Al-Jouf Olives

[نادر فهد الخمساني]

السلام عليكم

أتمنى الكل بخيررر وعآفية
عمل بعنوان زيتون الجوف
مشاهدة ممتعة لكم




http://up12.up-images.com/up/viewimages/908858fbf2.jpg (http://fashion.azyya.com)


اضغط ع الصورة لرؤيتها بشكل افضل
*



زيت أضاء الوطن
شعار مهرجان الزيتون الخامس في منطقة الجوف
وبالأمس كان الحفل الختامي
ولله الحمد حصلت الصورة على المركز الأول
في المسابقة التي أطلقتها جمعية الثقافة والفنون بالجوف
ضمن فعاليات المهرجان
وأحب أبارك لصديقي وأخي الكبير عبدالرحمن الفالح
لحصوله ع المركز الثاني
كما أبارك للمبدع حسين الجاسم من منطقة الأحساء على المركز الثالث
الف مبرووووك
وأبارك للكل بنجاح المهرجان وخصوصا أصدقائي في اللجنة الإعلامية
والحمد لله أولا وأخيرا


شكر خاص للمودل / عبووود
وفريق المساعده / مهند .. فهووود .. حمآده ...

Camera Model Canon EOS 7D
Shooting Date/Time 25 / 1 / 2012 5 : 30 : 15 pm
Tv 1/25
Av 4.0
ISO Speed 100
Lens 10-20mm
Focal Length 10.0 mm
Flash Type Built-In Flash

بالتوفيق وربي يسعدكم

[أبو فهد]

إن كانت الصورة ملتقطة بدون أي تعديل ببرامج تحرير الصور فكلمة خيال قليلة بحقها



الله يخلي هالليد لأهله




شكرا أخي نادر




------------------
أبو فهد الهمزاني

[بالمختصر..]

،





من زمان عن التصوير ..

صوره رائعه جداً و مشبّهه ع المودل :) و زاد شكّي بعد ما قريت إسمه عبود :)


ابسألك إذا ممكن ، بـ كم إشتريت الكام و من وين ؟

و وش فرقه عن Canon EOS 60D 18 MP CMOS Digital SLR Camera with 3.0-Inch LCD ؟؟

فيه فرق في الرقم بـ الموديل ( 7d , 60d ) يرمز لأيش ؟ :)





.
.

[نادر فهد الخمساني]

أبو فهد
يا هلا يا هلا وغلا
مساءك جوري
تسلملي ياغالي
الصورة طبيعيه ومافيها اي اضافات من خارجها
تم استخدام فلاش خارجي سبيد لايت عن طريق الوايرلس
عشان كذا فيه اختلاف مقصود في الاضاءه بين الهدف والخلفيه

الصورة بكل تأكيد دخلتها ع برامج وأهمها الفوتوشوب
لا يوجد اي شرط في المسابقه تمنع دخولها للبرنامج
ولكن الممنوع هو اضافة عناصر من خارج العمل وادخاله بالكادر
مثل ادخال خلفيه ... ادخال عنصر ما ... تركيب صوره على صورة <<< هذا يصير تصميم وهذا المرفوض
لكن اذا كان ادخال الصوره مقتصر ع تعديل الوان وتعديل اضاءه فمسموح وهذا المطلوب لتفادي الاخطاء البسيطه واظهاراها بشكل افضل

ولكي تتضح الصوره اكبر
المرأة جميله ... وتصبح اجمل اذا وضعت الميك آب بشكل لطيف ..
الصوره جميله .. وتصبح أجمل اذا وضعت اللمسات بشكل لطيف ...

شاكر لك ومقدر يا غالي .. ومنورني ....



بالمختصر
هلا بك ومرحبا
مساءك خيرر
لآزم ترجعين تصورين والانقطاعه ماهي بصالح اي مصور ..
وعبود هههههههه والله علومه علوم الله يستر بس ..
وبالنسبه للكام يا طويلة العمر شريته بـ 5600 من كام فور سيل <<<< ماهي دعايه للمحل كثر ماهي اجابه عن السؤال ^ _ ^
وبالنسبه للفرق بينه وبين 60 دي .. 60 دي اصدار اقدم وسعره
60 دي امتدام للـ 40 دي و 50 دي
مثل 600 دي امتدام للـ 400 دي و 450 دي و500 دي و550 دي
طبعا امتداد يعني اصدارات مشابهة اما بالخصائص او بالشكل الخارجي يكون قريب حيل ...
اما 7 دي مثل ماتقولين رائعه كنون ... او طلعة كنون .. موضة كنون ..

7دي :
18 ميقا بكسل
و19 نقطة فوكس << تركيز
8 صور في الثانيه
خيارات الفوكس اشمل واسرع
12800 الايسو
هذا ابرز شي

اما 60 دي :
18 ميقا بكسل
9 نقاط فوكس
5 صور في الثانيه
الايسو 12800

هذا ابرز الفروق بين الكامين ...


بالتوفيق لك دوم وشكرا لاتحة الفرصه لهالنقاش الفوتغرافي ....

[هند القاضي]

إلتقاطه رائعه وتصوير محترف


يعطيك العافيه ولا تحرمنا نطمع بالمزيد

[لوليتا]

*
*

التركيز رائع والاضاءة والزاوية والدقة
والموديل حكاية تانية
حقيقي لقطة بارعة واستحقت الفوز بجدارة
ما شاء الله عليك اخي
وليت ما تنقطع عنا بجمال صورك
بالتوفيق


*
*

[شموخ شمالية]

,


,


أبدآآع ماشاءالله




أنا عندي هواية التصوير لكن يبي لي دورس
اذا ممكن أخوي نادر تعطينا دروس هنا
وأبي أعرف أفضل أنواع الكاميرات


آسفه ع الاطالة




أحترامي وتقديري لك

[نادر فهد الخمساني]

هند
اهلا وسهلااا
صباحك خيرر
الله يعافيك ويسعدك
مشكوووره

لوليتا
يا هلا ومرحباا
صباحك خيرر
الله يسلمك
قراءة فنية استمتعت بها
وان شاء الله موجود هنا ع طول
موفقه

شموخ
يا هلا بك
صباحك خيرر
الله يخليك الابداع فيكم

ماشاء الله .. هواية ممتعه
وأنا منكم وفيكم وأرحب وأتشرف كذلك
لكن الهواية وحب التصوير لحاله مايكفي بدون الأدوات
لازم اعرف عدد اللي يملكون كام احترافي
واللي يملكون كام رقمي
بناءا عليه احدد طبيعة الدروس مبدئيا
وبعدين نصير نطمع نشوف نتايج ونعمل مسابقات
والأخوان المشرفين مايقصرون هنا

بالنسبه لأفضل انواع الكاميرات
افضل كاميرا كنون بـ 25 الف ريال
وافضل كاميرا نيكون ب35 الف ريال
!!!
الكاميرات تبدأ اسعارها من 2500 ريال الى 40 الف ريال توها نزلت
هذي كاميرا بس بدون اي عدسه .. والكاميرا بدون عدسه ماتصور شي .
العدسات اسعارها من 350 ريال الى 150 الف ريال ...

طبعا انا قلت هالكلام مو من باب التنفير
ولكن عشان يكون الواحد ع بينة
ويعرف ان التصوير مكلف شوي
ويخليك تفكر قبل لا تشري ايفون او ايباد او او .. تفكر مع نفسك وتقول اشتري عدسه ولا ايفون !!
عشان كذا اتوقع السبب في ان جوالي نوكيا لهالحين

عموما انا معاي كاميرتين
و 5 عدسات تخدم كذا مجال
وملحقات ثانيه من باتري قريب وفلاتر وترايبود وفلاش خارجي
والسعر ماتجاوز 20 الف ريال
فلو تشترين كاميرا حلوه مع عدسه تخدم مجالك ماراح يكلفك 4 الاف الى 5 ان زادت ..
لأنك تحتاجين احيان فلاش او اضاءه معينه .. المكسمم 5 تقريبا ...
طبعا عدسه تخدم مجالك ... مجالك يعني : تصوير اشخاص واطفال
تصوير منتجات وستيل لايف ( ورود واطباق و و )
سبورت .. رياضي وسريع واهداف متحركه
ماكرو : ( الاشياء الصغيره والدقيقه : حشرات او قطرات ع الورد او ... )

واللي يبي يجمع بين هالعدسات هذي ... الله يعين الميزانيه عاد ...
تكون عندك الرغبه القويه .. حددي ميزانيتك .. حديي هدفك .. الامور بسيطه ...

بالتوفيق دوووما
وانا من يعتذر عن الاطاله ...

[شموخ شمالية]

,



’


تسلم تسلم أخوي نادر
وشكرآ لك ع المعلومات الدقيقة عن الكاميرات
توّي أدري أنها تاصل لسعر لـ 25 ولـ 40 الف :a:





أنا راح آخذ اللي من الـ 4 الاف وجاي مامن 35 :)

لان تصويري عائلي
وأحيانآ أحب التقط بعض الصور خاصةٍ الغروب
ولكن بعض الصور ماتكون واضحة لانها تكون بعيدة شوي وماتضبط معاي





الف مبروك فوزكم بالمركز الاول
المعذرة نسيت أبارك لك بالرد الاول
والله يخلي لكم المودل عبود
وفهودي وحمادة ومهند

[نادر فهد الخمساني]

شمووخ
اهلا وسهلاا
ولكم بآك
العفوو ربي يسلمك

أبد اذا جزمتي توكلي ع الله
بناءا ع كلامك فأشوف اللي يناسبك
550 دي كنون
مع عدسه 18 55
بـ 2700 ريال
وخذي عدسة 50 ملي بـ 350 ريال
حلوه لتصوير الاطفال والاشخاص عموما
واذا بغيتي فلاش خارجي بالف ريال
وحامل ثلاثي ب 300 ريال
هذي 4300 ريال


طبعا فيه تنبيه بسيط بخصوص الدقه
فيه كاميرا رقميه ( مدمجة العدسه ) اللي سعرها 600 ريال
تحصلين مكتوب عليها 17 ميقا بكسل !!!
والكاميرات الاحترافيه ( حرة العدسه ) يكون سعرها اغلى
ومكتوب عليها 16 ميقا بكسل !!!
فالبعض ينغر .. والصحيح ان البكسل في الصور من الكاميرات الاحترافية
لايقارن بالبكسل في الصور الكاميرات الرقميه


اما كلامك عن بعض الصور ماتكون واضحه انها من بعيد
بالظبط
الكاميرات الرقميه لما تستخدمين الزوم يأثر ع الدقه << لأن العدسه مدمجه مع الكاميرا كلها جسم واحد
لكن الكاميرات الاحترافيه تكون العدسه جسم منفصل عن الكاميرا
فلو تقربين بالعدسه اعلى زوم راح تبقى الدقه في الكاميرا عاليه

اضافه الى ان الكاميرات الاحترافيه عندها قراءة لمناطق الظل والضوء لا تقارن بالرقميه
فمثل وقت الغروب الرقميه تعطينا منطقتين سواد وبياض يكون مايل الى لون معين بس
لكن الاحترافيه تعطينا تحكم بمناطق السواد والتفتيح وتدرجاتهم نغيرها كأننا نتعامل مع برنامج بالكمبيوتر

طبعا اضافة للريزليوشن بشكل عام
وامكانية التعديل ع الصور من غير الدقه ماتضعف

بالتوفيق
وربي يبارك فيك ويخليك
مشكورووره