جونا وجوكم!

[الاصمعي]

السلام عليكم




السلام عليكم



يقولون علم الحيا والطيبين يبين:)


طرى عليّه طاري الجو وحبيت**أنشد عن اجواكم واعلم بجوي
لطاري المطر والغيم اشتقت واشفيت**متى يجي ثم يحي عرقٍ مذوّي


دخا الوسم وتقل فزينا للمطر وطاريه :7ayyoh:


أما علوم المطر فالأرض ممطورة**والله يتبع لها من واحد ناشي
والأرض بعد المطر بالخير مذكورة**ذكر الحيا بالجزيرة عده الماشي



الله الله نبي كلٍ يذكر الي يشوف أو يسمع من بشاير الخير: غيم - رشة مطر بسيطة -مار لو نسمة هوى حلوه:)
عاد حنا يا أهل الشرقية كل يوم والثاني نفز لهالي نحسبه غيوم مطر وبالأخير تطلع كتل رطوبة:za3lan:
تحياتي

[شموخ شمالية]

.



.
مار لو نسمة هوى حلوه هذي منذو مبطي والنسمة الحلوة بأجواء أجا وسلمى:)
والجو يهبل براااد بس الليله الجو أعتدل من النهار والجو حار شوين





اليوم مالنا المخش عند السديري مذابح على الدفايات >> قويه :)




ان شاءالله راح نوافيكم بالاخبار أول بأول عن أجواء حايل

[الاصمعي]

أول الغيث قطرة!

وأول البشائر نسمة هواء عليلة من شوامخ أجا وسلمى نقلتها لنا شموخ الشمال:)

تسلمين أختي شموخ وبانتظار توالي البشاير من هنا وهناك.

ولازلنا نرقب : العارض الي علق قلوب وابصار**ضميا تحرى بلهفة دموع نحبه
هل: يجود بالغيث المري أو هو غبار**أو ان هبوب الكوس عنا نزح به
مدري وافوضها لعلام الأسرار يغيثنا بلطفه وعطفه وواسع رحمته

[بالمختصر..]

،




موضوع شي :)

يا زين هالطاري .. مطر و براد ..


ممكن اضيف شغله ، فيه موقع رائع جداً لمعرفة الطقس ( درجات الحراره و إتجاه الرياح و سرعتها و نسبة الرطوبه اللي ذابحتنا :( )

و فيه صور من الأقمار الصناعيه و رادار ..

http://www.accuweather.com/default.aspx

اختر اللغه العربيه اذا كان انقلش ..


لا هنت ،








.
.

[سالم الظفيري]

الله يعطيك العافية يابو خالد


على هالموضوع الحلو

الله يجيب المطر والربيع
هبت هبوب الوسم وابرد به الجو _ والقيض قفا وانخفض بالحراره
الوسم شرف وانتشر بالسما النو _ والوبل نازل من طهاه ابغزاره
نـواً عـريـض مـدلهـمٍ ضـفـا تـو _ فيه الرعد والبرق يوضي مناره






لك تحياتي

[شموخ شمالية]

.


.



اليوم جوّنا ماهو مضبوط
غير البرد ... الجو مكتّم الله المستعان

[ابو ضاري]

وعليكم السلام

شكرا ابو خالد


الاجواء باعتدال ومن احسن لاحسن ان شاء الله


الله يجيب الخير ان شاء الله

[شموخ شمالية]

.


.


هالصور صورتهن أمس الساعة 5 العصر وكان الجو ماهو صافي

واليوم زين لكنه بااارد شوين


http://www.up.qatarw.com/up/2011-10-21/qatarw.com_1999220903.jpg (http://www.up.qatarw.com/)

http://www.up.qatarw.com/up/2011-10-21/qatarw.com_351644578.jpg (http://www.up.qatarw.com/)

http://www.up.qatarw.com/up/2011-10-21/qatarw.com_495947144.jpg (http://www.up.qatarw.com/)

[الاصمعي]

،

موضوع شي :)

يا زين هالطاري .. مطر و براد ..


ممكن اضيف شغله ، فيه موقع رائع جداً لمعرفة الطقس ( درجات الحراره و إتجاه الرياح و سرعتها و نسبة الرطوبه اللي ذابحتنا :( )

و فيه صور من الأقمار الصناعيه و رادار ..

http://www.accuweather.com/default.aspx

اختر اللغه العربيه اذا كان انقلش ..

لا هنت ،

.
يا هلا ومرحبا بالمختصر المفيد

أي والله يا زين طاري المطر وابلراد ، والبراد هذا حنا وياه غدينا زبون ولله الحمد وباقي المطر عسى الله يجيب المطر

تسلمين على البرنامج الممتاز

تحياتي

[الاصمعي]

الله يعطيك العافية يابو خالد

على هالموضوع الحلو

الله يجيب المطر والربيع
هبت هبوب الوسم وابرد به الجو _ والقيض قفا وانخفض بالحراره
الوسم شرف وانتشر بالسما النو _ والوبل نازل من طهاه ابغزاره
نـواً عـريـض مـدلهـمٍ ضـفـا تـو _ فيه الرعد والبرق يوضي مناره

لك تحياتي
الله يعافيك ابو زياد

والحلو حضورك مع هالاختيار العالي لهالأبيات ذات القافية المميزة !

الله الله بجديد أجواء العاصمة الغالية علينا بغلا أهلها :)

تحياتي

[الاصمعي]

.


.



اليوم جوّنا ماهو مضبوط
غير البرد ... الجو مكتّم الله المستعان

وهو كذلك عندنا يوم الخميس

بدا بكتمة ثم تطور لغبار الي هجد مع الغروب بس بقى الهوى صلف ومزعج لقريب منتصف الليل تقريباً

لك التحية والتقدير على المتابعة

[الاصمعي]

وعليكم السلام

شكرا ابو خالد


الاجواء باعتدال ومن احسن لاحسن ان شاء الله


الله يجيب الخير ان شاء الله
يا هلا ومرحبا

حيى الله الي ما بين من فترة

اعتدال الجو وهالنسمات الحلوة الي استمتعنا بهن هاليومين ان شاء الله بشاير خير لما بعدهن من خير

أسعدني حضورك

تحياتي

[الاصمعي]

أم عمر صوري لنا المطر ما علينا قل غبار:)

ممتن لحضورك ومتابعتك وتفاعلك الجميل

يالله بانتظار صور الغيوم والمطر :)

تحياتي

[الاصمعي]

لو بنفسي هم كبر طويق طاح**تصفي أجوائي وتنزاح الهموم
لا ادلهمت وارعدت والبرق لاح**واختلط صفق الهوا بدمع الغيوم
^
^
بين قول ومنقول:)

يا صبايا ويا شباب:)
هاتوا أخبار السحاب
والندى بعد الضباب

والعلوم الي تونّس

وللحديث بقية ..

[ريال الفسحه]

اهم شي لايلفي الشبث بهذا

والا تصير


رطوبه

وعج

وحر


:)



خوش موضوع يابوخالد


حنا تونا بدينا نبرد

[الاصمعي]

الله يجيب المطر أي والله اشتقنا:)

يا هلا والله بسلمان

حياك الله

ههههههه أجل لو يويدز الشبث تقوم العجة:)

ياخي والله ان مشتاق حيل لطشة المطر<<شف التواضع لو طشة مطر:)

بشرونا النفس ضميا**والمطر سر الحياة

حيالله

[الاصمعي]

فيه قطيعات غيم بالسما:)
العارض الي علق قلوب وابصار**ضميا تحرى بلهفة دموع نحبه
يجود بالغيث المري أو هو غبار**أو ان هبوب الكوس عنا نزح به

يالله تسر النفس بشوفة المطر:)

[الاصمعي]

الوقت مر ونفسي بشوقه تمور**تتنى الذي لا جا همومه حصدها
طار المطر لامن حضو لو شختور**تنسى الشقا وسعادنه تعتمدها
من جاب لي علمه مقدر ومشكور**وان شفته بعيني فلا يا سعدها

[راعي الوقيد]

ياهلا والله بابوخالد وبشاير الخير بهالماضوع
وابشركم امس حصلنا طشتن خفيفة واليوم جونا غيم ثدزيل
واول الخير طشه:)
والخير باقبال بإذن الله
يالله بنوٍ كما القنديل براقه * لاناض برقه علينا تنثر ارناقه
لكم التحية

[الاصمعي]

هلا والله ومرحبا

بشير الخير ببو سمي

حيى الله الذيب الي يغيب ويجيب:)

حيه وحي هالطاري الي يشرح النفس

اي والله مشتاقين للمطر وذكره

وطشه وطشتين يفيضن بوديان ليا حط الله بهن البركة :)

زدنا من هالعلوم كل ما توفر جديد

[الاصمعي]

الأرصاد يذكرون منخفض جوي على الوسطى والشرقية وجونا غيم وعيننا على المطر !

اللهم سحاً غدقاً :)

[ابو ضاري]

^
^
اللهم امين ان شاء الله تربع هالسنه

[الاصمعي]

استغاثة الشاعر محسن الهزاني
متى نشوف هالمناظر:)
http://www.youtube.com/watch_popup?v=DnXMspqnWFQ&vq=medium#t=40

أبيه تظهر مباشرة مهو رابط مار ما ضبطت:za3lan:

[-------]

جونا اليوم تكفى
ارحم أحوال الحبايب
خايف الغالي يمرض :d:
السبب كثرة غبارك

باين الليلة عندنا غبار << شويات فيه هوا

شكرا القدير الاصمعي

[الاصمعي]

^
^
اللهم امين ان شاء الله تربع هالسنه

آمين ثم آمين آمين آمين**هذي السنة أمطار خير وربيعي
وبشايره قامت توالى من الحين**طشه هنا وهناك والجو بديعي
نبي ربيعه عام ثنين وثمانين**يوم الزبيدي بكل خبٍ صليعي:thumb:

[الاصمعي]

الله يجيب أمطار تدفن اغباره**وتقلب شهاب الأرض يا بنت أخضر
ونذوق حلوه بعد ذقنا المرارة**والسو يقفي وطاري الخير يحضر

شكراً لحضورك ايثار

[شايب قلبه خضر]

الله كريم




متى تربع دارنا والمفالي
وتخضر فياض من العام يباس

[الاصمعي]

يا حيالله الشريتس<<بخضار القلوب:thumb:

شرفت يالغالي وبانتظار الأخبار الطيبة


لا جديد عن الجو!!

وين أهل رفحا يقولون طايحتن عليه طشيشة!

الجو جو ان كان بعض العرب جو ** وان كانهم ما جو ما زان جوي :)

تحياتي

[الشبث]

الله كريم يابو خالد


والله انا جيت امس من رفحاء


اعوووذ بالله يالبرد


درجة الحراره ثلاثه يابو خالد


قسك بالله بغا ينكصم وجهي خخخخخخخخ






الله يجيب الخير


وان شاء الله نخيم هالسنه بربيع :)



وتقلد تحيتي

[ريال الفسحه]

الامور طيبه يابوخالد


بعض الرجاجيل يوم وجه شمال الشرقيه والوسطى سالت


عساوه يروح لابهى يما يقضي الوسم :)




الشبث ترا ما اعنيك :)

[الجازي]

^
^
والله انا شكيت بنفسي :)

يوم طلعت من الرياض سالت :7ayyoh:


تسان البلا بي رحت لديار التسونامي والفيضانات كودي اصير مقدسة عندهم :)

[الاصمعي]

هههههههههه حيى الله أبو ماجد

تسمع بعض هالدعايات المغرضة:(

الله يجيب المطر والله جتنا سحابات حليلة بهالشرقية (أنا جتن بالحسا)<<استحوست بهالعيد:)

والحفر يقولون جاه مطر طيب مار مالنا به مراسل يفيدنا بالتفاصيل!


أما البرد مثل ما تفضلت بكل مكان حنا بالشرقية ما بغينا ندفى ثاني وثالث العيد ، وأكيد كل ما اتجهت شمال البرد أكثر!!

الحمد لله على السلامة وكل عام وانت ومجودي بخير

حياك

[ريال الفسحه]

ابوخالد


معيّد بالاحساء ولاتمر :(

[الاصمعي]

الامور طيبه يابوخالد


بعض الرجاجيل يوم وجه شمال الشرقيه والوسطى سالت


عساوه يروح لابهى يما يقضي الوسم :)




الشبث ترا ما اعنيك :)

وتسل الله ما يصير هالحتسي يا رجل:3ajeeb:
رفحاء جته رشه قبل يجيه وجوه غيوم ، ومن جاه مغير هالشرتا كصمت وجيههم:)

أقول اغديه يروح يعتمر ويعتكف بالحرم له شهر "ليما يقضي الوسم" يقولون عقب هالحج فاضي والإجارات بالأبراج بلاش:)

تحياتي

[الاصمعي]

^
^
والله انا شكيت بنفسي :)

يوم طلعت من الرياض سالت :7ayyoh:


تسان البلا بي رحت لديار التسونامي والفيضانات كودي اصير مقدسة عندهم :)

ربعك الظاهر واجد:)

أنا يكلموني من الخفجي يبشروني بالمطر ويسئلوني عن جو الحسا مار أشوى مالله فشلن جتنا لنا رشة كربت وجهي قبل تكرب الأرض :)

بشري عن المطر بالعاصمة عقب ما رجعوا له أهله:thumb:

حياك

[الاصمعي]

ابوخالد


معيّد بالاحساء ولاتمر :(
عساك سالم

عجلاويه والوقت ما يغطي الارتباطات ولا غالين والله

الوعد ان شاء الله بطلعات الربيع

تحياتي

[راعي الوقيد]

ذبحنا البرد يالربع
ما عينتوا الدفااااااا
احيييييييه يالبرد

:28_3_6v:

[ريال الفسحه]

8

منين طلعت هالايقونه ههههههه

[راعي الوقيد]

هههههه
هذي سبيشل:)

[راعي الوقيد]

المطر ...
اذا أحيا الارض بعد موتها فهو الحياء
فإذا جاء عند الحاجة اليه فهو الغيث
فإذا دام مع سكون فهو الديمة
فإذا زاد فهو الهتان
فإذا كان المطر مستمرا فهو الودق
فإذا كان ضخم القطر فهو الوابل
فإذا قشر وجه الارض فهو الساحية
والله اعلم

[الاصمعي]

^
^
معلومات قيمة عسى يكثر شوفنا له على الواقع:7ayyoh:

والدفا هذا هو عندنا بالشرقية بردنا أيام العيد وغرنا على محلات هالسوريين ما خلينا فروة ولا بشت الا شريناه ومار هي تصيف دنيانا من جديد:)

[راعي الوقيد]

والله جوّنا اليوم على كيف كيفكم
وحصل لنا زخات من المطر بشكل خفيف
والخير بإقبال ان شاء الله
مراسلكم:)

[الجازي]

ماشاء الله

الفال لنا ان شاء الله

الا ليه ماتسدحون صور تنعشنا شوي ومنها نصككم بعين :7ayyoh:

[راعي الوقيد]

توقعت هالسؤال
لكن خبرتس ماودنا تروح البركة
:7ayyoh:

[راعي الوقيد]

لكن ع شان خاطر الجازي
تجشمت مخاطر البرق والرعد:m: وصورت لكم هالصور
ومن فضل الله بدت تهثل:)

http://www.shy22.com/imfiles/4ab95902.jpg (http://www.shy22.com/)

http://www.shy22.com/imfiles/ltg95903.jpg (http://www.shy22.com/)

http://www.shy22.com/imfiles/26u95904.jpg (http://www.shy22.com/)

[الجازي]

شموخ

الدنيا ترعد وتبرق فوق راستس وانتي نايمة ماتدرين عن شيء :)

ياحلالات اني مكانتس بس :7ayyoh:

يعطيك العافية يابو فيصل

[الجازي]

“@salman_alodah: في بريدة أمطار غزيرة ورعد وبرق.. الأجواء طيبة مباركة، ربِّ سقيا رحمة لا سقيا عذاب ولا بلاء ولا هدم ولا غرق.”

تغريدة للشيخ سلمان العودة قبل قليل :goooood:

الله يغيثنا يارب وتنزل جنوب شوي بعد :d:

[بنت الجبل آخت القصيد]

حنا الحين

هواء ينفضك نفص الشبابيك تطقطق تبتنكسر << توصف بذمه وضمير:315r:


هواء بارد مع رطوبه خفيفه جوو طلعت بحر << وده تطلع :)
وان شاء تمطر يارب




.
.

[الجازي]

الجو الحين هواء منعنش أوي


ومعه ريحة مطر :) <<< حشا قطوة :7ayyoh:


ان شاء الله مواري مطر الليلة أو باتسر الفجر بإذن الله

دعواتكم سحّاً غدقاً <<< من باب إحسان الظن بالله :)

[الجازي]

ام طلال تسلم عليك يابو خالد تقول الدنيا غيم عندهم بس مامن مطر :7ayyoh:

[ابو فارس]

مطرنا بفضل الله ورحمته


اصوات رعد تتلوها امطار طيبة
منذو عشر دقائق تقريبا ولازال المطر






الحمد لله على نعمه

الخفجي::مدينة الهدوء والبترول

[الجازي]

أبو خالد وينك سبقك أبو فارس

بس مافات شيء

هو منه الخبر وأنت منك الصور

في انتظارك

ومشكور يابو فارس على هالخبرية

الله يغيثنا يا أهل الرياض

[بنت الجبل آخت القصيد]

البارح مطررر يجنن من حلاته ماقدرت انام
والصبح الى الساعه تقريبا 8 وربع مطر انا رايحه للشويخ

والبنات بالجهراء يقولن مافي مطر الصبح :315r:

.
.

اللهم صيبا نافعاً

[ابو ضاري]

الله يجيب الخير على



الجبيل الصناعيه وعلى مدن وطني الغالي

[الجازي]

شعيب وشيّ في المجمعة هذا الصباح :d:

http://i.imgur.com/YEjh1.jpg

[راعي الوقيد]

ماشاء الله تبارك الله
اللهم زد وبارك ؛ بس عاد صدز هالصورة جديدة:)
والله شكلنا باتسر موتن برد :puzzled:
درجة الحرارة بدت تسجل درجات متدنية !!
يعني درجة الحرارة باتسر 2درجة مئوية
احيييييييه يالبررررد

[الجازي]

حنا اليوم الثاني على التوالي

ولازلنا نشم ريحة مطر :) <<< الظاهر جيراننا راشين ملحقهم الطيني وانا مالي غرض بس أشمشم :)


لكن ان شاء الله الثالثة ثابتة

باتسر بشم الريحة وأسمع صوت الرعد وأشوف البرق وألمس المطر <<<< بنشغّل كل الحواس :)

[راعي الوقيد]

تسان هذي نيتس اجل عليك بالخلا:7ayyoh:
اطلعي وابعدي النجعة:)

[الجازي]

والله كل الدنيا سايلة حولنا

مدري ليه مسمينا الرياض !!؟


لكن بحول الله بتمطر بكرة






واذا ما امطرت بغسل السطح واصور لكم المرزام وهو يصب :7ayyoh:

[راعي الوقيد]

الله كريم
الله يرزقنا واياكم من فضله
اللهم اغثنا ؛ اللهم اغثنا

[الجازي]

جنوب الرس

ماشاء الله تبارك الله


http://i.imgur.com/kXaSK.jpg


شكلي بطلب بعثة للرس :)

[راعي الوقيد]

بأي خيمة الصور:)

[راعي الوقيد]

سيول يوم الاثنين شمال الارطاويه ماحولها (السحيمي_ ام طليحه) بتاريخ 25-12-1432هـ
واليكم الصور

http://www.mekshat.com/pix/upload01/prof021/mk30623_img_0026.jpg



http://www.mekshat.com/pix/upload01/prof021/mk30623_img_0028.jpg




http://www.mekshat.com/pix/upload01/prof021/mk30623_img_0031.jpg




http://www.mekshat.com/pix/upload01/prof021/mk30623_img_0033.jpg




http://www.mekshat.com/pix/upload01/prof021/mk30623_img_0040.jpg




http://www.mekshat.com/pix/upload01/prof021/mk30623_img_0049.jpg




http://www.mekshat.com/pix/upload01/prof021/mk30623_img_0051.jpg




http://www.mekshat.com/pix/upload01/prof021/mk30623_img_0006.jpg




http://www.mekshat.com/pix/upload01/prof021/mk30623_img_0007.jpg




http://www.mekshat.com/pix/upload01/prof021/mk30623_img_0009.jpg




http://www.mekshat.com/pix/upload01/prof021/mk30623_img_0010.jpg




http://www.mekshat.com/pix/upload01/prof021/mk30623_img_0019.jpg




http://www.mekshat.com/pix/upload01/prof021/mk30623_img_0020.jpg




http://www.mekshat.com/pix/upload01/prof021/mk30623_img_0021.jpg




http://www.mekshat.com/pix/upload01/prof021/mk30623_img_0022.jpg


http://www.mekshat.com/pix/upload01/prof021/mk30623_img_0055.jpg





http://www.mekshat.com/pix/upload01/prof021/mk30623_img_0057.jpg





http://www.mekshat.com/pix/upload01/prof021/mk30623_img_0060.jpg




http://www.mekshat.com/pix/upload01/prof021/mk30623_img_0064.jpg




http://www.mekshat.com/pix/upload01/prof021/mk30623_img_0066.jpg


http://www.mekshat.com/pix/upload01/prof021/mk30623_img_0038.gif





http://www.mekshat.com/pix/upload01/prof021/mk30623_img_0032.gif






(http://www.safeshare.tv/w/QumpODDOVz)

[راعي الوقيد]

http://www.safeshare.tv/w/QumpODDOVz

http://www.safeshare.tv/w/bqJNpWuyWR

http://www.safeshare.tv/w/gdSDSamgvT

[الجازي]

يالله من فضلك

مناظر تشرح الصدر


يارب تغيثنا وجميع بلاد المسلمين الا اللي عاد ينخاف عليهم من التسونامي :)

[ابو فارس]

هنا
http://www.shmmr.net/vb/threads/83080

لقطات من امطار الخفجي

دمتم بخير

[عبدالرحمن]

صور تسر النظر وتبهج القلب شكرا لكم جميعا.
ابو فيصل صور خويك ابو خليل تخبل وتفضخ العقل:)

[ابو ضاري]

الحمد لله مطرنا بفضل الله اليوم على مدينه الجبيل


وتلبد الغيوم فس سمائها

[الجازي]

ماش

بديت أشك في مطركم يالخفجي !!


أسمع صوت بزبوز يخرخر

وشكل خزان المياه له علاقة بالموضوع :)

<<<< ماغارت أبد :)


ماشاء الله تبارك الله

الله يجعلها أمطار خير وبركةً

[راعي الوقيد]

الا الاصمعي وين هو
لايكون غرقان بسيول الخفجي
يا حبيبي اكالوجه:315r:

[الجازي]

والله بعذره

دام هالزين عنده وش يبي بمقابل وجيهنا :)

[ابو فارس]

اظن
ولاني متاكد
ان ابو خالد(وعلشان راعي الوقيد ابا خالد) طايح بالنوم


ينام بكير ويصحى بكير

وحتى اللي ينام بالنهار
اظن اليوم ماا حد نام من زين الجو


اتوقع ان الخفجي الان احسن من روضة خريم--مايقصد شئ

[عبدالرحمن]

الاصمعي دقيت عليه واسمع صوت خرفشة بالطو مطري :)

[الجازي]

كان سجلت المكالمة عشان نسمع الخرفشة :)

نبي توثقون كل أحداث الأمطار :7ayyoh:

[ابو فارس]

اجل اتوقع
ان احد سارقه

واحتمال كبير خارج الخفجي


العلم عندك يا ابو يوسف

[عبدالرحمن]

انا سجلت الخرفشة بس ما طلع غير صوت الخرفشة :)
الله العالم انوه سمع بالامطار وطفخ للكنب الشمالي :a:

[الجازي]

أبشركم وصلنا الدور ومطرنا :7ayyoh:

ماراحت الريحة عبث :)

بس عندي سؤال !!؟

قبل شوي أتابع منتدى كاتبين عن توقعات الأمطار ومتابعة مستمرة لها

لفت نظري واحد كاتب : (( ظهور نجمة في سماء رياض الخبراء )) !!؟

ومنزل صورة النجمة واضحة !!

هل هي نجمة معروفة ولها دلالة معينة !؟

والا تهقون يقصد انه انقشع الغيم <<<<< برا :)

[راعي الوقيد]

نجمة الصبح مثلاً:)
يمكن ماهي نجمة هذا الظاهر كوكب المشتري
والله اعلم

[الجازي]

طيب وكوكب المشتري له دلالة على شيء والا لأ !؟

[راعي الوقيد]

وش دلالته :)
ليه شريطي مثلاً:7ayyoh:

[الجازي]

^
^
وانا اللي احسبك تفهم في هالامور !!

قلت اكيد ماقال كوكب المشتري الا وهو عنده علم :)

اقول الله يخلي لي قوقل بس :7ayyoh:

[ريم شمر]

الجو اليوم بالكويت سويسري :d:


الفجر امطار ورعد وبرق .....والحين مابين غيم وشمس تطل على استحياء وهواء عليل

بحاول اطلع والتقط لكم صور


شكرا لك ابو خالد على فتح هالموضوع الرايق

[راعي الوقيد]

ماشاء الله يا ام طلال
اجل خير وخماتسير
الله يتمم لكم ع خير

[ابو ضاري]

امطار خير وبركه

[الاصمعي]

أيهما أصح؟

المطر جاء

جاء المطر

أو ماحنا بالفصيح :)

يا هلا والله ومرحبا

يا هلا بالمطر ومن جابهم المطر:)

حياكم وبياكم وجاكم الذيب وكلاكم<<معليش ضرورة سجعية هههههههه

أرحبوا مليار وكرروا المسيار والحمد لله ع الأمطار

اللهم صيباً نافعاً

اللهم أحي ديارنا وقلوبنا وزدنا من جميل عطاءك وواسع فضلك

الله كريم الخير بانت مواريه**عم الحيا أرض الجلد مع نفوده
حي المطر يا مرحبا في طواريه**سوالفه سلك البريسم يقوده
واهلاً وسهلاً في نشاما حكو فيه**كل من حضر يسلم وتشكر جهوده


أكرر ترحيبي بحضوركم المسابق والمبشر لحضور المطر وشكري لنقلكم أخبار الأمطار ومشاركتا الصور المبهجة ، وهاتوا جديد الأمطار ومفرح الأخبار ونحن بالإنتظار :)

[الاصمعي]

عشقت البر (http://www.youtube.com/watch?v=pIvr5bUseko)

[الجازي]

نجمة الصبح مثلاً:)
يمكن ماهي نجمة هذا الظاهر كوكب المشتري
والله اعلم


والله منت سهل يابو فيصل :)

المعذرة منك صار عندك بعض علم وأنا مدري :)

بدل المشتري طلع الزهرة :7ayyoh:

http://i.imgur.com/N36g6.jpg

يُعرف باسم "نجم المساء".. ويزداد ارتفاعه مع مرور الأيام
"فلكيّة جدة": كوكب الزهرة يسطع في سماء المملكة طوال فصل الشتاء

سبق- جدة: تشهد سماء المملكة هذه الأيام وطوال فصل الشتاء، سطوع كوكب الزهرة عقب غروب الشمس في الأفق الجنوب الغربي، بحسب الجمعية الفلكيّة في جدة، التي أشارت إلى أنه مع مرور الأيام يزاد ارتفاعه في السماء. وبيّنت الجمعية أن الكوكب المعني يُعرف باسم "نجم المساء"، وأن لمعانه يبلغ – 3.9، وهو يظهر على هيئة نجم لامع شديد السطوع عند النظر إليه من خلال العين المجردة، وهو ألمع الكواكب في نظامنا الشمسي. وأرجعت قوة لمعانه إلى قرب كوكب الزهرة من الأرض، إضافة إلى أنه مُغطى بطبقةٍ من الغيوم على الدوام. وأضافت: عند النظر إلي "الزهرة" عبر التلسكوبات متوسطة الحجم، سوف يظهر حاليا كبيراً كالقمر ووجهه مضاء بنسبة 90.44 في المائة. جديرٌ بالذكر أن كوكب الزهرة هو أقرب كوكب إلى الأرض من حيث الحجم، فقطره البالغ 7700 ميل ينقص عن مثله الأرضي بـ 200 ميل ويتحرّك في مدار على بُعد 76 مليون ميل من الشمس، ويقترب من الأرض إلى بُعد يبلغ 25 مليون ميل – أقرب من أي كوكبٍ آخر.

[راعي الوقيد]

هههههه
ترى نجمة الصبح عندنا هي كوكب الزهرة:)
ولعلمك ايضاً الكوكب الآخر الموجود في سماءنا هو كوكب المشتري
وتأكدي من صحة كلامي
واذا انتي مهتمة هالموقع يفيدك
تنقحي وتابعي النجوم والكواكب في القبة السماوية
Venus كوكب الزهرة
Jupiter كوكب المشتري

http://neave.com/planetarium/?lat=27&lon=42&alt=71&azi=7.5&t=201101012207

:7ayyoh:

[راعي الوقيد]

http://msnbcmedia3.msn.com/j/MSNBC/Components/Audio/081128-space-conjunct-hlarge-2p.hlarge.jpg

حاجة زي كذا :)

[راعي الوقيد]

« صورة متحركة لتوقعات الموديل النرويجي من يوم الأحد 27 نوفمبر إلى يوم الأربعاء 30 نوفمبر 2011 م»


http://fotos.subefotos.com/62ef2d58c7205f50317aff832ae4ce00o.gif
http://fotos.subefotos.com/294cc4cf170ddd7609e70e73154726b1o.gif

[الجازي]

المشكلة موقعك مايرضى يفتح معي يقول لازم تدخلين من الدسك توب !!!

بس شكله حلو ومعلوماته توسع الصدر :)

يعطيك العافية


عاد الموديل النرويجي هذا يبيله قعدة !!!؟

من اسمه تقل في عرض أزياء :7ayyoh:

[عبدالله الجعيثن]

ابشركم من الصبح وهي تمطر


مابين خفيف وطش وهالحين قامت تصب المرازيم :)



<<<<لابسن شمسيّة وعد :315r:

[الجازي]

ماشاء الله

الله يزيد ويبارك يارب

انا اصبحت وهم يقولون جاي طش

بس مالقيت شيء

تسانه تبخر في نومتي :7ayyoh:

[شموخ شمالية]

.



,

وحنا علينا أمطار بعد <<< غارت منهم



الله يجيب المطر غدينا ندفى شوين
البااارح والليله ماهن بالليالي بررردن موووت
ويقولون البرد توّه بعد ماجاكم :doh:

[ريال الفسحه]

اليوم ماشاء الله مطر
وخير ..


الله يتبع له

[الجازي]

اليوم جو خرافي :)

مطر والسماء غيم

الله يغيثنا يارب

[الاصمعي]

ما شاء الله تبارك الله

يا حلو طاري المطر

فلكينا أبو فيصل لا هنت على هالمعلومات والمواقع الفلكية

ابو غازي وسلمان مبروك عليكم المطر يا أهل الحسا وبقيق وعسى الله يتبع له ، هكاليوم يوم مطر الخفجي وبعض هالديار مشيت من الحسا بعد الظهر والجو غبار واتعزز لهم :)

أم عمر مبروك عليكم المطر وعسى الله يزيدكم من فضله

الجازي تقولين عليكم مطر والجو غيم ويشرح الصدر وتردفينه بكلمة اللهم أغثنا وشتبون يعني؟ <<صدز بنادم ما يشبع الا من الغبار :)

عسى الله يديم الخير ويزيده على المسلمين وديارهم ويحط فيه البركة ونشوف ربيعٍ ما شفناه من سنيوات

منورين

[جمران]

مغيّمه هالحين الساعه السادسه الا خمس صباحا


والجو خيااااااال

[راعي الوقيد]

الموقع النرويجي متوقع سقوط ثلوج على منطقة حايل يوم الثلاثاء والتوقعات على الجبال التي يزيد ارتفاعها على 1050 متر
صورتين مدمجه لتوقعات جبال حايل ليوم الثلاثاء ..
والله اعلم !!

http://www.gmrup.com/d2/up13222596251.png

http://www.gmrup.com/d2/up13222596252.png

[الجازي]

الحين الموقع النرويجي يعرف جبل شطيب وجبل ساق وجبل الجرقوق :)

لايزال الجو في الرياض مهبووووول

اليوم بس تمنيت ان الحريم يسوقون عشان آخذ لي لفة في هالجو الحلو :d:

[راعي الوقيد]

^
^
يالله البريتسه يعرفون اللي تحت الارض:)
لاتخافين عليهم

[شموخ شمالية]

,



,



جو حايل اليوم شاعري

مُطرنا بفضل الله ورحمته





" اللهم‏‎ ‎صيباً نافعاً "

[شموخ شمالية]

مريف الرشيدي ( إخبارية حائل ) حائل :

هطلت صباح اليوم الاثنين أمطار خفيفة إلى متوسطة على منطقة حائل شملت محافظة الغزالة والقرى الواقعة جنوبها ،
كما شملت بلدة رك ، السبيعة ، العدوة ، عقلة بن داني ، عقلة بن طواله ، الجحفة ، طابة ، الروضه .
كما تشهد مدينة حائل الآن هطول أمطار متوسطة جعلها الله أمطار خير وبركه وعم بنفعها البلاد والعباد ..

[الجازي]

ماشاء الله

الله يغيثنا وإياكم


بس والله هالنرويجيين مهم سهلين

صار عندهم سالفة :7ayyoh:

[راعي الوقيد]

^
^
والله انه حول الدعوى
بدت الأجواء تأخذ منحى آخر
اللهم اجعله صيبا نافعاً

[الجازي]

اجل الله لايهينك

شف لنا وش يقولون عن الرياض وما جاورها :)

[راعي الوقيد]

ماعليكم الخير بإقبال

[الاصمعي]

أبشركم أقبل الخير وتباشيره علينا ياهل الخفجي بدت مع هالصباح

توي جاي للدوام من مشيت لين وقفت وهي تمطر مطرٍ خفيف يزيد شوي ويرجع خفيف والجو متغطلس بالغيوم وبشايره سيول بإذن الله :)

ننتظر أخبار بقية المناطق الي عطلوا طلابه اليوم لتوقع أمطار غزيرة وعواصف ((الرياض-الشرقية-القصيم-حايل-الشمال))

اللهم صيباً نافعاً

[الاصمعي]

ألا أيها النوّام ويحكمُ هبّوا ** أسائلكم! أعن رحمة الله تتغبوا؟ :)

اطلعوا تعرضوا لنفحات ربكم

أسئلوا الله من فضله

أدعوا لكم ولأهليكم وأحبابكم وللمسلمين

انها من أوقات استجابة الدعاء

ومن أوقات صفاء النفوس

ومن أوقات حضور القلب

فأكثروا وألحوا فإن لكم ربٌ كريم

[بالمختصر..]

،






ألا أيها النوّام ويحكمُ هبّوا ** أسائلكم! أعن رحمة الله تتغبوا؟

:)


http://www.wata.cc/up/2011/11/images/w-ff72a94747.png


مطرنا بـ فضل الله و رحمته آللهم اجعله صيباً نافعاً ..

+

لا تنسوا الدعاء وقت نزول المطر مستجاب بـ إذن الله ..





.
.

[ريال الفسحه]

الحساء مطرت اليوم


واللحين انا بالدوام بررررد ومطرررر


:)

[الجازي]

لا لا

جونا اليوم يبيله تقاعد من النت :)


وش هالزين وش هالوناسة

والله إثرنا حبوبين وذوق وأخلاق بس الجو والجفاف هم اللي مخربين أخلاقنا :7ayyoh:

اليوم كل من قابلت ولا البسمة شاقتن وجهه <<<< مع اني ماقابلت أحد غير وجهي في المراية :)


سعاااااادة حظ اللي مداومين أو كاشتين


شكلي بجهز قهوتي وأتقهوى في الحوش أو السطح أهم شيء مايفوتني هالجو الخنفشاري :d:

[ريال الفسحه]

^

افرشي فرشتس بالشارع << يبيها تندعس :)

[الجازي]

مهيب شينة

وتساني اندعست صرت شهيدة المطر :)

[الجازي]

اعقبوا على هالعيون

ما أمداني أصب فنجالي وأصور الا وهي ممطرة :7ayyoh:

حتى الطحينة لقيتها مخلصة :)

لكن معليش

كرمال هالمطرات الحلوين كل شي بيهون :d:


http://i.imgur.com/XYb43.jpg

[ريال الفسحه]

^

عسا دلتس تنتثر :)

[الجازي]

ماهيب دلة

ترمس :)

وحتى لو انتثرت فدوة لهالمطر <<<< تسني قاعدتن أقهويه :d:

ابو خالد معليش اعذرني عفست متصفحك

بس المطر عامل عمايله فيني :)

خلاص بعتقك من ردودي <<<< ام الحوطنة :7ayyoh:

[الاصمعي]

لا كذا ممتاز:goooood:

مع المطر مامن خطر <<لا انعفاس موضوع ولا مزاج يا ربي لك الحمد :)


بس أريت هو يقال "اهبوا" ولا "اعقبوا" :thumb:

[الجازي]

أهل الرياض لهم فيها قولان :)

اذا هم يمزحون ونيتهم زينة قالوا اعقبوا

واذا هم صادزين ويبون يصكون بعين قالوا اهبوا :7ayyoh:


ترى حتسينا غير يا اهل الوسطى :d:

[ريال الفسحه]

بالصميم يابوخالد :)

[الاصمعي]

أكيد تصيرون غير ياهل الوسطى دام منكم الكنق وأنتم خاصته:goooood:

أهم شي ما تزين النيه زود ويصير به لعن وشتام هههههههه

:7ayyoh:

[الجازي]

ريالوه شكلك تسمع بالصميم :)

[الشبث]

ابشرك يابو خالد اليوم امطااار وسيوووول


من الفجر الى الساعه 10 الصباح وهي مديمه


تاقف شوين وتصب



الحين رش خفيف


بس ما شاء الله مطر طيب


ركبت سيارتي وطلعت اشوف البران اللي حولنا


ما شاء الله القاع مليانه





وبرد



ابو خالد

بالله لو حنا مخيمين هالاسبوع مهو احسن :)


شرايكم نهيض الربع



وتقلدوا تحيتي

[الاصمعي]

ريال اطلبه للحق وحنا معك:)

[ريال الفسحه]

قداااااااااااااااااااام



اجازتي تبدا الربوع ولمدة 15 يوم :)

[الجازي]

هالمرة اجل



اهبوا :)

[ريال الفسحه]

جليهن يعرفن حق يابوخالد


هذولي مايخافن الله :(

[الجازي]

حتى فسحولتك خخخخخخخخ !؟ :)

[ريال الفسحه]

الجازي ملابطتن من اصبحت وهي
تمشي وتخانق :(


الله يعطيه باند على قد نيته :)

[الجازي]

امين

تسانه على قد نيتي فهو ماهنا زينه :d:

[الاصمعي]

الله يبشرك بالخير يابو ماجد

والله يا أيام هالأمطار والجو الحلو لو يحصل به طلعة مع شرواكم انه تعد من العمر:hala1:

يالله تول الدعوة والترتيب وحنا جاهزين لكل شي من طقطق لسلام عليكم

أريت سيارتك مهي مخبطة أمس ولا من بركات هالمطر صلحت<<اليوم مشتهي المعامش :thumb:

تقلد تحيتي

[ريال الفسحه]

<<< انقهر وسجل خروج :)

[الجازي]

الله يبشرك بالخير يابو ماجد

والله يا أيام هالأمطار والجو الحلو لو يحصل به طلعة مع شرواكن انه تعد من العمر:hala1:

يالله تول الدعوة والترتيب وحنا جاهزين لكل شي من طقطق لسلام عليكم

أريت سيارتك مهي مخبطة أمس ولا من بركات هالمطر صلحت<<اليوم مشتهي المعامش :thumb:

تقلد تحيتي

خخخخخخ

بالصميم بالصميم :)

[ريال الفسحه]

امداك لقطتيها هههههههههههههههههه



مايمديك تعدل يابوخالد وراك هالرادار خخخخخخخخخخخخخخ



ماتخاف الله هالعجوز :)

[الاصمعي]

^
^
حسبي الله ونعم الوكيل:(

والله اني خشيت على التعديل من قريت الرد ومجهد قبل أحد يقراه بس ماش حظك بالسما <<انتقمتي بساعتك:)

خلاص اكتبي ما تبين لا تدقيق بعد اليوم :)

[الجازي]

ريالوه

اخبرك مسجل خروج :7ayyoh:

ابو خالد هذه بتلك :)

[الشبث]

الجازيوووووه


بالثميم بالثميم



اللي بالصميم والله ضربة اوباما :)








ابو خالد ابروح انزل موضوع بالاداري نشاور الربع





وتقلد تحيتي

[عبدالله الجعيثن]

ماشاء الله


تصب من الصبح



ديم وضباب على ولاية بقيق


ولا زال الخير بأقبال

[الشبث]

الله يجيب الخير



لاهنت يابو غازي



رح فيه موضوع بالاداري شفوه



وتقلد تحيتي

[الجازي]

ترقبوا

قريباً في الأسواق :)


تغطية حصرية لسيول وأمطار مدينة الرياض وضواحيها :d:

[الاصمعي]

^
^
كفو والله ايه جيبي أدق التفاصيل عن الأمطال والسيول في ديرة الكنق :thumb:

شكراً مقدماً مراسلتنا من العاصمة :)


الا مراسلينا من حايل مالهم بينة اليوم ماوافونا بجديد حايل بعد أمطار البارح:g:

[الجازي]

عدل عدل يابو خالد دامني ماسكة نفسي ولا صدتك :)

[الجازي]

بالنسبة لمراسلين حايل

أهقى انهم غرقوا :)

[شموخ شمالية]

.


,



<<<<< جالسة بالمشراقة


مامن أمطار اليوم



الخير جاي إن شاءالله

[الاصمعي]

عدل عدل يابو خالد دامني ماسكة نفسي ولا صدتك :)
منا معدل هو حريف ويحيد حتى بعد ما قريت ردك رجعت لردي مرتين ياللع كشفته :)

عاد هالحين لو عدلته يحسبوني جايب مطمه بخصوص الكنق ولا شي:thumb:

[الاصمعي]

.


,



<<<<< جالسة بالمشراقة


مامن أمطار اليوم



الخير جاي إن شاءالله

تسيف مشراقة ولابه أمطار!!

أجل وشو له معطلين وغدانكم :)

الله يجيب الخير وتوافونا بتفاصيله

تحياتي

[الجازي]

طيب عدل في ردك الاخير :)

[عبدالرحمن]

امطال وشرواكن:)
ابو خالد عسى بس العرب مادرو انك انضميت لرابطتنا التعددية:)

[-------]

<<<<< جالسة بالمشراقة
وشو مشراقة ساعة عصرت مخي افكر وشهي ولا جيت بنتيجة

[سالم الظفيري]

والله حنا امس كلة امطار والحمدلله




المشراقة المشراقة

هي على ماظن البلاكونا

او مكان تشرق علية الشمس