طير :)

[الجازي]

كويتي لـ "سارق سيارته": احتفظ بها.. وأعد الجوّال فقط



أيمن حسن- سبق: تملكت الدهشة رجال الأمن حيال مواطنٍ أبدى استعداده للتنازل عن سيارة فارهة؛ متوسلاً إلى اللص الذي سرقها، وبها هاتفه الجوّال أن يُعيده إليه، ويستمتع بالسيارة!

وقالت صحيفة "الرأي" الكويتية، الأحد، إن المواطن الذي جنّ جنونه بعد أن تعرّضت سيارته الفارهة للسرقة وبها هاتف نقال، وأسرع بالتوجّه إلى مخفر منطقة السالمية، وأبلغ عن الواقعة، وسجّل قضية سرقة، مزوداً رجال الأمن بالأرقام المتسلسلة لهاتفه المسروق، وأحضر فاتورة الشراء، وعندما طلبوا منه أرقام لوحة السيارة، أفاد بأنه لا يحفظها ولا تهمه السيارة، بل هو لا يريد سوى الهاتف الذي يحوي أسراراً "باهظة الثمن".

ونقلت الصحيفة عن مصدر أمني أن "المواطن في أثناء وجوده في المخفر أبدى استعداده للتنازل عن السيارة لمصلحة اللص، شريطة أن يُعيد إليه الهاتف، وبعد مغادرته بدقائق عاد مجدّداً، وأبلغ الأمنيين بأنه بعث برسائل هاتفية من رقمٍ آخر يخصّه إلى الهاتف المسروق، وأجاب اللص عن الرسائل، حيث أبلغه المواطن بالعرض الغريب الذي يعتزم تنفيذه، وأقسم له بأنه صادقٌ، لكن اللص ردّ عليه برسالةٍ ساخرة مضمونها: "طير!".

وأضاف المصدر "إن رجال الأمن الذين استغربوا الأمر، استفسروا من المواطن عن مدى أهمية الهاتف الذي فضّله على السيارة، غير أنه رفض البوح، وغادر المخفر بعد أن أُحيلت القضية إلى رجال المباحث".



الله لايقهرنا :(

المفروض هو بعد مايبين اهتمامه بالجوال لهالدرجة !!

ويعطله مادام إنه يعرف السيريال نمبر

الله يكون بعونه

كسر خاطري والله :za3lan:


بس بنفس الوقت ودي أشوف هالحرامي أحسه آخر رواقة :)

[ريال الفسحه]

وانتي الصادزه


ودّي اشوف اللي بالجوال :)

[الجازي]

وأنت حتى شفايتك زي حظك :)

أنا ودي أشوف الحرامي عشان أضرب عصفورين بحجر

منها أشوف ردة فعله ورواقته وهل هو عارف باللي بالجوال من زمان ومخطط عليه

وبنفس الوقت يعلمني باللي بالجوال :7ayyoh:

[الحيمري]

هذا طايح حظ يرسل للحرامي والله اني صادق

تقفى يحرامي لاترجع شي قالك اسرار قالك


والله لايبلانا بمرض الشفايه

[متعجب]

لو تعرفون شنو اللي في الجوال كان عذرتوه :3ayyen_khair:


:

الله يرد لوه جواله

[راعي الوقيد]

طارت بوهتك يابعيييد:puzzled:
لعنبو حيه تسيف مابوه ذرة حيا:(

[سالم الظفيري]

سراحة يستاهل كلمة طير فعلا طير من جد

يعني الجوال مسروق والاسرار مفضوحة

لايكسر خاطر ولا شي يستاهل اكثر


وش تتوقعين في الجوال يمقن شي خطير يمقن لا

لاهنتي

[الجازي]

أبو منيف

ماهقيت بيفرط في سيارته الفارهة الا من شيء كايد :(

الله يعقل عليه جواله

[الجازي]

متعجب

آمين يارب

[الجازي]

راعي الوقيد

بالله لو بوه ذرة حياء كان سرق السيارة أصلاً !!؟ :)

الله يرد لوه سيارتوه وجوالوه ويعلمونا عاد عقب بالنهاية السعيدة والبلاوي اللي في الجوال :7ayyoh: <<< مامن شفاية أبد :)

[الجازي]

سالم

يقرب لك اللي سارق السيارة :)

حرام عليك ياشيخ هو وش دراه ان سيارته بتنسرق !!؟

<<<< الظاهر انا اللي يقرب لي راعي السيارة :7ayyoh:

[ابو ضاري]

اللي بالجوال اكبر من السياره

تمتع بها ايها الحرامي الرائق

[شموخ شمالية]

.


,


الله يكون بعونة طاح بيد إنسان مايخاف من الله
أكيد الجوال فيه أشياء خاصة له وخايف من الابتزاز

لاحول ولاقوة الا بالله

[متفاائل]

مصائب قوم عند قوم فوائدوا السياره تنازل عنهاا والجوال رايح يساومه عليه اذا نوى يرجعه

الله لايبلانا لو مابين اهتمامه يمكن تصير اهون

[الجازي]

أبو ضاري

ليه !!؟

وش اللي بالجوال !؟ <<<< ردك مشبوه :)

[الجازي]

شموخ

ياكثر الجوالات اللي بها أشياء خاصة

بس أتوقع السالفة أكبر من كذا

تهقين فيها بزنس ومصاري :)

ماودتس نقوقل على هالسالفة ونخلي الحضرمة تطلع على أصولها :d:

[الجازي]

أبو عمر

نفس رايي

لو مابيّن اهتمامه

إلا إذا كان مسويها حركة وملعوب يبي يلعب على هالحرامي عشان مايقفل الجوال ويقدرون يصيدونه من تحديد موقع الجوال !!!؟ <<<< والله ويطلع منتس يالجازي هالحركات البوليسية :7ayyoh:

[متفاائل]

والله اتوقعه كذاا لانه ماهو معقول بيترجى حرامي ويبين ضعفه ويضحي بسيارته

[الجازي]

أجل خلاص

الرجال مستغني عن دعواتنا

وصار أذهن منا :7ayyoh:

الله يعطينا على قد نيتنا بس <<<< تسنها تحسفت على تعاطفها الأول :)

[متفاائل]

هههههههههههههههههه

زود الخير خير يابنت الحلال اللي يسمعه يقول جابت الموافقه ههههههههه

[الجازي]

وش يدريك

تلقى سيارتوه رجعت لوه الحين وحنا قاعدين ندعي ونقنت مادرى عنا ولا جاب خبرنا :)

آه بس ليت من يعرف الحرامي عشان أقول له يقفل الجوال والا يرميه بالبحر ولا ينضحك عليه بهالخدعة <<<< بدا التعاطف مع الحرامي :7ayyoh:

[متفاائل]

خخخخخخخخخخخخخخخ اشغلتي نفسك
ادعي للحرامي هالمره :)

[الجازي]

أنا مع نصرة المستضعفين ظلمة أو مظلومين :7ayyoh:


الله ينصرهم في كل مكان :)

[متفاائل]

أنا مع نصرة المستضعفين ظلمة أو مظلومين :7ayyoh:


الله ينصرهم في كل مكان :)

ههههههههههههه مافيك حيله:)

[الجازي]

يعني تهقى انوه سارق السيارة من بطرة !!

تلقاه ضعيف حافي منتف :)

خله يسترزق وينغنغ شوي ويذوق النعمة المحروم منها :7ayyoh:

أعوذ بالله تسان حاسدين الفقير حتى على الحنشلة :)

[متفاائل]

هههههههههههههه

ينطل على قده :)

[الجازي]

يمكن هذا قده !!

[متفاائل]

الا ماتوقعين هذاك من قو الصدمه يبي يقول يرجع السياره وياخذ الجوال وبلش بتاليه
:)يالله وش ورانا خلنا نفصفص السالفه يمكن نجيب لهم حد خيوط الجريمه

[الجازي]

لا لاتخاف عليه

هذاك بطران ماينخاف عليه

بس هالضعيف ياقليبي من قو العرض اللي وصله شكله بينلخم ويتفاعل مع رسايل البطران ويخلي الجوال مفتوح ويصيدونه !!

صح انه قال له طير :)

بس ولو مايمنع انه طارت بوهته وقام يفرد عضلاته يحسب انه هو القوي :(

حلالات من يوصل له وينبهه قبل لايصيدونه !!

كوده يتابع النت ويطيح على موضوعي ويتنبه لنصايحي وعقبها عاد يرسل لي حقي من السيارة اذا باعها :7ayyoh: <<<< طلعتي على حقيقتس :)

[جمران]

لو انا الحرامي تسان رميت جواله عليه وخذيت الموتر


الله لايبلانا

[الجازي]

الا يرميه بالزبالة :)

نصبر ونشوف وش يطلع معهم !!

[عبدالرحمن]

الامر عادي ولا فيه غرابة:a:
اكيد لو تسرق سيارة جاسم الخرافي او خالد التويجري او سيارة فهد السالم او الوليد او ....
يعني اي واحد يملك الملايين سبحث عن الجوال لا عن السيارة!
لانه بكل سهولة سيحصل على نفس السيارة !
لكن مافي الجوال من ارقام واسرار مال واعمال وعلاقات عمل وعلاقات شخصية
وادارة اموال و............. قد لا يحصل عليها او لا يحصل عليها ابدا!
وكمثال يمكن الشخص من المعددين في السر
ويخشى على ثروته من شيئا ما> وش عندوه :).
لك تقديري وعسى الله ينهي كل حرامي وسروق.

[الجازي]

معددين وفي السر بعد

أجل جعله من هذا وأردى :)

مدري

بس ما أتوقع بيحرص على جواله كل هالحرص عشان أرقام وعلاقات عمل وووو

البزنس مان عادة ياخذ احتياطاته وما يكتفي بتخزين معلوماته في الجوال

عموماً ستبدي لك الأيام ماكنت جاهلا

أما نشوف بئه ايه هاللي حيحصل :)

[سالم الظفيري]

شلون لو يطيح السروق بيدك

والله يا فضيحتة بجلاجل

ليش ماتسوين حملة الجازي لسارق الجوال

وتدفعين فدية له مرة وحدة

سوري على النكسة

[شموخ شمالية]

.



.

يعني الدعوى به دراهم :brows:

الجازي تخاوين للكويت هالاسبوع

[الجازي]

لا بجلاجل ولا بالغاط :)

أنا راعية فزعة مانيب راعية فضايح

بس فزعتي للضعوف والمغفلين :7ayyoh:

ما أحب أحد يستقوي ويتذاكى عليهم حتى لو هم مخطين :)

[الجازي]

شوشو

أنا واثقة فيتس يابعدي

روحي لحالتس وبتستقبلتس ريوم

وأنا بتابع أخباركم من هنا

:)