ارحموا ضعفها !!

[الجازي]

http://www.m5zn.com/uploads/2011/5/18/photo/051811050512a8jmrcz31avq.jpg (http://create-avatar.m5zn.com/)


*
*


http://www.m5zn.com/uploads/2011/5/18/photo/05181105051365jkpc61u8p.jpg (http://create-avatar.m5zn.com/)


^
^
^
بالله ماكسرت خاطركم !! :za3lan:


تصدقون إن هذي كانت يوماً ما شجرةً غنّاء !!


وفجأة أصيبت بداء الصلع


وحتّت أوراقها ولا بقى فيها إلا هالشعرتين !! قصدي هالورقتين !!


وليتهن بعد صاحيات !!


وحدة رجلها والقبر :(


والثانية مصوفرة تسن فيها الكبد الوبائي :)


والثالثة تتشبث بالحياة والله العالم إن مصيرها مصير أخيّاتها :7ayyoh:


كنت ماخذتها من المشتل وسألت صاحبها عن نوعها <<<< على بالي فاهمة :)


قال اسم حول اكتوبيوس المهم إنه اسم غثيث يشبه أسماء الرومان الأولين :)


قلت له أهم شيء عندي بما إنها من نباتات الظل كيف طريقة العناية بها


قال : أبداً حضرتك مافيهاش أي صعوبة !!


إنتي بس بتسئيها ميّة كل أسبوع عشرة إيام إسبوعين <<<< من قام يمدد وأنا عارفة إن ماعنده سالفة :)


قلت كم الكمية طيب !!؟


قال : شوية مش بتحتاق كتير !!


قلت : يعني كم ؟؟


قال : تئريباً لتر <<< هذي الشوية حسبي الله على عدوك ناويتن أحط لها بيالة مويه :7ayyoh:


المهم صرت أسقيها كل أسبوع أو عشر أيام لتر مويه !!


وكل يوم يبطبط منها ورقتين ثلاث !!


وأنا قلبي يوجعني مدري وش قصتها !!؟


قلت يمكن بينبت مكانها ورق جديد عشان كذا يطيح القديم !!


بس ماش كل يوم يزيد المفقود ولا نشوف مولود :wallah_hoo:


لما مابقى فيها إلا هاللي أنتم تشوفونه !! :za3lan:


بالله وش السواة


وش الحل


كيف أنقذ حياتها :)


قسمن كاسرة خاطري أحس إني أنا اللي ذبحتها :7ayyoh:


اللي عنده خبرة في نباتات الظل يعجل علي بالحل المناسب


وله مني دعوة تالي الليل <<< الله كل ذا عشان نبتة :)

[شموخ شمالية]

.
.

:3abrah::3abrah::3abrah:


طرى علي شعر فلانه يوم هو يروح فيها بسبب الصبغات >> اللي قلت لتس أمس:d:



ماعنديش خبره ياستي عندي شجرة ريحان بحايطنا ..
وصحوت صباح ذلك اليوم ولم أجدها << قلبت خاطرة :unsure:

سألت أمي قالت أختس أوجعه ضرسه الضاهر أشتمّت منه راحت وقطعته وجدعته بالشارع :doh:
عاد من عقب ريحانتي ماجبت ولا شجرة


عاد السقي أذكر خالي يقول مره الصبح ومره المغرب أخاف انتي قمتي تزغدينه من هالماء وماتت الله يغفر له :nono:
رجعيها لهم وأسأليهم عن تغذيتها غديه ترجع للحياة مدام الغصن بوه روح





الله لايحل عدوتس أبكيتينا على هالظهر وحنا عندنا طلعة لمشار :bye2:

[الجازي]

هههههههههههههههاي

الله يرج عدوتس

لو أسقيها الصبح والمغرب تسان مبطي مودعينها :)

أقول لتس قال لي اسقيها مرة في الاسبوع لتر مويه

وسويت اللي قال عليه بس ماش ودها تموت !! :(

بعدين وش يوديتس لمشار وخويتس ضايقن صدرها على شجرتها :)

صدز ماعندتس مشاعر :7ayyoh:

تسلمين يالغلا على هالطلة

[متعجب]

اسقيها شاني وهي تورّد


٧
٧

خبير نباتات تخصص اللامحوريات

اذا تبينها ترد للحياة لازم تتعبين معها كم يوم

يعني،،

هذه النوعية من النباتات ليست للظل المطلق بل هي بحاجة
لضوء الشمس المباشر والبارد

لذلك عليك بالاتي

عقب صلاة الفجر تاخذين شتلتك المصونه وتحطينها تحت ضوء الشمس بزاوية إنكسار ٤٥

لمدة اربع ايام متتابعه ولفترة ما قبل الضحي ثم ترجعينها للداخل

وشوفي النتيجة بعد عشر ايام.


هي به ابو صفار !!!!

[الجازي]

ضوء شمس مباشر وبارد !!؟

وش هالشرط التعجيزي !؟

مايكفيها النور اللي يوصلها مع الشباك !!؟

والله لو بسوي طريقتك لمدة عشر أيام أنا اللي بينبت في راسي نخل :)

من قرادتي رحت أتفلسف وأختار هالنوع اللي له ورق !!

مشكلة الهياط :)

مشكور أخوي متعجب بحاول أطبق اللي أقدر عليه وأخليها جنب الشباك الشرقي عشان الشمس ونشوف

[سالم الظفيري]

اجل قلبك حنون ومتكسر على هالمسكينة

احسن حل حطي عليها سماد حق الزرع وسقيها الصبح والغرب


بس في حل احسن و ش لك بدوخت الراس

مع الدريشة احذفيها وهادي لك شي يفتح النفس

لك تحياتي

[ريال الفسحه]

الى اقرب درام


مع تحياتي


ريال الفسحه
المسؤل عن مزارع الامير عبدالله مذري

[عبدالله الجعيثن]

اكيد السماد مهو اصلي :315r:

[الجازي]

اجل قلبك حنون ومتكسر على هالمسكينة

احسن حل حطي عليها سماد حق الزرع وسقيها الصبح والغرب


بس في حل احسن و ش لك بدوخت الراس

مع الدريشة احذفيها وهادي لك شي يفتح النفس

لك تحياتي

قلبي حنون وأحذفها مع الدريشة :puzzled:

مايصير !!

عموما هي الحين في طور العلاج

ياتعيش

يا

تعيش :)

وإن شاء الله إنها بتعيش

شكراً لمرورك أخوي سالم

[أبو فهد]

طيب يالعمة اسقيتيه حليّب ؟


أكيد لا



:(



----------------
أبو فهد الهمزاني

[الجازي]

الى اقرب درام


مع تحياتي


ريال الفسحه
المسؤل عن مزارع الامير عبدالله مذري

صدز !!

تهقى تعيش عقب ما أرميها في الدرام :a:

بما إنك يعني خبير مزارع الأمير عبدالله :)

[الجازي]

اكيد السماد مهو اصلي :315r:

أبراي لله

اسأل ريالوه

حنا نوصيه يرسل لنا من مزارع سموه :7ayyoh:

[الجازي]

طيب يالعمة اسقيتيه حليّب ؟


أكيد لا



:(



----------------
أبو فهد الهمزاني


إلا

وحليب خلفات بعد

تهقى جتها حمى مالطية وهي اللي خلتها هاللون :wallah_hoo:

يمكن والله :)

[متعجب]

صار له اسبوع الحين

بشري عسى نفعت الوصفه

[بالمختصر..]

،




كل نبته له فتره تتساقط أوراقه و تيبس ( مو شرط بالخريف بس )

فيه اللي بالشتاء و اللي بالربيع ... الخ


اتوقع نباتات الظل نفس الشي ‏.. ‏

و يمكن هي تمر بهالحاله !

إنتي ما شفتي شجرة العنب شلون تيبس بالشتاء و عقب ترجع تثمر من جديد ..؟

إصبري عليه بس ..

و فيه طريقه قالته مريم نور لسقاية النباتات ..

تقول إذا سلقتي خضروات مثلا بطاطس ، احتفظي بالماء و خليه لين يبرد و اسقي بوه الشجر ..




.
.

[الجازي]

صار له اسبوع الحين


بشري عسى نفعت الوصفه

شكراً على النصيحة الذهبية

هذي أوراق شجرتي بعد الوصفة

http://www.m5zn.com/uploads/2011/5/23/photo/052311060557vwflslsr31vr72.jpg (http://create-avatar.m5zn.com/)

منهم من قضى نحبه ومنهم من ينتظر :puzzled:

[الجازي]

،




كل نبته له فتره تتساقط أوراقه و تيبس ( مو شرط بالخريف بس )

فيه اللي بالشتاء و اللي بالربيع ... الخ


اتوقع نباتات الظل نفس الشي ‏.. ‏

و يمكن هي تمر بهالحاله !

إنتي ما شفتي شجرة العنب شلون تيبس بالشتاء و عقب ترجع تثمر من جديد ..؟

إصبري عليه بس ..

و فيه طريقه قالته مريم نور لسقاية النباتات ..

تقول إذا سلقتي خضروات مثلا بطاطس ، احتفظي بالماء و خليه لين يبرد و اسقي بوه الشجر ..




.
.

والله مدري يابالمختصر !!

أنا أخذتها من عنده وهي مافيها مغز إبرة فاضي من كثر أوراقها

ومن يوم جت عندي وأوراقها تبطبط حزناً على فراق راعيها المصري :)

يعني ما أمداه بين عشية وضحاها تتغير فصول السنة :7ayyoh:

أما طريقة مريم نور والله لو إني بقطف من ورا هالشجرة ذهب عشان أسقيها موية بطاطس وإلا كوسة وإلا مرقة جزر :)

ماسويت مرقة لي عشان أسويها لشجرتي البائسة :solh:

مالي إلا الصبر

تسان طاحت كل أوراقها ويبس عودها مالها إلا درام ريالوه :)

يسلمو ياعسل عالمرور

[بالمختصر..]

^
^



انا ما قلت اسلقي له بطاطس و كوسا و اسقيه الماء !

أنا أقول لو سلقتي خضار و بقى الماء لا تكبينوه اسقي بوه الشجر ،




الظاهر ماله الا الدرام :)




.
.

[الجازي]

ايه ياقلبي البلا وشلون بيبقى وأنا ماسويت لنفسي مرقة أصلاً :) <<<< حالتها مستعصية :)

تصدقين عاد حاسة إني لو رميتها في الدرام بتنبت أوراقها :)

تدرين ليه !!؟

لأنها ماهيب كفو حشيمة ومرق خضار :7ayyoh:

يسلمو يالغلا

[متعجب]

اكيد الزاوية ما كانت ٤٥ درجه


أو ان بالاساس ما كان فيها ورق بس اللي باعها لك ملزق الورق


اظن لا تجتمع الامه على ضلاله. ،،،،. الدرام الله لا يهينك

[ليلى بنت عبدالعزيز]

ايه ياجزجز
<< تتنهد

في يوم سعيد وكان وقت قايله رحت للمشتل وشريت لي وحده من هالنباتات
... يالبييه ياطولها
وفرحانه بها كم يوم ويجي يوم وعندنا عشاء بعد ماطلعوا الجمع الغفير ماحصلتها:a:
واشجرتااااااااه

اثاري العيال مطلعينها من جذورها ولاعبين بها ولقيت الجثه بالشارع >> تغارقت دموعها:za3lan:


المهم حبيبتي الشجر هذا مايسقى
بس يرش رش على جميع نواحيه كل ثلاث ايام
ومكان بارد مو يتعرض لحراره الشمس مباشره
وبس

خلينا نتخاوى للمشتل شرايك:)

[الجازي]

http://www.m5zn.com/uploads/2011/5/24/photo/052411130552z6dv5qx.jpg (http://create-avatar.m5zn.com/)

شكلها مستعجلة عالدرام :)

لكن لا

راسي وألف سيف إلا أنعشها من جديد وأصبر عليها وإذا طلعت أوراقها قلعتها للدرام <<<< عناد بس :)

ليالي ياحيي

ياختي أحبتس والله :d:

يالله قدام

شوفي لنا أحسن مشتل في الحتّه وخلينا نتخاوى ونروح له :)

[جمران]

وفي روايه ان شجرة الجازي

والا تدرون






انزلو













انزلو


















http://www.shy22.com/imfiles/btp60951.jpg (http://www.shy22.com/)

[الجازي]

الله يغربل عدوك :)

منين جبت هالصورة !!

والله إنها أبرك من شجرتي

صابرتن على الحر والجفاف وش حليلها ماقالت شيء

صح إنها تسنها جنيتن شاردة :7ayyoh:

بس على الأقل عايشة

مو مثل هالمدللة عندي براد ونفاه وحشيمة ودلال وآخرتها مانّتن علي بكم ورقة !!

الظاهر حتى الشجر ماينعطن وجه :)