زعلان مني لاتقول الحطب طاح

[سالم الظفيري]

زعلان مني لاتقول الحطـب طـاح
عاتب على كيفك وريـح ضميـرك

اخطيت في حقك وعيييت لاارتـاح
ياليتني مخطي مع انسـان غيـرك

ماكنت اجيك ونضرة عيونك سلاح
ولاكنت احس اني من الذنب اسيرك

تضحك وانا قلبي تحت موس جراح
ان ماذبحني عنك حـدد مصيـرك

كنت احسب ايام الغلا كلها افـراح
الين سـل مهنـدك مـن جفيـرك

خلاني احسب للخسـاير والارباح
واكتب قصيد(ن) فيك عله يثيــرك

بيحت دمعي لين سد الغلا باح
حتى قليلك صار عندي كثيرك

مضمي وصالك شوق والشوق ذباح
مضمي وانا دلوي على جال بيرك

عامين برقك في سما الوصل ما لاح
عامين ما داعبت مسمع عشيرك

ماتدري ان الوصل تجنيد الارواح
واليا التقن وافق مسيري مسيرك

ولاكنك اللي لبشك شعري وشاح
اللي تساقط دونه حظوظ غيرك

والياا رجعت بعذر قلنا الحطب طاح
عذرك سمين وكثر الله خيرك

[صلفيق]

ياسلام عليك ياسالم !!
قصيدة رائعة وملامسة للنفس..

صح لسانك وسلمت اياديك
نقل رائع واختيار اروع




كل احترامي،،،

[سالم الظفيري]

الاروع مرورك اخوي ابو مشعل

لاهنت


لك تحياتي

[جمران]

صح لسان الشاعر وبدنك يالغالي

[سالم الظفيري]

تسلم وتدوم يالغالي ابو نورة

شرفني مرورك


لك تحياتي