% بنتك اعرست ؟ يااااااعلوه مبروك بس .. ( اصحاب القلوب الرحيمه ).. براا %

[الشبث]

ادري بعضكم يبي يقول جانا ابو شرين :)




في الحقيقه والواقع



كثر الكلام عن موضوعنا اللي فات واللي صار فيه بعض المناوشات

وجاني بعض التهديدات بالتصفيه الجسديه :)



ومن منطلق الامانه الاعلاميه << وش عندوه نذير بالحاج :315r:


اصريت على موقفي في مناقشة كل ماهو غريب وعجيب

في حركات الشيبان الاولين لعل وعسى ان ينصلح الحال







شفنا شلون ان الابن ما يسمي على ابوه لاعتبارات ما انزل الله بها من سلطان




اليوم


عندنا موروث يورثه الاباء لابناهم ما انزل الله به من سلطان بعد




لكن هو موجود في عادات قبيلة شمر

غالبيتها ان لم تكن كلها




وهي



( ان الاب والابناء لا يحضرون زواج البنت )

او الابن على وجه التحديد ويعتبرونها عيب




لا يجيني واحد ولا وحده ويقول انا اعرف واحد حضر زواج بنته


علشان ما اسوي له خربشه للوجه وهو مهو ناقص :)


ادري بهالشي


اللي يقول ان هالسلم او هالعاده موجوده بشمر يعلمنا شلون وليش


واللي يقول انوه مهو موجود من الاساس بشمر

يعلق وياليت لو يحاول يستفز الطرف الثاني


علشان يعصب الطرف الثاني ويكمخوه هنا :)








الموضوع للجميع


اي احد يبي يعلق على احد يتفضل مسموح


بس اول يستأذن مني :)





وتقلدوا تحيتي

[عبدالرحمن]

بعد اذنك يالطيب ابي اعلق:)
فعلا هذه العادة موجودة في اسلوم الاولين :a:
وعندما يعلمون ان فلان حضر عرس بنتوه او اختوه
يقولون وليش رايح هو يبي يقضب(....؟!):puzzled:
اما اليوم فقد زالت من البعض وبقيت عند البعض!
واذكر قبل مدة حضرت عرس ولا شفت ابو البنت -العروس-
فاتصلت عليه وقلت وين انت وليه ماجيت على العرس!
فضحك وقال -على سلوم الاجداد يابو يوسف-!.
وعن اذنك ابي اطس:)

[الشبث]

هههههههههه


لااا يابو يوسف


انت ما تستأذن


انا حاطن كم واحد لازم يستأذنون قبل يردون



انت لا بكيفك







تدري وش اكثر شي يعجبن بك يابو يوسف


انك صريح وتبطه عادي


الحين يجينا واحد ويقول مافيه هالشي


علشان اتلولس بفرتوه واوديه يم واحدن من الربع :)





<< ما يعني ابو فارس




وتقلدوا تحيتي

[سالم الظفيري]

تسلم اخوي ابو ماجد موضوع رائع

بعد اذك خاف ههههههههههههههه



حتى عندنا ترى موجود هذا الشي بس اندثر والحمدلله

انا من وجهة نظري اعتبرة نوع من التخلف

انا اعرف واحد يوم تزوجت اخت دق على وقال نبي نروح نتمشى

وطلعنا وكان متضايق ياليته شايب المشكلة انه شباب

قلت ليش ماتضحر زواج اختك وش فيها

ياخي تحسس البنت انك تبي فراقا يعني وش يكون شعور البنت وبوها وخوانها مايحضريون زواجها

وش تقول المسكينة تقول يبون فراقي وماصدقوا على الله اني اعرس


ياخي انا اقول عرس البنت اهم من عرس الولد والحضور ماهي عيب ولا حرام

بس عادات مالها داعي

الحمدلله ان هالعادات راحت

شكرا لك

لك تحياتي

[ريال الفسحه]

تخيل يابوماجد لو انت بنتي



شلون احضر عرسك ؟




شلون احضر عرسك وانا غاشن الاجودي خخخخخخخخخ

[سالم الظفيري]

ههههههههههههههههههههههههههههههههههه

ريال والله انك صادق هههههههههههههههه


المفروض تسافر قبل العرس بشهر


وتشطبها من كرت العائلة بعد

[الشبث]

سالم


ايوالله تخلف


مع انهن يستاهلن واكثر بعد ههههه




لاهنت



وتقلد تحيتي

[الشبث]

ريال


يا تحضر ولا احط الحره بالضعيف هو واهلوه


علي بالحرام لا اتمصلخ واهز بينهم :)

وتقلد تحيتي

[الشبث]

سالم


براا ههههههههههههههه




وتقلد تحيتي

[بالمختصر..]

،





ماشاء الله مسوي لنا مجلس شورى بهذا ..

أو مجلس سلوم شمّر :)



اللي أعرفوه إذا كان الزوج ابناخي أبو العروس يحضر أبو العروس و أخوانه عادي ..

بس إذا أجنبي ما يحضرون !





.
.

[فرانسيسكا]

مساك الله بالخير أخوي الشبث
هالعادة موجودة عندنا
والله مستغربة منهم
وودي أعرف السبب بس ما وجدت إجابة
دمت بعافية

[الجازي]

وجعه


وانا اقول ليه ابوي صاكن علي هالعمر كله !؟؟

اثره يحتري هالسلم يندثر عشان يحضر عرسي

والظاهر أنا اللي اندثرت :)











الا هو صدز فيه السلم عند شمر !!؟

بس أبي أعرف وش الحكمة !!

[راعي الوقيد]

هلا والله بابو ماجد وموضوعه الرائع
الصراحة مواضيعك قوية وبالصميم حتى اقوى من مواضيع يوسف:)
نرجع حق صلب موضوعك يالغلا
انا ابتكلم عن واقعنا يا اهل حاضرة حايل وبعض القرى المجاورة
اهل البنت ( العروس ) يحضرون العرس وماهو بس يحضرون الا يركضون بيديهم ورجليهم
استعدادا لهالمناسبة حتى انهم هم اللي يقومون بالحفل واستقبال العريس واهله او مانسميهم بالسفارة
استقبال حافل من ابو العروس وعمامه وخواله واخوته وجميع الاقارب حتى اهل القرية عندنا يكونون بإستقبال سفارة المعرس ؛؛؛
اما ظاهرة عدم حضور والد العروس واخوتها حفل زواج ابنتهم فهي قليلة عندنا وتكاد تكون لاتذكر الا ماقل ؛؛؛
والله اعلم
والمعذرة يالعزوة

[ام الرغفان]

خيررررررررررررررررررر طايحه من قش البيت والا طايحه من قش البيت


يحضرون الزواج وهم مايشوفون الدرب قال سلوم قال :148r:



الحمدلله انه اندثر هالسلم والا كان جمعتهم واسعرت بهم



وشكرن على فوران التسبد

[الشبث]

هلا اختي بالمختصر



صح فيه شي هاللون




يعني اذا بناخي يحضر ابوه عادي


واذا من الجماعه يعني ما يحضر



ليه مالوه رب يعني ولا شلون هههههههههههههه




لاهنتي



وتقلدي تحيتي

[الشبث]

ياهلا اختي فرنسا :)


ياخي مدري ليش اذا شغتس تطري علي البليستيشن :315r:






ما عليتس الا انتس تنتظرين معنا لعل وعسى احد الاخوان يفيدنا



اما انا ما ادري والله


ننتظر الشيبان




وتقلدي تحيتي

[الشبث]

يا حيالله اختي الجازي



اول شي من تقصدين بوجعه << زانط الجازي على الجدار:)




والله ياخوتس مدري


توقعت ابو يوسف يفيدنا بهالشي


وهو فعلاً موجود هالسلم

وانا قبل انزل الموضوع سألت شيبان علشان اتأكد


علشان محد يجي ويقولي مافيه


وكلهم قالوا نعم موجود لكن اقل من الاول بكثير


وانا يا محاتسيتس عمي ابو زوجتي ما حضر العرس علشان هالسلم





وتقلدي تحيتي

[الشبث]

هلا والله ابو فيصل



يا سلام عليك


انت جبت نقطه انا نسيت اذكره بالموضوع


وهو ان اهل حايل ما عندهم هالسلم

حتى احد الشيبان قالي كذا


قال ان اهل حايل بالعكس يحضرون ويقومون بالعرس عادي





لاهنت يابو فيصل


واي شي تسمعه عن هالسلم الاقشر علمنا


نبي نعرف وش السبب



وتقلد تحيتي

[الشبث]

ام الرغفان


بعد قرون انتي



عدي اشوفهم مربطين بالعرس حاضرين غصب هههههههههههههههههه




وتقلدي تحيتي

[شموخ شمالية]

,


,

<< رافعة يده

تسمح لي أشارك :)








ماأزيد على كلام أبوفيصل
فعلآ هالعادة مهي عندنا بحايل
بالعكس أهل البنت هو اللي عليهم العرس والعريس يجي ضيف





يعني بزواج ماجد على بنتي العرس راح يكون علينا وأنتم عليكم الرحالة :7ayyoh:
الف مبروك مقدمآ










لاعدمت تواجدك يالطيب

[عبدالله الجعيثن]

ابو ماجد



اكثر السلوم المتوارثه ماله تعليل او تحليل منطقي ........... ولا بتحصّل اجابه



كلامي نفس كلام اخت بالمختصر


ان كان ولد عم وقريب حيل ...يحضرون


اما ان كان متطرف وبعيد ...مايحضرون

[الشبث]

انتم تشوفون هاللي نشبت بنته بحلوقنا



خخخخخخخخ




اقووول


اعقلي


ههههههههههه



نورتي الموضوع ام عمر



وتقلدي تحيتي

[الشبث]

هلا والله ابو غازي


كلامك جميل


وهذا اللي انا اعرفه عن هالسلم


بس وش السبب ؟


الظاهر مافيه اجابه




وتقلد تحيتي

[عبدالرحمن]

تبي سبب تغيير السلم
ولا تبي سبب التمسك بالسلم؟
ادري تبي سبب هالسلم!
السبب هذا من سلوم الجاهلية!
نعم كانوا العرب قبل الاسلام ينبذون الانثى وفي كل شيء!
وقد بين لنا القرآن الكريم ذلك في الكثير من الايات!
واما ازالته من اماكن وبقاه في اماكن اخرى فهذا الامر
يرتبط بتخالط وتزاوج وتمازج البيئة! بمعنى كلما اقتربت من المدنية
ابتعدت عن الكثير من العادات والتقاليد الخاصة بك!.

وسلامتك ورح اجر لنا باصات مهو باص ابوغازي هاللي تقل باص مسلل:)

[-------]

سبحان الله حتى هالعادة موجودة عندنا << وش دخلك انتي اصلا :d:

هذي العادة والطبيعة موجودة حتى عندنا
واتوقع ان الحيا له دور

يعني يستحي الاب او الاخ ان يحضر زواج اخته او ابنته لجل مايعيرونه الاخرين او يتكلمون

عليه من وراه وهو مايدري ويطيح من عينهم

وهذا يدل ع عاداتهم وسلمهم وليس للدين اي صلة بتخلفهم هذا انما هو السمعه لااكثر

وحاليا بدت الناس تكون اكثر وعي من اول في بعض المناسبات يحضرون
وتغيرت بعض الامور عن ناس وناس كل واحد حسب شخصيته اذا كان يخاف
من كلام الناس مايروح حتى لو كان العريس ولد عمه

طبعا احنا عندنا كبار السن << اي الشياب مايروح زواج بنتهم
اما الشباب لاعادي يروح زواج بنتهم او اخته






مواضيعك جدا لها فائدة ومستفاد منها

لك تقديري واحترامي دائما

[أبو فهد]

موجودة هالعادة


أجل يابو ماجد تبي الأبو و الأخوان يعزمون أنفسهم على زواج بنتهم ؟؟



شو هاض




------------------
أبو فهد الهمزاني

[ليلى بنت عبدالعزيز]

ونت وين تجيب من هالسلوم الي مالها سنع :)


ياجعل ابوي بالجنه يوم خطب ابو محمد ذاك الحين قال نبي العرس سكاتي بجي انا وخواني نتعشى ونمشي
قال ابوي لا والله بنتي وبفرح بها والله يحيك انت ومن يعز عليك
والعرس وامورها كلها على ابوي ولا طابع كروت باسمه يعزم لعرس كريمته :)

[راعي الوقيد]

^
^
ياماملا الجنة الباردة
عز الله ماقصر الشايب ؛ وانتي تستاهلين