني بيَبدا رجيمه .... يترك الصدق ويبي يخلي نظامه
وابتدي به بالمسايَر والنميمة .... لين أعلق رتبة الزيف ووسامه
ياصباح الكذب والنية السقيمة .... يالله اني ما ابي كود السلامة


القصيده هنا (http://www.shmmr.net/vb/threads/19687-مــــــــــــــــــدري-علامه-؟؟)

roooose






.
.

[راعي الوقيد]

فكرة حلوة اختي بالمختصر
لكن ليش مايكون الموضوع مختصر ب ابيات اعجبتك:7ayyoh:
أنـت يـوم ٍ غبـت ,,
أذّانـي . . . عليـكـ !
. . " ـقلبي " . .
اللي صار . . من حبكـ .. أذآآآي !
ياخـي والله بـ[ مــاي ] عيـنـي مشتـريـك
هـذا .. إذا باقى بعد ... بالعين .. ماااااي !

بركات الشمري

[بالمختصر..]

فكرة حلوة اختي بالمختصر
لكن ليش مايكون الموضوع مختصر ب ابيات اعجبتك:7ayyoh:
أنـت يـوم ٍ غبـت ,,
أذّانـي . . . عليـكـ !
. . " ـقلبي " . .
اللي صار . . من حبكـ .. أذآآآي !
ياخـي والله بـ[ مــاي ] عيـنـي مشتـريـك
هـذا .. إذا باقى بعد ... بالعين .. ماااااي !

بركات الشمري





شكراً ..

فيه قصائد من الظلم إنك تقتبس بيت أو بيتين منها !

و يكون جمالها بـ إكتمال أبياتها و ترابطها .. :thumb:




.
.

[راعي الوقيد]

طيب ؛ هذي قصيدة جانا الليل للشاعر بركات

قـم ولّـم الإحسـاس .. جـانـا اللـيـل
رتّـب حنينـه .. شـبّ مصبـاحـة !!
الصب ... صب وأغرق المنديل !
والمـوت عينـه .. عـيـن لمّـاحـه !!
لانـام جـرحـه .. أشـعـل الـقنـديـل !
شف كيف تصحى باقي جراحـه !؟
ولاحط ( آهه ) في يدينك/ شيل !
ياشين ! حِس ّ شلون صدّاحة !
واحـضــن دمـوعــك بالخفـا/لاقـيـل :
( ماكل وردة حـب ... فواحـه ) !!
وقـل للمواجـع : أصبـري .. والويـل
للـي خـذاه البـعـد ..... واريـاحـه !
وقـل للأمانـي : لاعطـاك ِ السـيـل
للحيـن فينـا .... منتـي مرتـاحـة !
قلّـي : أحـبـك : قــل : أحـبـك حـيـل
خـل الطعـون اتعـيـش فــي راحــة !
تــعـــال أقـهــويــك الـهـــــلا والـهــيـــل
وافتـح لــك الحـفّـاق .. واجتـاحـه !
عاشقـك شاعـر مـن ظهـور الخـيـل
شـاعــرك عـاشــق حـــب ّ ذبّــاحــة
يبـرق لـك الاوجـاع كــان تخيـيـل !
وبـــرق الـمـواصـل فـيــك مـــا لاحـــة
ذبــح لــك عيـونـه عـشـان تسـيـل !
ولحّـنـك ( غـنـوة مـأتـم افـراحــه ) !
يـرســم عـيـونــك لـلـجــدي وسـهـيــل
ويعد ْ بسمـك حـب ْ مسباحـه !
أغـنــاه حــظــه بـالـتـعـب / وبْـخـيــل
حـظ ٍ حرمـه يمـوت فــي راحــه !!
يالله تـعـال انـمــوت / جـانــا الـلـيـل
خـل الحنيـن .. وخـل مصباحـة !!
ماطـاح مـن كـتـف الليـالـي حـيـل !
بـس طاحـت مـن الـروح تفّـاحـة !!

[سالم الظفيري]

تسلمين اختي بالمختصر على الفكرة الرائع

لاهنتي

قصيدة لشاعرة


... ديمة الشوق


يهزني طيفك ليا مر طاريه=هز الهوي لغصون سدرٍ رطيبه

انت الذي صارت حياتي بياديه=وانت الذي للجرح طب وطبيبه

القلب ما غيرك ترا ساكنن فيه=وماغيرك اللي شب وسطه لهيبه

اضحك وقلبي زايد الهم طاويه= من شان ماتدري الوجيه الغضيبه

دايم ترا الذكرى لقلبي تعنيه=تردني ذكرى بعيده قريبه

اليا ذكرت اللي مضا من لياليه=بطراف روضٍ معك بوسط شعيبه

على النقا والكل خله يناجيه=ما دست انا وياه درب المعيبه

اليوم اشوف الصد بانت مواريه= والقلب صابه منك شكٍ وريبه

اشلون بعت الحب يوم انت شاريه=صحيح من قال المفارق مصيبه

قصر الغلا لاتهد عالي مبانيه= قصرٍ بنيته معك من يعتنيبه

يالله ترجع كل سيلٍ لواديه= من شان عيني نومها تهتنيبه

[ام الرغفان]

ياصغيّر السن قدرك طاحـت أبراجـه
الجرح خلّى الصخـر ينطـق ونطقّنـي

خلاص ماعاد تعنـي لـي ولا حاجـة
رح.. جعـل ربـي يوفقـك ويوفقنـي

من بعد ماكنت نور العمـر وسراجـه
اليوم صـرت الظـلام اللـي يطوقنـي

عطيتك أكثر من اللـي كنـت تحتاجـه
أسرفت ف( الحب) ..لين الحب وهقني

خلاص.. مالي ومال الحـب وإزعاجـه
مالي ومال الـدروب اللـي تضايقنـي

تعبت أضـمّ البحـر وأهـدِّي أمواجـه
تعبت أجامل و أشوف الوقت يسرقنـي

شكواي للي عليه الضيـق و إفراجـه
اللي إذا شـاء.. يرحمنـي ويرزقنـي

أما أنت يابـو جبيـنٍ عقّّـد حجاجـه
لاعاد تسأل: "علامك ما أنت طايقني ؟"

النـاس كـلٍ علـى دربـه ومنهاجـه
وأنا عن الناس مابـه شـي يفرقنـي

إلا أني دايم أحـب الصـدق وأواجـه
مخلوق .. و الله على هالوضع خالقني

حتى رفيقي ضمـاد الجـرح وعلاجـه
على كثر ما أتمّسك فيه .. صدقّنـي ..

لو أدري إنه مرافقنـي علـى حاجـه
لأمسّكه حاجتـه.. وأقـول : فارقنـي

صغيره السن,,فهد المساعدrooose2

[بالمختصر..]

،





راعي الوقيد /

إختيار رائع جداً و قصيده من أجمل قصائد بركات الشمري ..


سالم الظفيري /

الله يسلمك ، أعجبني إختيارك لكن الشاعره ماهي من المضايف ، صح ؟


أم الرغفان /

يا صغير السن .. حلوهـ بس ما كنت أدري إن فهد المساعد من شعراء المضايف :)





.
.

[راعي الوقيد]

^
^
ما اعتقد ان فهد المساعد من شعراء المضايف:)

[ام الرغفان]

طيب <<راحت للنبطي

[ام الرغفان]

في قربك اشتاق وانت بداخلي و (اوله)
وشلون لا( غبت) ما تبكيك ... احداقي


والحين بعد.. الغياب المر ... و حموله
اعذرني لافز قلبي .. وانركز سااقي!!


مافيه شخصٍ بنا في داخلي... (دوله)
الا انت ( بالذات ) تبني داخل اعماقي


لبيه ياللي يبل الروووووح مرسوله..
لبيه ياللي لاشفته ... حن خفاقي


اوراق كل القصايد دقت (طبوله)
واذا قريته تطفي ... لهفة اوراقي


وشوله اجلس واجامل .. قلي وشوله
لاضاقت النفس جيتك.. راكب اشواقي


سحاب قلبي ياغالي ( انت ) هملوله..
واذا فقدتك (ياروحي ) حنت نياقي..


لاتسئلن عن طريق الحب كم طوله ..؟؟
ولاتسئل اشواقي روحي كم بها باقي؟؟


تعال.. قرب ..وخذ ..بعماقي.. لك جوله ..
شيك على كل ضلعٍ داخل ( اعماقي)..

تلقى دروب ٍ لغيرك دووووم مقفوله ..
تلقى خفوق ٍ يبيك وبالهوى ( شاقي )

مقبل الضوي

[بالمختصر..]

،





قصيدة : من ترجاك تبقا..؟؟

للشاعر / طائر الجنه وأتوقع إسموه ناجي الطرقي



لا تنتظر مني سوى قلب يغليك .... وإن عفتني.. لا تنتظر مني أبقا
ياما وطيت جروح قلبي..واراضيك .... ولا انت ماتذكرني الا بفرقا
ادري جمالك عن حلا الوصف يغنيك .... كنك من اوصاف الاناث اتنقا
كنك خذيت احلا صفات المماليك .... وخليت للباقين.. مما تبقا
تمشي دلع.. كن الدلع ذايبً فيك .... وثيابك اللي تلبسك.. فيك غرقا
كلك حلا من شعر راسك لرجليك .... من اصبع اقدامك الى الراس..طرقا
حلوه..ولكن الخطا في مباديك .... تفكيرك انتي غرب.. والحب شرقا
((حظي مثل: جندي نجا من مهاليك .... رقوه.. لكن مات قبل يترقا!!))
اكذب عليك ان قلت: ماعاد ادانيك .... لكن بقول الصدق.. والحق حقا
انتي غرورك للرضا مايمشيك .... حرقت قلبي من سواياك حرقا
بعتيني الليله..وقبل امس شاريك .... مقتول فيك الحب..ياعيون زرقا
روحي مدام الحب ماعاد يعنيك .... لا عدت ياعشق الغرابيل.. عشقا
وإن خنتني..مابيك..مابيك..مابيك .... واللي مضيع بالجبل شي.. يرقا
نبرات صوتي في فراقي تعزيك .... ماهقوتك!! لا يابعد عمري اهقا
عشقتني..جيتك,,هلا,,سم,,لبيك .... قفيت والله كثر اصابعك نلقا
رفعت قدرك فوق..وارجع اوطيك .... لابـوك..لابـو من ترجاك تبقا


القصيده هنا (http://www.shmmr.net/vb/threads/26749-من-ترجاك-تبقا..؟؟)





.
.

[ام الرغفان]

الصبر مفتاح الفرج روح الاعمال=الصمت حكمه والتجارب دواليل
الدين بلوى والامانه عن جبال=والعلم قمرا والشهاده قناديل
احد بنى في قمة المجد تمثال=ان غاب ليله يفقدونه رجاجيل
واحد يغيب وغيبته غيبة هلال=نقصه مثل زوده على النقص تكميل
احد رحل واحد من العام نزال=ايام راحت والليالي مقابيل
كم واحد مشغول في كسب الاموال=عمره فنى مابين عمله وتحويل
هامور اسهم يحسب الفتح واقفال=بالمحفظه يرصد حسابه بتحصيل
لاصام لاصلى ولا عنده عيال=وان مات خامه والمقابر منازيل
واحد على قده يربي له اجيال=قضى حياته بين دعوه وتهليل
بأول حياته شال واليوم ينشال=يزرع ويحصد بالنهايه محاصيل
البارحه عدت همومي على البال=فكرت بالدنيا وشفت الغرابيل
وسط الحنايا للورق ثار زلزال=هز الاصابع للقلم واسرج الخيل
شبيت ضوي وابتدى ليل الامثال=وسطرت في جوف المليله معاميل
وشفيت من كف التعاليل فنجال=ونزهت نفسي عن حياة المهابيل
بعض المجالس تمتلي سب وخبال=الهرج سامج والسوالف غثى سيل
وبعض المجالس مدرسة علم وافعال=مدهال قوم يحسنون التعاليل
يالله يامنزل تبارك والانفال=سامع دبيب النمل في ظلمة الليل
محيي هشيم القاع من بعد الامحال=حامي ركون البيت من صاحب الفيل
جيتك وانا كلي ندم راكع ذال=ارجوك عفوك يا الهي عن الميل
دنيا كفى الله شرها مالها حال=تعطيك ساعه وتحبل لك محابيل
غنّت على كف المقادير موّال=كم راح في بطنه رجال مشاكيل
تعدنا عد المكاين للاميال=اجيال بادت وانبعث بعدها جيل
وختامها صلوا على خير رجال=شفيعنا يوم اختلاف المكاييل


القناديــل للشاعر/ عبدالله الجعيثن

[شموخ]

لي رجعه ان شاء الله بقصائد لبعض اعمدة المضايف ..


اعجبني الموضوع وماحبيت اطلع بدون رد :)


تحياتي
شموخ

[جمران]

موضوع رائع جدا بالمختصر

من حيث الفكره والاسبقيه تحسب لكِ


وايضا تثري المضيف باجمل قصائد شعرائنا كل حسب نظرته






لي باك ان شاء الله















يُثبّت

[بالمختصر..]

لي رجعه ان شاء الله بقصائد لبعض اعمدة المضايف ..


اعجبني الموضوع وماحبيت اطلع بدون رد :)


تحياتي
شموخ


ننتظرك ..

و شكراً لـ تواجدك ،





.
.

[بالمختصر..]

موضوع رائع جدا بالمختصر

من حيث الفكره والاسبقيه تحسب لكِ


وايضا تثري المضيف باجمل قصائد شعرائنا كل حسب نظرته






لي باك ان شاء الله















يُثبّت


شكراً لك ع التشجيع و التثبيت ..

لا هنت ،






.
.

[بالمختصر..]

،





قصيدة : يا صفوق وين امي ؟

لـ : حلا شمر

roooose




ياصفوق وين امّي انا اشتقت يا صفوق = من يوم راحت راح فرحي وراها
كنت ارتمي في حضنها والصدر شوق = تدفى ضلوع البرد ويّا غلاها
هي علّمتني كيف اجاريك بحقوق = حتى القصيده علّمتني هواها
يا ما كتبنا القاف ثم زان بطروق = يا زين قاف ٍ صاغته في غِناها
في بر ( حايل ) ننثر الحب والذوق = نمرح بها ونحبّ حتى ثراها
المزْن يا صفوق اذكره كان مفتوق = برق الحيا رحّب بها في حياها
يوم الربيع ووابل الخير مطفوق = وامّي تمشّى وابْيديها عصاها
كان الزبيدي ظاهر ٍ تحت رقروق = تنبرْه بيديها وحنّا معاها
حشمه وحكمه زادته .. زين منطوق = يا ما حلاها .. ايه يا ما حلاها
ما حطّت المكياج أو شيّ مسحوق = ما تلبس الا لبس الاوّل تراها
وتْعامل العالم بالاحسان ورفوق = تلقى احسنتها قبل ياتي خطاها
يا صفوق ليت الوقت به يوم ملحوق = ( استغفر الله ) ليت ما جا قضاها
يا صفوق يا خوي العمر راح مسروق = من يوم راحت .. راح عمري وراها


القصيده هنا (http://www.shmmr.net/vb/threads/16323-يا-صفوق-وين-امي-؟)





.
.

[سالم الظفيري]

الشاعر رافع الشمري

سلام ياشيخ رقى عالي الطيب ..

سلام ياشيخ ٍ طويلة حباله ..


سلام ياشيخ ٍ عطيب المضاريب ..

ياللي على الطولات ثابت لحالة ..


فيه القصايد تفتخر والمواجيب ..

وفية المروة تفتخر والجمالة ..


يعطي ولا يبغى وراها مكاسيب ..

تبذل يمينه مادرت بة شماله ..


ذيب ٍ ولد ذيب ٍ وجدة بعد ذيب ..

سلايل متسلسلة حي فالــــــه ..


ابن رشيد اللي نقيض العـذاريب ..

اللي له التاريخ فاتح مجــــاله ..


لمنة أشرق شمس من حوله تغيب ..

فرًاج كربة من لقــــاه وعنالـــه ..


وأنا بمدحي مـــاأدور مطاليب ..

لاشك شعري قام له وانثنى له ..

[بالمختصر..]

،





قصيدة : ربطة عنق
لـ الشاعر / محمد الوبير



يا سحابة وبلها حبر وفشق .... امطريني يوم دمع العين سال
كم سوالِ داخل انفاسي شرق ..... ازفره واشهق بداله هالسؤال
كم بقى صدام فينا ينخلق ..... لجل اهدي روع بغداد النزال
كن حبل المشنقه ربطة عنق ...... في نحر صدام يوم العدل مال
يكفي انه ماتهزهز له شنق ...... يكفي انه شامخِ مثل الجبال
ما انشنق رجال تاريخ انشنق .... يا كراسي الذل يا مال الزوال
بش وجه المقصله يندى عرق ..... يوم ساقوا لها اعتى الرجال
مستحيل انّا معاهم نتفق ...... والحرام بهالشهر اصبح حلال
طائفية حقد وغرابه نعق ...... واحتلال الارض ولّد انحلال

هنا القصيده (http://www.shmmr.net/vb/threads/41637-ربطـة-عنق)




.
.

[الشبث]

للشاعر / طائر الجنه وأتوقع إسموه ناجي الطرقي





ايه هو ناجي الطرقي ومسجل بأسمه لانه ضيع الاول وحب يسجل بأسمه




فكره حلوه


وفيه قصايد كثير



لي رجعه




لاهنتي بالمختصر





وتقلدوا تحيتي

[بنت الجبل آخت القصيد]

الحزن اوفى شخص .. ممكن تخاويه
لـ نه أذا ماأسعدك .. مايتغير


لهايس الشمري

[بالمختصر..]

،






مآ علموك اِن الحكي يجرح النآس
ــــــــــــ واِن السكوت أحيآن أبلغ من القول



و مآ علموك الريح تبدآ بـ نسنآس
ــــــــــــ و اِن الرجآل تقول واِن قآلت تطول



و مآ علموك الروح لا اِحتلهآ اليآس
ــــــــــــ تموت مآ سآقت على القمه فعول



و مآ علموك تعيش كسآب نومآس
ــــــــــــ رآعي عطآ سيفٍ على الفقر مسلول



و مآ علموك اِليآ لفآ الليل بـ اِنعآس
ــــــــــــ مآ بآت مظلومٍ ولآ نآم مخذول



و مآ علومك شلون الأحلآم تندآس
ــــــــــــ و اِن الحيآه أوهآم فريس و خيول



و مآ علموك تكآبر و ترفع الرآس
ــــــــــــ لآ تطلب الحآجه و لآ تعيش مذلول



و مآ علموك اِليآ برآ الليل هوجآس
ــــــــــــ ريق السوآلف مر مآ هو بـ معسول



صعب أتحمل دآخلي حبس الأنفآس
ــــــــــــ فيني بقآيآ فآرس يصول و يجول



وآقف أكآبر مآ بقآ بـ همتي بآس
ــــــــــــ و جرح المسآ مآ هو عن الصبح معزول



مآ علموك اِنك بلآ ذوق واِحسآس
ــــــــــــ واِنك تعيش اِن عشت منفي و مجهول



يآ جآهلٍ بـ النآس لآ تجرح النآس
ــــــــــــ خل الكلآم يموت لآ تحيي القول




قصيدة : مآ علموك اِن الحكي يجرح النآس .. !

لـ : فارس الصحراء






.
.

[سالم الظفيري]

بعض المواقف .. ماتبررها الاعذار
لو تعتذر مليون مرّه نسيتك .

. لا.. لاترجّى .. يوم صار الذي صار
أخطيت في حقّي .. ويكفي نهيتك .

. ماقلت لك .. لاتحرق الجوف بالنار
ماقلت لك .. لاتبيع دامي شريتك .

. خلاص وانسى مامضى صار تذكار
قرّرت أبرحل .. من حياتي محيتك .

. موّل على فرقاي واضرب على الطار
وارقص على اطلال ساحات بيتك .

. لكن ،، تذكّر اني امرار وامرار
باحلا المشاعر من خفوقي عنيتك .

. ياما على شانك تحدّيت الاخطار
وياما على شانك بروحي فديتك .

. وياما على شانك تجرّعت الامرار
وياما بصدقي من حناني سقيتك .

. وياما فرشت الدرب في وجهك ازهار
ياما ،، وياما ،، من عيوني عطيتك .

. واليوم .. مدري !! كيف ؟ وشلون ؟ وشصار ؟
خيّبت ظنّي فيك .. وشفني نسيتك .

. بشير اللويش (الراسي ) .